“Badut morboa bainujantzia ipintzen dudanean”
BURP! Barka, bazkaldu berritan nator…
Lasai, lasai, eta on egin.
Bask Underground Report. Saio berritzailea, prefosta. Edo freakya?
Barre egiten dugu, jolasten gara fikzioa kokatzera mundu errealean… Horretarako nahiko berritzailea da. Freakya? Ez dut ulertzen hitza, ingelesetik dator, ezta?
Arrazoi duzu, ez dakit nor den freakyago: BURPen agertzen direnak, BURP ikusten dugu… barka, dutenak edo BURP egiten duzuenok.
Saioa hasi dudanetik anitzetan entzun dut freaky hitza. Freakya baldin bada zure berezitasuna eta gustua asumitzea, espero dut freakya naizela. Luxua da gure mundu globalizatuan.
Ikusle freak… jesus, fidelak behintzat badituzue. Hirugarren denboraldia hasi berri duzue.
Berritasunak ikusiko dituzue: Euskadin mugituko gara gure Burponetarekin BURP espiritua hedatzeko, eta jaiak egingo ditugu hilero LeBukowskyn, taldeak eta performanceak zuzenean.
A ze pagotxa. Chiloé programarekin bezala, ezta?
Erantzungailu automatikoa piztuko dut: bai, bai, suertea da!
Aizu, baskongadoek pagatzen dizkizugula bertako bidaiak, e…
Espero dut pozik zaretela saioarekin, zuen turista profesionala naiz. Eta ez baldin bazarete pozik, espero dut zuen zergak ordaindu behar ez izatea. Ez zait iristen!
Egia da Maider Egues joatean zerbait galdu zuela saioak…
Dependitzen du norentzat: esan didate badudala morboa bainujantzia ipintzen dudanean.
Baten batek pentsatuko du, zertan da frantses hau hemen aurkezle?
Iparraldeko aurkezlea ukitu exotiko bezala ikusten ahal da.
Hegoaldekook idealizatuta dugu Iparralde. Eta alderantziz?
Hastapenean hegoaldera joaten nintzen goizero tortillak jateko, eta orain nire herriko croissanten falta dut, egia da.
Plazer lurtarrak ETB3-ko izarra izateko!
Izarra? Bosgarren operazioa egin dut sudurra laburtzeko, eta limusina dut zain Kate Mossekin zerbait hartzeko. Baina azkenean Erramun Martikorenak deitu dit ea txuleta bat jango dugun.
Telebista korearrak ere elkarrizketatu zaitu eta!
Bai, banbu oihan batean. Jendea pozik da gure taldea errezibitzeaz haien herria aurkezteko eta ni ere pozik naiz Euskal Herriari buruz hitz egiteaz.
Estilo bat sortu duzue behintzat: dena oso funny, oso funky, oso smily.
Peace, unity, love and having fun.
Lizarrako Udalak datozen jaietarako aurreikusia dagoen jai herrikoien egitaraua arriskuan jarri du. Txosnak erdigunetik kendu eta urrun eta baztertua dagoen zonalde batera eraman nahi ditu.
1936an fusilatu zuten frankistek, une horietan Arabako diputatua zela, eta herriko beste 42 fusilatuen hilobian bertan sartu zituzten Manuelen gorpuzkinak.
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
25 egun baino gutxiagoz egon da martxan hasieratik polemikoa izan zen portua. “Distrakzio neurria” izan dela salatu dute eragile ugarik.
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Lan istripuz 33 pertsona hil dira Euskal Herrian aurten. Azkenekoa, Iruñeko sanferminetan garbiketan lanean ari zen Iosu izeneko langilea. Kamioiaren gainetik erori zen eta hartutako golpe larriaren ondorioz hil da. LABek FCC (Iruñerriko Mankomunitateko... [+]
“Indar guztiak presidente karguan zentratzea” erabaki duela adierazi du, eta Kamala Harris presideneteordeari “babes eta abal osoa” eskaini dizkio. Harrisek baieztatu du bere hautagaitza aurkeztuko duela Alderdi Demokratak presidentegai izendatu dezan... [+]
Antonia Manot hil da 95 urte bete berritan, bere seme Diego Paredesek sare sozialetan jakinarazi duenez.
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Horrez gain, Biarritzen ostreopsisa atzeman dute, itsas alga toxiko mikroskopiko bat, eta karabela marmokak agertu dira Donostiako kostaldean.
