I Ze metafora beldurgarria den Turkiako bandera! Gorria da goitik behera, Amed hirian mehatxu gisa zabaltzen dena airera. Ilargi-erdi bat ere badauka izar txikiaz gainera; baina zerua ote da? Hegazkinetik jaitsi ta sartu ostean bere barnera, hartu diogu odolez busti den zeru baten tankera. |
II Poliziekin nahasten dira kaleetan eskaleak. Horixe dira kaleak: haurrak, begiak, uniformeak ta puntan dauden ileak. Isildutako hitz sentituak eta kezko nargileak; garaileak, galtzaileak; espaloietan esertzen diren zapata garbitzaileak… Aspaldi ez dira bertatik pasa herriko zapaltzaileak! |
III Ipar Kurdistan oso aspaldi hustu zutelako bakez: minaz eta minez betez; herri honetan geroztik ezer ez dabil zuzen ta artez. Duela gutxi hiru haur tiroz hil zituzten su eta kez; lurrean etzanda ahuspez gelditu ziren gorpu txikiak azken begirada batez… eta geroztik gazi-gaziak dira Tigris ta Eufrates. |
IV Malkoz bustita ito delako Mesopotamia zaharra txalapartaz deiadarra luzatu dugu egurrak baitu egur soinuen beharra; lepoan lotu dieten sokan ipini dugu gitarra… Militarren atzaparra altxatu arren handiagoa da belarrien indarra ta askatasuna izan da entzun dugun akorde bakarra! |
V Kalashnikovak eskuan nahiz ta mendiak sua isuri, lotuta izan esku bi… Guk maitasuna ta irria jaso ditugu ezker-eskubi. Altxatu zuen bi atzamarrak garaipenaren irudi! Hartu ukabilak guri! Nahiz ta kateak ta mina izan herrion arteko zubi, elkar hartuta ibaiak muga hausten duela dirudi. |
VI 11.000 preso dauzkazu, 200.000 espia, lurra odolez bustia… Askatasunak beti izan du hain prezio garestia! Herria kendu, begiak kendu, kendu dizute guztia! Baina hilko da piztia! Gaua amaitzen ari da eta amaitu zaio astia: Ilargi-erdia desagertzean irtengo da eguzkia! |
Doinua: “Izugarri bat, izugarri bi zenbat izugarri dira”.
Bidali zure sortak bertsoak@argia.eus helbidera. Aukeratuak orri honetan argitaratuko ditugu.
Bost hilabete bete dira otsailaren 6an traktoreen mobilizazioak hasi zirenetik. Mirene Begiristainek eta Isabel Alvarezek ekofeminismoaren betaurrekoak jantzita aztertu dituzte mobilizazio hauek eta fokutik kanpo geratu diren laborariak eta aldarrikapenak ekarri dituzte lehen... [+]
Aurtengo neguan INRAPeko (Ikerketa Arkeologiko Prebentiboen Institutu Nazionala) arkeologoek nekropoli berezia aurkitu dute Auxerreko (Frantziako Estatua) erdigune historikoan: haur jaioberrientzako edo hilda jaiotako haurrentzako erromatar garaiko hilerria. K.o. I. eta... [+]
Viena, 1824ko maiatzaren 7a. Ludwig Van Beethovenen (1770-1827) 9. Sinfonia estreinatu zen. Konpositore alemaniarrak bukatu zuen azken sinfonia izan zen, baina, asmoari erreparatuta, lehena izan zela ere esan liteke. Beethovenek 1799 eta 1800 urteetan idatzi zuen 1. sinfonia;... [+]
Adimen artifiziala denen eskueran jartzearekin, multinazional teknologikoek cloud datu zentro erraldoiak eraikitzeko planak ugaritu dituzte. Ekipamendu informatikoz betetako mega-fabrikon aztarna ekologikoa ikaragarria da: elektrizitateaz gain, milioika litro ur behar dute euren... [+]
Hezbollahren goi mailako bi agintari militar hil ditu Israelek hilabete batean. Tentsioak gora jarraitzen du, erabateko gerra pizteko kezka artean.
Ostiral arratsaldeko 15:00etan deportatuko dute Bilbotik Tangerrera doan hegaldi batean, EITBk informatu duenez. Espainiako Auzitegi Nazionalaren arabera, “gaur egun ez dago demandatzailearen bizitzarako edo osotasun fisikorako berehalako arrisku edo arrisku... [+]
Durangoko Hitz liburu-dendan otu zitzaidan Saturraran operak merezi zuela kritika. Jose Julian Bakedanoren arrapostua batetik, liburu-dendako Gaizka Olabarriren berben ilusioa, horrenbeste urtean Hitz liburu-dendako ardura eraman izan duen Nekane Bereziartuak opera hori ikusteko... [+]
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Presoa ziegan aurkitu dute hilik ostegun iluntzean. Eusko Jaurlaritzak esan du suizidio kasu baten aztarnak dituela. Gainera, Jaurlaritzak 2021ean espetxeen eskumena jaso zuenetik hiltzen den zazpigarren presoa da.
Etxebizitza turistiko berriak erregistratzeko baimenik ez ematea erabaki du Mundakako gobernu taldeak, ostegun honetan egin duen ezohiko bileran. Hirigintza Antolamendurako Plan Orokorrean (HAPO) behar diren aldaketak egingo ditu lizentzien etetea burutzeko.
Alderdi Laboristak bete ditu aurreikuspenak eta sekulako garaipena lortu du Erresuma Batuko hauteskundeetan. Keir Starmer alderdiko buruzagia izango da lehen ministro berria. Eskozian SNPk porrot handia jaso du, Sinn Feinek boto emaitzak hobetu ditu eta Galesko independentismoak... [+]
Eskuin muturra garaile izateak kultura eta gizarte mailan ekar dezakeenaren ikuspuntua partekatu dute, adierazpen bateratu baten bitartez. Guztira 94 artista eta kultur eragilek sinatu dute idazkia momentuz.