"Shakirak bezala, aukerako hizkuntzan abesten dut nik ere"
- Txintxo portatu eta bueltak amari.
Hementxe pajarue!
Agur esateko modua. Edo, nola den komenigarri argazki kamarako “txoritxuari” begira egotea, dotore ateratzekotan.
Wikipediaren arabera, euskal musikari berritzaile eta internazionalenetakoa.
Laudorioetatik Jinkoak anpara gaitzala, irainetatik geu defendituko gara eta.
Zeinen erraz ahazten diren hasierako makilakadak…
Gure sasoikook oso abilak izan gara autodefentsan. “Auto” berba guztiak erabili ditugu autoridadez: autokritika, autozentsura, autotxokeak, autonomia, autoretza, eta –nola ez!– makilakada automatikoak.
30 urte himno txikiak sortzen, edo kantu handiak.
Edo himno handiak eta kantu txikiak. Edo himno kantuak eta handi txikiak. Edo himno himnoak eta kantu kantuak… Musikak libertate handiena ere txiki du.
Marka, behintzat, sortu duzu: Ruper Ordorika™.
Bai, baina ahaztu nuen markari .com delakoa gehitzea, eta orain beldur naiz, Ruper Ordorika™ horren aipamena ez den ailegatuko Txirritaren “beste laurogei urtetara”.
Jarri labanderia bat, furgoi beltza eta hortxe duzu kantua.
Kantua bera ere ideia handietara etengabe lerratzen denean egunerokoaz ahazteko joera hartzen du. Jendearengandik urrun, urrun.
Hala ere, bizikidetza jokoan eta zu bertso ttikietan…
Orain udan, jaialdiak, hondartzak, tirantedun kamisetak, frakatxoak… zein urrun diren bizikidetza eta enparauak! Neguan erantzungo dizut zehatzago.
Lendakaris Muertos-ekoek dioten bezala: gafapastak, nahikoak dira Ruperrenak?
Bai, horrelako zer edo zer esaten dute baina erdaraz eta errima kontsonantean.
Lentilarik jartzea ez duzu pentsatu, beraz.
Lekeition ume antiojodunei diputadu esaten diete… Ezta burutik pasatu ere horrelako “kargu” bati uko egitea!
Eskerrak inork ez duen koblakaririk behar!
Horregatik hasi behar izan dut bertsolaritzan gai-jartzaile!
Sigues cantando exclusivamente en euskera.
Horretan bai, asmatu duzu. Galdera hau beti erdaraz egiten didate. Eta bai, nik ere, kantari normalak bezala, Raphaelek, Brucek eta Shakirak bezala, aukerako hizkuntzan abesten dut.
Inork ez zigun esan euskaldun izatea erraza zenik.
Pentsa, zelako galderak erantzun behar diren euskaldun izateagatik!
Mende laurdena bete du Bilboko Kafe Antzokiak eta hamar negu baino gehiago, hastapenetatik orain arteko guztiak, goxatu ditu Ruper Ordorikak.
Ikusi Mikusi euskara hutsezko haur eta gazte literatura azoka urriaren 7 eta 8an egingo dute, Saran. Euskal Herri guztiko ikastetxeak hurbilduko dira eta ikasleek elkarren arteko topaketa egingo dute.
Ez nuen uste Gasteizen aparkatzea hain zaila izanen zenik. Edo, hobe esanda, ez nekien hainbeste koloretako marrak egon zitezkeenik pintaturik errepide ertzetan. Ez, ez dut gidabaimenik eta bai, denbora gure kontra zihoan. Azken minutuan heldu gara Principal Antzokiko... [+]
Disko bat entzuteko momentuak marka dezake diskoa bera. Zu ez zara bera une bakoitzean, bainatzen zaren ibaiaren pare, eta kanta bakoitzak badu bere unea.
Ruper Ordorikaren Amour eta toujours-ekin horrelako zerbait pasa zait. Logelan eguzki epela sartzen zen neguko egun... [+]
Uda hondarreko igandea, bazkalosteko alferkeria, iluntzerako aurreikusiriko plana kili-kolo… Eta Ruperren kontzertua Lizoainen, baina sarrerarik ez. Dena den, joanda ere galtzeko baino, gehiago genuen irabazteko edozein kasutan; kontzertua ez bazen, herria ezagutu, paseoa... [+]
Ruper Ordorikak hirugarren lp-a kaleratu du, «Elkar» diskoetxearen eskutik. Bi urte... [+]
«Euskal Herrian egon badagoen sormenaren erakusleiho izan nahi dugu», aipatu digu Oier Guillan Errenteriako (Gipuzkoa) Mikelazulo elkarteko kideak. Izan ere, hain ezagunak ditugun lehen lerroko idazle entzutetsuen itzalean idazle andana dago, idazteko gogoz, idatzia... [+]
Murgiako pilotalekua antzoki bilakatu da gaurkoan. Musikariek eta haien instrumentu eta ahotsek ordezkatu dituzte pilotariak. Ez da entzuten larruzko pilota gogorrek horma berdearen kontra egiten duten soinua, baina haren ordez gitarra, bateria, kontrabaxua eta biolina sumatzen... [+]
Sosola baserria Eibarko Mandiola bailaran kokatua dago, Amaña auzotik gora igota. Enrike Gisasolak aittitta-amamen eskutik jaso zuen baserriaren martxa eta 1994az geroztik ekoizpen ekologikoan murgildu ziren. Egun, bi jarduera nagusi burutzen dituzte salmentara... [+]
Ruper Ordorika eta Bernardo Atxaga batu zituen asteazkenean Bilboko Kafe Antzokiak. Poesia eta bizipenak izan zituzten mintzagai. Bilbon hasi zuten beraien ibilbidea, Arriaga eta San Anton zubien arteko eremu horretan, Somera kalean, bereziki. Ordutik urte dezente pasatu eta... [+]
Ez zen nolanahiko larunbata izan Bilbon. Euskara eta euskal kultura inoiz baino gehiago sumatzen zen kale bazterretan. Miribillan genuen lehen hitzordua: Bizkaiko Bertsolari Txapelketa finala jokatzen zen. Bertsolari gazteen bertsoaldi gozoekin gozatu ahal izan genuen, eta... [+]
Dabilen harriari so. Azukre koxkorrak Ruper Ordorikarentzat ikuskizunaren kronika. Martxoaren 14an, Bilboko Kafe Antzokian. Loraldiaren baitako ekitaldia.