Gizen, kartilago eta odolbildu artean haragi bila
- Haragi xehatuak hori dauka: puska onen bat tartean-tartean jaten baduzu ere, animaliaren zati nobleak beste gauzetarako erabiltzen dituztela, eta sobran dagoena joaten da disimuluan hanburgesara -harakinen batek kontra egingo dit, seguru-. Sail Ofizialean halako zerbait zerbitzatu digute lehen hiru egunetan.
Larunbatetik Satte Farben vor Schwarz txukunena: Sophie Heldmanen opera prima zahartzaroko bikote-harremanei buruzko lan sotila da. Akma-Reul Bo-at-da korearrak odol gehiegi; gordinegia, zaila frijitzeko. Peter Mullanen Neds aldiz, gaizki ebaki eta amorfo xamar geratu den xerra da. Zatiren bat guri, baina erditik aurrera mondongo irentsi ezina.
Igandeaz hobe ez hitz egitea. Tira, pixka bat. Esateko, Bicicleta, cullera, poma ere ez dela Sail Ofizialerako, telebistan igandez botatzeko baizik. Raul Ruizen Misterios de Lisboa... Badakizue lau librako txuleta eztarritik indarka sartzen dizuetenean sentitzen dena? Lau orduko ekoizpen portugaldarrak ia akabatu zuen kazetari hau. Horrela jarraituz gero, medikuak dietaz aldatzeko esango dit.
71 ediziotan lehen aldiz, euskal herritar emakumezko zinegile baten lanak eskuratu du sari nagusia. Jaione Camborda donostiarrak jaso du Urrezko Maskorra; laugarren urtez jarraian, emakumezkoa da sariduna.
Zinemaren industriak dakarren burrunbak eta nazioarteko izarren distirak (aurten lausoagoa AEBetako gidoilari eta aktoreen greba historikoa dela eta) askotan itzaletara kondenatzen ditu asmo zein iraupenean apalagoak dituzten lanak. Horregatik, gaurkoan, film-luzeen kategoriatik... [+]
Luzeegiak dira batzuetan Zabaltegi-Tabakalerako emanaldiak, luzeak Zinemaldiko egunak eta, akaso, luzeegia nire gaurko kronika. Ikusitako filmentzat hitz handiak ez badakartzat ere, Tabakalerako besaulkiak Donostiako erosoenak direla jakinarazten dizuet modu ofizialean.
Dokumental berrirako lokalizazioak bilatzen ari zela egin zuen topo Martín Benchimolek gazteluarekin, aristokrazia argentinarraren ilunabarraren zantzua. Liluratuta, tokiko jabea ezagutu nahi izan zuen. Modu horretan, eta harriduraz betea, ezagutu zuen azal beltzaraneko... [+]
