Apartheidetik Munduko Kopara
- Abian da bost kontinenteetako milaka pertsona Hegoafrikara begira jarriko dituen Munduko Futbol Txapelketa. 19 ediziotan lehen aldiz, “kontinente ahaztuak” hartuko du horrenbesteko ikusmira sortzen duen lehiaketa, eta herrialdeak munduari erakutsi nahi dio Apartheid zaharra atzean utzi eta aurrera begiratzeko prest dagoela.
Lau haizetara zabaldutako mezu beldurgarriek eta nazioarteko krisiak eragina izango dute bisitari kopuruan, eta aurreikusitako 500.000 bidaiariak urrun geratuko dira. Gainera, FIFAk antolaturiko txapelketak ez du aldatuko pobrezia gorrian bizi direnen egoera; jabetzen direnean, dagoeneko konturatu ez badira, nola erantzungo dute?
Dena den, herrialdea prest da horrenbeste ilusio eta desilusio sortu dituen txapelketa hartzeko eta dudarik ez izan hilabete batez futbola izango dela jaun eta jabe, bai han, baita hemen ere. Kirol hau gustuko dutenek goi mailako norgehiagokez gozatua hartzeko abagune bikaina izango dute. Argia.com-en ere (Hegoafrikarren Munduko Kopa izeneko kanalean) trataera berezia emango diogu txapelketari, bai Euskal Herritik, baina baita Afrikatik bertatik ere eguneroko jarraipena eginez. Horrez gain, finala jokatuko duten astean, Hegoafrikaren egoerari buruzko erreportaje zabala argitaratuko dugu Argia astekarian.
Irakurle, susmatuko duzunez, Argian ez gara soilik futbolaz mintzatuko. Gauza asko erakusteko eta irakasteko dituen herrialdea da Hegoafrika. Futbolari protagonismoa emango diogu, baina ez protagonismo osoa. Futbol txapelketa aitzakia hartuta, mintzagai dugun herrialdea hurbiltzen saiatuko gara, ahalik eta fidelen, prismaren alde ezberdinetatik begiratuta.
Hegoafrika izugarri aldatu da azken 50 urteotan. Beltzek zurien autobusak har ezin zitzaketen herrialdea –guda zibilean itotzeko zorian izan ostean–, 30 urte ilegalizatuta egin zituen alderdi bateko presidente beltzak gidatzen du egun. Mandelaren miraria deitu izan diote askok. Asko dago hobetzeko (pobrezia, langabezia, ustelkeria eta Hies epidemia nabarmenenak), baina futbol txapelketa gorena herritarrek nola bizi duten jakin nahi dugu, ikuspegi alarmista alde batera utzi, eta bertatik ikas dezakegunari ere so eginez.
Koadernoa, grabagailua, argazki kamera, bideokamera eta ilusioa gainean hartuta, egunero hango berri emango dizuegu. www.argia.eus/hegoafrika helbidean irakurriko duzue handik zuzenean idatzitakoa. Sorpresa handiko bidaia izanen da, ez dudarik egin. Lurmutur hirian (Cape Town ingelesez) hartuko dugu lur ekainaren 23an eta Hegoafrika hiri horretatik 1.500 kilometrora dagoen Johannesburgoko nazioarteko aireportutik utziko dugu uztailaren 15ean, behin txapelketa amaituta. Tartean zer gertatuko den? Errazagoa da asmatzea nork altxatuko duen kopa.
Joxemari Ostolaza kolaboratzaileak futbola landuko du, baina ikuspegi kritikoago batetik.
Bilardo zirikatzaileak berriz, futbol iruzkin ozpinak egingo dizkigu tabernako barratik.
-Juanjo Olasagarre idazle nafarrak gai librean herrialdearekin lotutako artikuluak idatziko ditu egunero. 12 urte dira Mandelaren Afrika idatzi zuenetik, han egindako bidaiaren ondorio. Bidaia kronika hura atzean geratu zen, ea zer emaitza ematen duten denboraren joanak eta oroitzapenen birgogoratzeak.
- Lander Arbelaitz kazetaria Hegoafrikara joango da eta bertan egunez egun bizi eta ikusitakoaz idatziko du.
