Gozatzen Jonasekin

  • Juan Kruz Igerabide, Irudiak: Mikel Valverde ::Jonasen ipuinak

    Aizkorri

    orrialdeak ::225

    prezioa ::19,95€

Jonasen ipuinak
Jonasen ipuinak
Duela urte batzuk Igerabidek eta Valverdek pertsonaia berri bat aurkeztu zuten euskal letretan: Jonas haurtxoa, eta egile biek harritu egin gintuzten haur horrek nola zion beldurra hozkailu beldurtiari. Kontua da argumentu sinple eta original horretatik abiatuta oso istorio polita, berezia, hunkigarria, egin zutela eta horren ondorioz jaso zuten (barka, idazleak jaso zuen) Haur Literaturako Euskadi saria.

Jonas eta hozkailu beldurtia (1998) liburuaren ostean beste bost ipuin gehiago eskaini dizkigute Igerabidek eta Valverdek, azkena, 2007an, Adio, Jonas izenburuarekin. Urte hauetan Jonas heldutxoago egin da (haur bat izaten jarraitzen duen arren) eta haren kezken, larriuneen eta gogoeten lekuko izan gara. Horrela, gurasoen haserrealdiak ikusi ahal izan genituen, arreba txikia izateak sorrarazi zizkion buruhausteen lekuko izan ginen, ikusi genuen Jonas biziki desio zuen gauza bat lapurtzen edo gauetan ohean arazo oso potoloa zuela, baita “salto batean” amak sarri esaten duen bezala, gauzak egin daitezkeela baina baita egoerak korapilatu ere. Anekdota edo gertakari xumeak dira liburu guztien haria, eta oso lengoaia (idatzizko eta bisual) sinplea erabiltzen dute egileek irakurlea protagonistarekin identifika dadin. Eta, hain zuzen, elementu horietan –argumentuaren eta komunikatzeko lengoaiaren sinpletasunean– oinarritzen da liburu hauen arrakasta.

“Jonas hiru urteko mutikoa da”. Esaldi horrekin (8. orrialdea) hasten da liburu hau, eta berrehun orrialde geroago mutikoaren gogoeta batekin “Ez da hain erraza salto batean itzultzea” (221. orrialdean) amaitu; bi horien artean arestian aipaturiko abenturak, irtenaldi bitxiak, egoera hunkigarriak, tristeak edo barregarriak eta beste mila kontu azaltzen zaizkigu haur honekin gozatzeko.
Aurrekoetan ere aipatu izan da Mikel Valverderen lana, bilduma honetan –orain liburu honetan– ageri diren irudiek duten indarra dela eta. Ilustratzaile gasteiztarra komikiekin hasi zen eta hori nabaria da liburu honetako irudietan; pertsonaiaren presentzia, sentimendua, ikuspuntua… irudien bidez jasotzen baititugu oso modu lortuan; eta idatzian gertatzen den bezala, sinpletasun landuak oso komunikazio aberatsa lortzen du.

Jonasen ipuinak
oparia da euskal irakurlearentzat. Istorio ederrak, ilustrazio lortuak, eta haurren nortasunean eta garapenean giroturiko kontakizun entretenigarriak. Lastima liburu honek amaiera ematea pertsonaiaren istorioei. Beste bat etorri bitartean, goza dezagun berriro Jonasekin.

Azkenak
2025-01-09 | Sustatu
Metaren irizpide berriak: bazterkeria libre Instagram eta Facebooken

Metak bere moderazio politikak eta irizpideak irauli ditu Donald Trump Etxe Zurira itzultzeko bezperatan. Fact checker edo egiaztatzaile zerbitzuak etengo dituzte, eta komunitatearen oharrak jarri horren ordez (X/Twitterren bezala), eta aldi berean "adierazpen... [+]


2025-01-09 | Leire Ibar
(H)ilbeltza, euskal nobela beltzaren astea izango da Baztanen

Hamaikagarrenez antolatu dute euskal nobela beltzaren astea, urtarrilaren 20tik 26ra. Ekitaldi ugari egingo dira Baztango bailarako hainbat herritan. Liburu aurkezpenak, mahai-inguruak, solasaldiak eta kultur ekitaldiak izango dira, eta ekintzetan parte hartzea doakoa izango da.


