Celaá ez da leloa
Orain gutxi izan dira hauteskunde sindikalak irakaskuntza publikoan. Irabazle Cum laude euskal gehiengo sindikala izan da, hots, LAB, STEE-EILAS eta ELA. Dudabako galtzailea, aldiz, CCOO (eta UGT) izan dira, hots, Hezkuntza Sailaz jabetu direnak; Sailarekin (esan nahi bata, beraien buruarekin) lan-hitzarmena gutxiengoan sinatu zutenak... Zigor galanta jaso dute, bistan da, ustezko sindikalismo espainoltzaleak, eta hedaduraz Hezkuntza Sailak, Celaá buru.
Isabel Celaák berak, emaitzen balorazioaren ildora, hauteskunde politikoak eta sindikalak gauza diferenteak direla esan du prentsan, eta berak gehiengo politiko eta soziala baduela. Gehiengo politikoarena, jakina, egiazkoa da –beste kontu bat da nola lortu duen– baina sozialarena ja gehitxo esatea iruditzen zait. Edonola ere, MediaMarkteko bezeroak bezala, Celaá ez da leloa eta, aitortu zein ez, jakin badaki zeintzuk izan diren arrazoiak tamainako iraulketarako, nahiko agerikoak baitira, izan ere.
Alde batetik hezkuntzaren beraren esparruari dagozkionak daude: nola tematu diren, euskararen kaltetan, beste hizkuntza batzuk eskolan sartzearekin –berez ondo legokeena, tentuz eta adostuta eginez gero–; nola eraldatu duten Irale programa, besteak beste, euskal kultura lantzeko ikastaroa kentzen saiatuz –neurri batean lortu ere egin dutena–; nola sartu nahi duten eskolan dotrinamendua, bakerako hezkuntza delakoan... Bestetik, lan eremuaren inguruko arrazoiek ere pisu handia izan dute gertaturikoan. Madrilen CCOOk (eta UGTk) sinatu duten erretiro adina atzeratzeko eta abarrerako “akordioaz” gain, kontuan hartu behar dugu mota guztietako murrizketak ezarri dituztela zentroetan, batez ere ordezkatzeak egiterakoan. Adibidez, neure irakastegian lankide batzuk egon dira/daude bajak hartu gabe edota atzeratzen –ebakuntzak barne– besteoi enbarazurik ez eragitearren...
Sailburuak ez omen du norabidea aldatuko. Ikuskizun dago, baina hala balitz, oso zail izango du dituen planak inposizioaren bidez gauzatu ahal izatea, langileak gero eta arerioago izango baititu.
Laster Osakidetzan izango dira hauteskundeak, eta osasun-langileen artean dagoen egonezina ere ezaguna da. Agian labur samarra naiz, ez dut-eta ulertzen menpekoak aurrez aurre izanda, eurenari irmoki eusteko seta hori.
Bengoa ez dakit, baina Celaá ez da leloa.
.jpg)
Atentatua astearte goizean izan da, Kieveko auzitegi batek Kirillovi Ukrainako tropen aurka arma kimiko debekatuak erabiltzea leporatu eta hurrengo egunean. 300 gramo TNTko karga zuen lehergailuak, eta Errusiak jazotakoa argitzeko ikerketa bat jarri du abian.
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Hego Koreako presidente Yoon Suk Yeol-ek abenduaren 3ko arratsean gerra-legea ezarriz sutu zuen krisi politikoa itzaltzetik oso urruti dago oraindik. Nahiko argi badago ere kolpea sustatu zutenak ez direla irabazten ari. Oraingoz.
Gero eta bideragarritasun handiagoa hartu du –eta hartuko du– Israelen planak, palestinar herria beraien lur martirizatuetatik kanporatzeko. Iraganean Far West amerikarreko etnia indiarrekin gertatu zen bezalaxe da. Iranen aurkako gerra inoiz baino gertuago dago.
Ehunka pertsona mobilizatu dira ostiralean Santutxun ireki berri dutenMcDonald’s jatetxearen itxiera eskatzeko. Enpresa amerikarraren aurkako boikot kanpainan aktiboki parte hartzea eskatu du mobilizazioa deitu duen Bilbo-Palestina herri ekimenak.
Ekaitz-erauntsia emana zegoen eta "hondamendia jazo da", Errusiako Gobernuak jakinarazi duenez. Ukrainak arduragabekeria egotzi dio.
Israelgo Atzerri Ministerioak igandean iragarri du Dublinen daukaten enbaxada itxiko dutela, Irlandak iragarri eta gero bat egingo duela Hegoafrikak Israelen aurka jarritako salaketarekin.
Okzitaniako Tolosako Apelazio epaitegiak eman du epaia, eta horren arabera, udaletan ezingo da katalana lehen hizkuntza moduan erabili, eta izatekotan, frantsesez egin ondoren, hura katalanera itzuli ahal izango da.
Samira Belyouaou (Heidelberg, Alemania, 1994) diasporako alaba da. Gurasoak Rifen (Maroko) jaioak, Alemanian Samira alabak eta lau seme-alaba gehiagok amazigera izan zuten etxeko hizkuntza. Itzulpengintza ikasketak egina, software enpresa batean ari da, beren produktuak 80... [+]
Plastiko kutsadurari konponbide bat adosteko goi-bilera zikloa bukatu berri dute, Hego Koreako Busan hirian iragandako bosgarren gailurrean ere porrot eginda: hitzarmenik adostea ez dute lortu, nagusiki plastiko esportatzaile handiek negoziaketak oztopatu dituztelako. Bitartean,... [+]
New York, 1960. Nazio Batuen Erakundeko bilkura batean Nigeriako kanpo ministro eta NBEko enbaxadore Jaja Wachukuk lo hartu zuen. Nigeriak independentzia lortu berri zuen urriaren lehenean. Beraz, Wachuku NBEko Nigeriako lehen ordezkaria zen eta kargua hartu berri... [+]
Abenduaren 13an mobilizazioa antolatu dute Santutxun (Bilbo), enpresa amerikarra palestinarren aurkako genozidioaren parte dela salatzeko. Auzoko kideek azpimarratu dute ez dutela nahi auzoan sarraskiari sostengua ematen dion enpresa multinazionalik.
HTSk boterea hartu duenetik, babes-eskaerak gelditu dituzte Mendebaldeko hainbat gobernuk. Alemaniak 47.270 eskaera utzi ditu bertan behera bat-batean, "Siriako etorkizun politikoa zalantzazkoa" dela argudiatuta.
Maia herriarentzat kontzeptu garrantzitsua da Utz K’aslemal delakoa: “osotasunean bizitzea” izan liteke horren itzulpen bat. Kosmobisio horretatik mintzo da Milvian Aspuac ehule eta buruzagia. Urrian Euskal Herrian izan zen, eta bere komunitateko emakumeek egin... [+]