Zer negoziatu dute bankuekin Zubietako erraustegia egiteko?
Joan den otsailean jakin zen Gipuzkoako Hondakinen Partzuergoak kontratua sinatu zuela Europako Inbertsio Bankuarekin eta beste bi banku pribaturekin erraustegia finantzatzeko. Kontratu horren edukia tantaka ari gara ezagutzen, eta badirudi, hartutako konpromisoak urte askotako eta baldintza gogorretako hipoteka ordaintzera derrigortzen dituela gipuzkoarrak.
Abalik ez, baina garantiak bai. Horixe sinatu du Gipuzkoako Hondakinen Partzuergoak –Aldundiaren babesaz– erraustegia finantzatzeko. Europako Inbertsio Bankuak (EIB) 195 milioi euro mailegatuko ditu eta La Caixa eta Banestok 68 milioi. Diru hori 21 urtetan kitatu beharko dute gipuzkoarrek, Euriborrean oinarritutako interes aldakorreko tipoarekin. Horren truke hainbat berme eskatu dituzte finantza-erakundeek eta kontratu batean ezarri dituzte horiek guztiak.
Kontratuaren edukiak hainbat egunkariren eta Greenpeaceko iturrien bidez zabaldu dira. El Diario Vascok lehenik aurreratu zuenez, iltzearen gakoa tarifa sistema izango da eta bankuen ingeniariek “etengabe” gainbegiratuko dute finantzaketa. Horrela, Berria egunkariari Greenpeacek esandakoaren arabera, erraustegiaren errentagarritasuna ziurtatzeko hondakinen partzuergoa derrigortuta legoke hondakinak tratatzeko tarifak garestitzera, bankak hala eskatuz gero. Bestalde, partzuergoak ezingo ditu bere estatutuak aldatu bankuen baimenik gabe, eta marko legal horretan, mankomunitate eta udalak behartuta daude euren zaborrak partzuergoaren instalazioetara eramatera eta hipoteka ordaintzera.
Nork kontrolatuko gaitu?
Bankuei helarazitako zifrak ez dira Gipuzkoako hondakinen planeko berberak. Eusko Jaurlaritzako ingurumen baimena lortzeko txostenean 320 milioi euro ziren proiektu osoarentzat, baina EIBren finantzaketa kontratuan jartzen duenez 478 milioi euro kostako luke. Interesak gehituz gero, 580 milioi euroko gastuak lirateke Greenpeaceko iturrien arabera, BEZa kontuan izan gabe. Hernaniko Kronikak egindako elkarrizketa batean, Julian Zapiain eta Pepe Rivanedeyra EHUko irakasleek diote “gutxienez 1.000 milioi euro” ordainduko dituela Gipuzkoak azkenean.
“Printzipio akordio bat da, dirua pixkanaka joango dira libratzen, hitzartutakoa betetzen duzula egiaztatzen den aldiro”, esan zuen Greenpeaceko Julio Bareak Hernaniko Kontrakantxa gaztetxean partzuergoak sinatutako kontratuaz emandako hitzaldian. Egiaztapen hori egiteko, bankuek aholkularitza eta auditoria bufette entzutetsuak erabili ohi dituzte: Cuatrecasas, Deloitte… Kontratuarekin zerikusia duten guztia gainbegiratzen dute, hala nola: hipotekadunaren diru-sarrerak zein diren, ondarea, konpromisoak… Eta hori guztia hitzartutakoarekin kontrastatzen dute, bermeak betetzen ari direla ziurtatzeko.
Organikoa erraustea
EIBrekin sinatutako kontratuaren anexoetan proiektuaren deskripzio teknikoa azaltzen da, eta bertan konpost planta bakarra aurreikusten dute, urtean 7.000 tona hondakin konpostatzeko gaitasunekoa. Beraz, Gipuzkoako hondakinen planean azaltzen diren gainerako bi konpost plantak ez dira egingo. Gaur egun martxan dagoen planta bakarra Azpeitiko Lapatxekoa da; 2.500 tona hondakin jasotzeko gaitasuna du, baina 2010ean 4.000 tona jaso ziren, batez ere organikoa atez ate bildu zuten udalerrietatik bideratuak. Hau da, 1.500 tona organiko zabortegira bota zituzten. Aitzitik, Gipuzkoako Aldundiak onartutako planean aurreikusten zen 2009rako hiru konpost planta eraikita egotea eta 2016rako 60.000 tona organiko konpostatzea. Beraz, bankuekin sinatutako kontratuan, partzuergoak konpostatzeko estimazioak nabarmen jaitsi ditu. Zergatik?