Jean-Marie Le Pen: nazismoa eta “arrazen mailakatzea” asumitzen zituen politikaria

96 urterekin hil da Jean-Marie Le Pen, eskuin-muturreko aurpegi ezaguna, Frantziako Estatuan urtez urte indartu egin den Fronte Nazionalaren sortzailea. Ahoan bilorik gabe aritu izan da beti eta beti bere ideia arrazistak zabaltzen. Ideia arrazistak ereiten, eta uztak jasotzen:... [+]


2025-01-08 | Julene Flamarique
Urteko lehen hilketa matxista salatzeko elkarretaratzeak egin dituzte Hego Euskal Herrian

2024an beste sei hilketa egon zirela gogoratu zuten. “Nazkatuta, nekatuta eta haserre” daudela adierazi du mugimendu feministak Barakaldoko Bide Onera plazan, eta biktimei arreta eskaintzeko sistemen eraginkortasun eza salatu dute. Barakaldoz gain, herri askotan izan... [+]


2025-01-08
IPUINA
Herrizoma

“Uste dugu distopien eta orokorrean errealitate indibidualista eta etsituaren ofentsiba kulturalaren aurrean utopiak irudikatu behar ditugula, mentalki eta emozionalki indartsuagoak izateko”, erranez banatu berri ditu ipuin eta itzulpen lehiaketako sariak Sukar Horia... [+]


2025-01-08 | Leire Ibar
Hazparneko Laborantza Lizeoan hiru irakasgai euskaraz irakatsiko dituzte datorren ikasturtetik aurrera

Hazparneko Armand David laborantza lizeo pribatuko ikasleek Agro-ekipamendua, Zientzia sozial eta ekonomikoak, eta Enpresa ekonomia irakasgaiak euskaraz ikasteko aukera izango dute. Horrek formakuntzaren ia erdia hartuko duela azaldu du Bertrand Gaufryau ikastetxeko zuzendariak.


2025-01-08 | Garazi Zabaleta
Aina Socies Fiol
“Balear Uharteetako irla bakoitzean besteetan ez dagoen landare barietate asko dago”

Oporlekuekin soilik lotuko dituzte askok Balear Uharteak, baina agroekologiaren eta kontsumoaren bueltan mugimendu bizia dute Mallorca irlan: Associació de Varietats Locals de Mallorca (tokiko hazi barietateen elkartea) da horren adibide. Abenduaren hasieran, elkarte... [+]


2025-01-08 | Leire Ibar
Israelgo Maccabi saskibaloi taldearen Gasteizko partida bertan behera uztea exijitu dute

Otsailaren 7an, Maccabi Tel Aviv taldeak Baskoniaren aurkako partida jokatzeko asmoa du Gasteizen. Palestinarekin Elkartasuna Plataformak salatu du Israelek kultur eta kirol ekimenak palestinarren aurkako krimenak estaltzeko erabiltzen dituela. Aurpegi zuriketaren aurka,... [+]


2025-01-08 | Nicolas Goñi
Nola bihurtu lurzoruak klimaren laguntzaile?

Muturreko lehorte eta euriteak normaltasun berria bilakatu zaizkigu. Areagotzen dituzten kalte ekonomiko eta ekosistemikoen artean, laborantzak pairaturikoak ez dira txikienak. Bereziki, lehorte garaietan zaluegi idortzen diren edota eurite handietan ur guzia xurgatu ezin duten... [+]


2025-01-08 | Julen Azpitarte
Harry Smith: AEBetako artea itxuraldatu zuen zinemagilea, folklorista eta magoa

Artista polifazetikoa izan zen Harry Smith (1923-1991). Inkonformista erradikala ere bai, bere biografia askotan nabarmentzen denez. Instituzio eta galeristetatik urrun, eskale baten itxura izan zuen urte luzez. Berari buruzko azken liburua, Cosmic Scholar: The Life and Times of... [+]


2025-01-08 | ARGIA
Buruko nahasmendua dutenentzako lan aukerak eskatu dituzte Nafarroako Parlamentuan

Arazo mentalak dituztenen kopurua haziz doa, oraindik ere estigma sozial handia dute atzean eta, horri aurre egiteko, buruko nahasmenduren bat dutenak lan mundura bideratzen saiatzen da Elkarkide, Nafarroako Parlamentuan azaldu duenez. Lan horretan jarraitzeko laguntza eskatu du.


2025-01-08 | Ula Iruretagoiena
Lurraldea eta arkitektura
Etxearen planetan

Gabonetan liburu berri bat utzi dute mesanotxean. Etxearen filosofia eta poztasunari buruzkoa, Emanuele Cocciak berriki idatzia. Coccia, filosofo italiarra, ezaguna egin da landareekin ditugun loturak ezagutarazten planeta osasungarri bat eraikitzeko bidean, eta esanguratsua da... [+]


Eguneraketa berriak daude