Fukushima Europako politikan hasi da eragiten
Fukushimako hondamendi nuklearrak ez ditu ibaiak, ura eta elikagaiak bakarrik kutsatu. Europako politika ere harrapatu du. Alemanian jada ikusi dugu. Hondamendiaren ondorengo lehen hauteskundeetan, Merkel kantzilerrak gotorleku garrantzitsuena galdu du, Baden-Württenmberg. Lau erreaktore nuklear eta energia nuklearraren aldeko lehen ministroa dituen Land hori “berdeek” eskuratu dute. Bozka kopurua bikoiztu dute, %24ra iritsi dira eta lehen aldiz erregio horren giltza daukate. Porrot horrek beste arrazoi batzuk ere izan ditzake: politika ekonomikoa eta fiskala, euroaren eta Libiaren aurrean hartutako jarrera. Dena dela, ez dago zalantzarik; Merkelek energia nuklearrarekiko izan duen jarrera epelak hauteskundeen deskalabruan eragina izan du. Orain, Japoniako hondamendiaren ondoren, Merkelek hala esan du: “Energia nuklearrarekiko dudan jarrera dagoeneko ez da bera”. Esan du, ekainean hiru hilabeteko luzamendu nuklearra bukatu arte itxarongo duela erabaki zehatzagoak hartzeko.
Hauteskundeetako ipurdikoak noraezean dabiltzanei balioko die. Euskal Herritik gertu, Espainiako eta Frantziako Estatuetan, hamarnaka erreaktore nuklear dauzkagu. Eta hauteskunde orokorrak hurbil daude. Fukushimako deskalabrua baino lehen, energia nuklearra mantentzearen eta zabaltzearen aldeko jarrera indartsuagoa zen. Espainiako Estatuan Garoñaren bizitza luzatzeaz ere ari zen PSOE. PP zentral nuklearren beharraz mintzatzen zen. EAJk Ekonomia Iraunkorraren Legea babestu zuen, zeinak zentralen 40 urteko bizitza-muga bertan behera uzten zuen. Orain PSOEk energia berriztagarrien alde egiten du berriz, eta EAJ eta PP, Garoñaz hitz egiteko ez bada, isilik daude. Ez Txernobylek, ez Hiroshimak, ez Harrisbourgek ez zioten eragin Europari. Fukushima eragiten hasi da. Eskerrak!
Erradiazio eta segurtasun nuklearreko adituek adierazi dutenez, Fukushima Daiichiko instalazio nuklearretik isurtzen ari diren ur erradioaktiboa ez da mehatxu esanguratsua, ez itsasoko bizidunentzat, ezta pertsonentzat ere. Hala adierazi dute Science aldizkarian argitaratutako... [+]
Halabeharrez hasi dira agorrilaren 24an Fukushimako zentraleko urak itsasora jaurtikitzen; ur kontaminatuak metatzeko zisternen %97 beteak dituztelako eta etenik gabe gehitzen zaielako ura –egunero 140 tona–. Ur "deskutsatuak" izanik ere, herritarrek... [+]
Japoniako Gobernuaren erabakiak protestak eragin ditu herrialdean, eta besteak beste, Txinak kritikatu egin du erabakia. 2011 urteko istripu nuklearraren ondorioak oraindik pairatzen dira.
Energia Atomikoaren Nazioarteko Agentziaren txosten batek oniritzia eman dio Japoniari, 2011ko hondamenditik Fukushimako zentral nuklearra hozteko erabilitako ur kutsatua itsasoan zabal dezan. Duela bi urte iragarri zuen 1,25 milioi tona ur baino gehiago itsasora botatzeko plana... [+]
Apirilaren 13an Japoniako Gobernuak erabaki du Itsaso Barera isuriko duela 2011n Fukushiman istripua izan zuen zentral nuklearrean pilatutako ur erradiaktiboa. Bi urte iraungo du operazio honek. Egun kutsatuak diren eta itsasora isuriko diren 1,25 milioi tona ur hauek... [+]
Duela hamar urte gertatu zen ezbeharra, Japoniako Fukushimako Daiichi zentral nuklearrean istripua, 2011ko martxoaren 11ko tsunamiak eragindakoa. 1986ko Txernobylgo istripua eta gero, larritasun hein berekoa errepikatu zen 25 urte berantago. Hamarkada pasa da, eta dirudienez... [+]
Martxoaren 11 honetan betetzen dira 10 urte justu Fukushimako Daiichi zentral atomikoaren lau erreaktoreak matxuratu zirenetik, lehenik lurrikarak eta ondoren maremotoak astinduta. Istripu hartatik eta geroztik –eta urte luzeetarako– laga dituen ondorioetatik... [+]
Japoniako Gobernuak Fukushima Daiichi zentral nuklearretik milioi bat tona ur kutsatu askatzea erabaki duela jakitera eman dute. 2011n istripua gertatu zenetik kutsatutako ura biltegietan jasotzen aritu dira eta arazo larri bilakatu da.
Ura metatzen ari da erreaktoreetan 2011ko hondamendiaz geroztik, eta lekurik gabe geratzen ari direla esan du Japoniako Ingurumen ministroak.
Ingurumenaren Sormen Gunea deitzen da eta bertan Fukushima probintziako haurrek ikasten dute nola bizi den gizakia irradiazioen artean betidanik. Antzeko erakusketa gehiago badira, eskualdeko bezala Japoniako gobernuek antolatuak. Diote agintariek fukushimatarrek desdramatizatu... [+]
Martxoaren 11n betetzen dira zortzi urte Japoniako Fukushiman gertatu zenetik historiako istripu nuklearrik larrienetakoa. Iaz, 2018an, eskaini bazituen lau erreaktoreetatik matxuratuena omen dagoen bigarrenaren lehen irudiak, aurten robota bertan sartzea lortuta berriak eskaini... [+]