Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
osteguna 2024ko abenduaren 19an
Arabari jarriak
| Aurkezpena Hemendik hara bada uste bat dabil dinbili-danbala: askoren ustez Araba omen da mami gabeko azala. Estibalizko Ama Birjinak behingoz anpara gaitzala! Argi bedi berehala gauzak ez direla hala, utik irudi hutsala! Egia orok daukanez bere argia eta itzala, herrialdea ager dezagun Teleberrian bezala. |
Eguneko gaia Puri-purian dago Araba gertakizunen arloan, atzerritarrek jarraitzen dute temati inbasioan: Hiru bizkaitar ura lapurtzen ito dira pantanoan, ta San Adriango zuloan txapelgorriek gaurkoan makro-operazioan, giputz talde bat atzeman dute pinuen kontrabandoan. Bejondeigula gure miñoiak dauzkagulako ondoan. |
Kirolak Mercedes jaunak marka hautsi du langileen jaurtiketan ta lehen aldiz arnas daiteke giro puroa Ogetan. Berri bitxi bat ere badugu Foru Aldundiko hormetan: trepak izerdi patsetan, 9 A plusetan, arnesik gabe, benetan! Ta ehun militar elkartu dira Gorbeialdeko maldetan. Merezia du bere lekua Arabak olinpiadetan. |
| Eguraldia Laudion euria izango dute Bizkaiko modu berean, Bastidan eta Lagranen aldiz lasai ibili golfean, Abiadura handiko haizeak Aramayona aldean, goi tentsioa airean, arabar mendialdean nahiz lautada barrenean. Eguraldirik ez du egingo Trebiñuko lurraldean, ta jakina da, beti bezala, jertsea izan aldean. |
Azken ordukoak Azken berri bat pinganillotik, jarri dezagun arreta… E gripearen pandemiarekin Landatxo dago beteta Euskararekin kutsatutako jende asko dago eta, eztarrien erretreta mahats zukuaren dieta alferrik da errezeta. Euskal sukarra hedatu asmoz egin dute txapelketa, kantxa xume bat bihurtu dute arabar bertsoen BEC-a. |
|
2010eko Arabako Txapelketaren barruan, lehen aldiz egin den kuadrila arteko bertso paper sariketako sorta irabazlea.
Doinua: Gregario edo laguntzaile naiz.
Bidali zure sortak bertsoak@argia.eus helbidera. Aukeratuak orri honetan argitaratuko ditugu.
Irakurrienak
Matomo erabiliz
#1
Mikel Garcia Idiakez
#2
Mara Altuna Díaz
#3
Asier Iturralde Sarasola
|
Jon Torner Zabala
#4
Mikel Garcia
#5
Gorka Peñagarikano Goikoetxea
Kanal honetatik interesatuko zaizu: Argiako Bertso jarriak
2023-01-10
Imanol Lazkano
Bertso berriak, txapelketako finalari jarriak
Abenduaren 18an, Euskal Herriko Bertsolari Txapelketako finaletik bueltan jarritako bertsoak.
2019-03-15
Itsaso Zubiria Etxeberria
Xanti Zabala “Lexo” bertsolariari omenaldia egingo diote martxoaren 16an Hondarribian
2019-03-01
Itsaso Zubiria Etxeberria
Xanti Zabalari omenaldia martxoaren 16an
Bertso idatziei ahotsa emateko garaia
2014-01-16
Imanol Lazkano
Basarriren mendeurrenean
Doinua: Ari naizela
Bertsolaritza zeraman bere
bihotz eta bekokian
berrikuntza bat behar zuela
ere berak bazekian.
Ostatuetan jaio zen hura
txertatuaz antzokian
urrats berririk eman ez balitz
norabide... [+]
2013-04-10
Jokin Uranga
Corrugadosi jarriak
Doinua: Mutil koxkor bat.
Urte askoan gurea izan da
abundantzien bailara
zenbat familia joan ote da
orain langabeziara?
Mahaian dago eztabaidagai
zer ginen eta zer gara
alfer alferrik izango dira
hemen ERE eta Hara!
Mentalitate aldaketa bat
ematen ez... [+]
Eguneraketa berriak daude