-Multimedia alorra ere jorratuko dugu, argazki, diaporama eta bideo bidez. Apartheidaren aurka munduan egindako kartelen bilduma ikus daiteke kanalean, bakoitzaren data, egilea eta herrialdea jarrita. Herri bateko kartel politikoak herri horren historiaren hemeroteka fidagarriak izaten dira.
l Apartheidetik Munduko Kopara izeneko atalean, Afrikako herrialdeak jasan duen eraldaketa erraldoia ulertzeko klabeak topa daitezke, azalpen eta argazki ugarirekin.
- Irakurlearen Txokoan, irakurleak hartzaile soil izateari utzi eta kanalean parte hartzeko aukera izango du, iritzi, galdera edo proposamenak argitaratuz. Saiatuko gara ahal bezain ongien erantzuten.
- Twitter bidez idatzitako mezuak ere ikusgai izango dira. #hegoafrika etiketa duten mezuak agertuko dira, bai irakurleek bidalitakoak, baita guk Hegoafrikatik zuzenean bidalitakoak ere.
- Hemeroteka atalean, Argian orain arte Hegoafrikaz idatzitakoak topatu ahal izango dituzu, baita beste hedabideetako artikulu interesgarrienen bilduma eguneratua ere.
- Lotura interesgarriak ere jasoko ditugu, eta gaian sakondu ahal izango du nahi duenak. Alderdi, pertsona eta erakunde garrantzitsuen loturak eskainiko dizkiogu sail honetan.
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
Palestinaren aldeko manifestazioetan parte hartzen duten atzerriko ikasleak kanporatzea baimentzen duen dekretua izenpetu zuen urtarrilaren 30ean AEBetako presidente berriak. Orduz geroztik ikasleen bisen baliogabetzeak errepikatzen dabiltza.
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.
Eritasunaren kontrako protokoloa salatzeko eta prefeturarekin hitzordu bat lortzeko asmoz, bideratu dute okupazioa ehun bat laborarik. Tuberkulosia kasu batzuk agerturik Zuberoan, eritasunaren kontrako neurri sanitarioak segitu beharrean dira inguru horietako 280 etxalde... [+]
Hamaika eraso Uztaritzeko (Lapurdi) San Frantses Xabierko ikastetxe katolikoan gertatu ziren, beste biak Domintxaineko (Zuberoa) ikastetxe katolikoan eta Angeluko (Lapurdi) San Josepe ikastetxe publikoan. Uztaritzeko ikastetxean ikasitako bost gizonek beren testigantzak eman... [+]
Carli Pup (Udine -friuleraz Udin-, 1973) Friuli [friuleraz, Friûl] herriaren ekintzaile kultural garrantzitsuenetako bat da. Bere hizkuntza gutxituaren idazle, hizkuntzalari eta bere herriaren historialari bihurtu da.
Gaur egun, Informazione Friulana kooperatibako... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Martxoaren 27an aurkeztu zuen ARGIAk Bizi Baratzea Orria, lurrari begiratzen dion urtarokako aldizkari berria. Martxoaren hasieran zabaldu zen kide egin eta formatu oso berezia duen orri handia etxean jasotzeko aukera. Erantzun oso beroa izan du. Kide hauen profila ezagutu nahi?
Jaitsiera AEBen muga zergen igoerari erantzun ez dieten eta negoziatzeko prest azaldu diren herrialdeei aplikatu diela argudiatu du Donald Trumpek, Europar Batasuna barne. Txina eta AEBen arteko lehia komertzialak gora egiten jarraitzen du.
Hirugarren greba zikloa iragarri dute Steilas, ELA, LAB eta CCOO sindikatuek maiatzaren 12tik 16ra bitartean, hezkuntza publikoa indartzearen alde. Azaldu dute Hezkuntza Sailak helarazitako azken proposamenak ez diela euren aldarrikapenei erantzun egokirik ematen.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
Bekat’uros LGBTQIA+ euskal besta hirugarren urtekoz iraganen da Atharratzen. Apirilaren 12an egun osoko egitaraua antolatu du Prefosta elkarteak, usaiako karrika inguruarekin, kontzertuekin eta ikusgarriekin.
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.