Azkeneko urteetan sortutako zaborra murriztu egin da krisiaren ondorioz, eta horrela jarraituz gero, erraustuko den zaborrak nekez gainditu ahal izango ditu 200.000 tonak. Finantza-erakundeek esku artean duten dokumentuak baina, 260.000 tona zabor tratatzeko gaitasuna izan dezakeen erraustegiaz hitz egiten du –hirugarren linea jarriz gero 315.000 tonara irits litekeena–. Partzuergoak kopuru horretara hurbiltzeko moduko proiektua aurkeztu die bankuei, beraz.
Dena den, erraustegiaren errentagarritasuna ezbaian jarri duen beste datu bat ere azaldu da berrikitan. Eraikuntza lanen lehiaketan parte hartu duen BEFESAren eskaintzaren arabera, erraustegiak sortuko lukeen energia kopurua txikiagoa litzateke. Zehazki, urtean 1,2 milioi euro gutxiago lortuko luke Zubietako plantak elektrizitatea salduz.
Kopenhage, 1974ko abenduaren 18a. Eguerdiko hamabietan ferry bat iritsi zen portura eta bertatik 100 Santa Klaus inguruz osatutako taldea lehorreratu zen. Antzara erraldoi bat zeramaten haiekin. Asmoa “Troiako antzara” moduko bat egitea zen, eta, hirira iristean,... [+]
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
Gizartean gatazka sortzen duten proiektuak jai bezperetan onartzeko ohiturari jarraituz, abenduaren 20an onartu du Eusko Jaurlaritzak Energia Berriztagarrien Lurralde Plan Sektorialaren "behin behineko bertsioa". EH Bizirik-ek elkarretaratzea egin du Jaurlaritzaren... [+]
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Santa Marta komunitateko (El Salvador) ADES Garapen Ekonomiko eta Sozialerako Elkarteko presidentea da Vidalina Morales. “Rol horretatik harago, ingurumen ekintzailea ere banaiz, giza eskubideen defendatzailea eta emakume baserritarra; hainbat urtez borrokan egon diren... [+]
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
Gabonetako Loteriaren datuak eman berri ditu Espainiako Gobernuaren menpeko Estatuko Loteriak eta Apustuak elkarteak. Horien arabera, Araba, Bizkaia eta Gipuzkoan batez beste 84,33 euro gastatu ditu herritar bakoitzak, eta nafarrek, berriz, 53,38 euro, EiTBn irakur daitekeenez... [+]
Hainbat euskal presok salatu duenez, Zaballako espetxezainek "ezkutuko greba" hasi dute, haien erdiak gaixotasun baja hartuta. "Ezkutuko greba honen bitartez, 'zerbitzuaren gabeziak' salatzea dute helburu, baina benetako greba bati ekin ez, eta preso... [+]
Herriko elkarte eta eragileek antolatzen dute Olentzero eta Mari Domingiren etorrera Irunen, sorreratik. Goizetik gauera jakin dute udalak hartu duela ekitaldiaren jabetza eta beraz, ekitaldiaren inguruko azken erabakiak haren gain geratu direla: “Udalari eskatzen diogu... [+]
Ez dut maite aterkia partekatzen ez dakien jendea. Ez dut maite azkarregi ibiltzen den jendea, ni ez naizenean; ez eta polikiegi ibiltzen dena ere (tira, horiek pixka bat bai, baina pixka bat bakarrik). Ez dut maite autobusean pasilloaren aldeko eserlekuan esertzen den jendea... [+]
Ugaztun hitza entzutean, askotan burura etortzen zaizkigun lehen ordezkariak tamaina handienekoak izan ohi dira: hartza, otsoa, oreina… Batzuetan etxekotutako katua edo txakurra dira agertzen lehenak, edo urruneko lehoiak eta elefanteak. Ikusgarritasunak lehia irabazi ohi... [+]
Gero eta nekazaritzako test gune gehiago ditugu inguruan, hau da, nork bere proiektua martxan jarri aurretik nekazaritzan eta abeltzaintzan trebatzeko guneak. Nafarroako Zunbeltz espazioa eta Gipuzkoako eta Ipar Euskal Herriko Trebatu dira horietako zenbait adibide, gurean... [+]
Laster urte guztian izango ditugu malko ilar goxoak (Pisum sativum). Oraindik, ordea, negua eta udaberria dira, ia erabat ilar freskoak jateko sasoia; udaberrian jango ditugun azken ilarrak ereiteko garaia orain hasten da. Eta oraintxe jango ditugu urria aldera erein zirenak.
Palestinarren genozidiorako Israelek erabiltzen duen arma nagusietako bat gosea da. Alde batetik, Gazara elikagaiak sartzeko debekuarekin, eta, bestetik, Palestinako elikadura-burujabetza ezabatuta.