Gizon onaren bentajak
I Kaixo Xenpelar idazten dizut gizon onaren bentajak jakin ditzazun, nahiz ia entzun zure ijiji-ajajak. Ez gara horren señoritoak, ez gara hain maharajak… Edozein etxek nahiko lituzke gu bezalako alhajak. |
II Garaiak nola aldatu diren jakingo balu Txirritak! Zazpi lan egun dauzka asteak, baina zuloa patrikak… Ugaldu dira langintzak eta ugaldu dira fabrikak: orain erratza eta fregona dira gure erremintak. |
III Esnatu eta jeikitzerako, aita zintzoak bezela, ondo dakigu seme-alabak prestatu behar direla. Honi esnea berotu eta hari aldatu pardela… Aritzen denak bakarrik daki horren erraza ez dela! |
| IV Haurtzaindegira eraman eta lantokirako tartean soilik dabiltza etxeko lanak guregandik apartean. Eta han ere lan egin behar nagusi denen artean, behintzat soldata lan egin gabe etxeratzen den artean… |
V Sutan jartzean probatzen denez eltzea nolakoa den, ikustekoa da sukaldean zeinen mainatsuak garen! Tortilla sarri prestatu arren arrautzak bota baino lehen, jaki guztiak dira gozoak norberak egin ondoren. |
VI Xaboiak eta leungarriak aski dituenez beti, labadorari ere eskerrak nola eman bageneki! “Start” sakatu eta gerora soilik atea ireki… Gure arropa gobernatzen du geronek baino hobeki! |
VII Hamaika gailu daude etxean eta askotan zalantzan egoten gara behar duguna ipini aurretik martxan… Xerrekin edo arroparekin maiz aritzen gara plantxan, hartutakoa dagokiena izateko esperantzan. |
VIII Garbitasuna gure etxean sarri dago erbestean… Nahiz maiz garbitu beti aritzen da gehiagoren eskean! Aspiradora esku batean eta trapua bestean, beltzune asko desagertzen da gure kopetak belztean. |
IX Kalera ere irteten gara, nahiz eta gutxi aukeran, gaurko legeek derrigortuta abstemioen tankeran. Tabernariak krisian daude, sagardogileak greban… Kotxea hartzen baldin badugu ezin dugulako edan. |
X Alkoholik gabe bizimodua denez erabat kaskarra, egarriaren erruz sarritan izaten dugu liskarra. Legea egin zuen pertsona nahiz izango zen azkarra, baldin neronek ikusi banu hautsiko nion bizkarra! |
XI Gaurko gizonak izan behar du oso gizon zerbitzala, langile fina etxean eta kalean berriz formala. Orain guztia da erdibana eta eskerrak den hala! Dena guretzat den egunean Jaunak anpara gaitzala! |
XII Idatzi dizut Xenpelar, nola gabiltzan jakin zenezan. Lazkao-Txikik par egingo du ez baitu hartzen sorpresan; baina, mesedez eskatzen dizut, Txirritari deus ez esan bizi ez duen garaiagatik ere sufritu ez dezan. |
Doinua: “Eguna pasa lanean eta” edo “Andre txarraren bentajak”.
Bidali zure sortak bertsoak@argia.eus helbidera. Aukeratuak orri honetan argitaratuko ditugu.
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
WordPress-en formularioak sortzeko Ninja Forms pluginaren euskaratzea utzita zegoela ikusita, Iametzak bere gain hartu du itzulpena eguneratzeko lana.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Joan den asteartean, hilaren 31n, Boli Kostako presidente Alassane Ouattarak iragarri zuen bertan behera utziko zituela Frantziarekiko harreman militarrak. Horren ondorioz, datozen asteetan 1.000 bat soldadu frantses atera beharko dira herrialdetik.
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
NASAren Parker zunda 6,1 milioi kilometroko distantziara arte gerturatu da Eguzkiaren azalera, bere misioaren lehen gerturatzean. Hala, Eguzkitik inoizko gertuen egon den objeku artifiziala bilakatu da. 692.000 kilometro orduko abiaduran igaro da, eta jasotako datuak funtsezkoak... [+]
Goldatz talde feministak antolatua, ortziralean, urtarrilaren 3an, Jantzari dokumentala proiektatuko dute Beralandetan (17:30ean) eta biharamunean, urtarrilaren 4an, Berako bestetako tradizioak aztergai izanen dituzte Maggie Bullen antropologoarekin leku berean (10:30).