Dylanen abokatuak
Anestesia taldeak disko oso bat eskaini zion ultrakomunikatzen gaituzten aro honi, argi utziz horrek ez digula inolaz ere informazio fidagarriagorik bermatzen. Taldearen izena bera sartu beharko genuke apika izenburuaren barruan eta honela irakurri, mezua bere osotasunean ulertzeko: Anestesia ultrakomunikatzen. Alegia, anestesia dela horrenbeste hedabideren bitartez gure artean barreiatzen dutena. Urola Kostatik Tolosaldeara salto eginez, Deabruak-ek errime kantatzen duena harira letorke: “Antzeko mezu subliminalekin anestesiatzen gaituzte”. Zer eta Behin ta berriz izeneko doinuan. Izenburu aproposa, inondik ere, ultrakomunikazio horren maiztasuna adierazteko.
Maiztasunaz ari naizenez, gauero errepikatzen dudan akats bat aitortu nahi dizuet. Mesanotxean irrati-iratzargailu horietakoa daukat, argi gorriztekikoa. Bada, lotara aurretik biharamunean iratzartzeko ordua programatu eta irratia prest uzten dut, hurrengo goizari albistegiekin ekiteko. Hartara, batek ez daki uholde batek, atxiloketa batek edo ez-dakit-zenbat-milioi langabetuk esnatuko duten. Kafearen atariko “txute” informatiboa izan ohi da niretzat, masokista xamarra, egiari zor. Beharbada inozoa ez, baina apur bat Kaiku banaiz, hori egiteagatik.
Dena dela, hori egin gabe ere ohartuko zineten publizitatearen azkeneko boutadeaz: albisteak (ere) patrozina daitezke. Urliak lurrikara hau aurkezten dizu, sandiak Bagdadeko leherketa berria, eta abar. Zinismoaren gailurra ote?
Adibiderik behinena gaur goizekoa. El Mundoren iragarki batekin esnatu nau irratiak, hiru-lau albiste txepelen ondotik. Egunkari honen kazetaritza garbiaz mintzo da luzea egin zaidan spota. Laburbilduz, hedabideak “argitu” dituen hainbat kasu aipatzen ditu, eskerrak eman beharko balitzaizkie bezala aipatu ere: 11-M, Faisán, eta abar. Larritu nauena, baina, ez da hori izan, ez bada azpitik entzuten zen musika bera. Ametsetan ote nengoen oraindik ala The Times They Are A-Changin da iragarkirako ERABILI duten kanta?
Segidan etorri zait, noski, bigarren galdera hau: non arraio daude Dylanen abokatuak, beharrezko direnean?
Espainiako Estatutik Frantziakora “legez kanpoko” gero eta migratzaile gehiago igarotzen direla argudiatuta, mugetako kontrolak indartzea begi onez ikusi du Pirinio Atlantikoetako prefetak. Migratzaileek delitu txikietan “eragin hautemangarria” dutela... [+]
Poloniako Maszycka kobazuloan duela 18.000 urteko arrastoak topatu zituzten XIX. mendearen amaieran. Baina berriki giza hezurrak teknologia berriak erabiliz aztertu eta kanibalismo zantzu garbiak aurkitu dituzte.
Ez da ikerlan bat ondorio horretara iristen den lehen... [+]
Porzheim (Alemania), 1945eko otsailaren 23a. Iluntzeko zortziak jotzear zirela, hegazkin aliatuak hiria bonbardatzen hasi ziren bonba su-eragileekin. Erasoak sarraski izugarria eragin zuen denbora gutxian. Baina Pforzheimen gertatutakoa itzalean geratu zen, egun batzuk lehenago,... [+]
Matematika, zientzia, euskara, gaztelania eta ingelesa konpetentzietan EAEko ikasleek duten maila neurtzen duen ebaluazio diagnostikoaren emaitza festan, 13-14 urteko ikasleek zientzia eta gaztelanian izan duten deskalabrua "zuhurtziaz" gogoetatzeko beharra adierazi... [+]
Otsailaren 3an hasi da gure umeak eta gaztetxoak eskoletan aurre-matrikulatzeko garaia, eta urtero bezala gogoratu nahi genizueke zergatik ez zaigun ideia ona iruditzen erlijioan matrikulatzea. Iaz artikula bukatzen genuen esanez “askori idazki hau ezaguna egingo zaizue,... [+]
Emakumearen familiako kideek jarri dute salaketa Bilboko Kolonbiaren kontsulatuan. Otsailaren 1ean jasan zuen erasoa, Donostiako Manterola kaleko diskoteka baten atarian. Hainbat testigantzen arabera, konorterik gabe egon arren berari kolpeka jarraitu zuen ertzain batek.
Ilezko prakak, gerritik oinetaraino, latexa besoetan eta soinean, eta adatsa laranja gori. Horrela aurkeztu du La Furiak bere bosgarren lan luzea: Ultra. Horrek guztiak ederki islatzen du rap abeslariaren apustua: dena eman, bere irizpideen arabera.
Tranbia txiki Arratia Institutuko Guraso Elkartetik pantailen erabileraren inguruko hausnarketa bultzatu nahi dugu ikas komunitatean.
Azkenaldian kezka handia dago ume eta nerabeengan pantailek duten eragina dela eta. Ardura hori etxeko erabileratik eskola eta institutuetako... [+]
Petronorrek adierazi du asmoa duela hidrogenoa ekoizteko lantegia abiatzeko Bilboko Portuan eta erregai mota hori Tubacex, Tubos edota Vidrala enpresetara heltzeko, beharrezkoa izango dela hidroduktoa eraikitzea.
Etxebizitza berrien promozioak ez atzeratzea da Eusko Jaurlaritzako Gobernu Kontseiluak onartu duen dekretuaren helburu nagusietako bat. Zentzu horretan, udalei "autonomia" gehiago emango diela ziurtatu du Denis Itxaso sailburuak.
Mozambiken gas eremu zabal batean erauzketa prozesu bat martxan ezartzeko prest zen 2020an TotalEnergies enpresa frantsesa, eta gunearen segurtasuna bermatzeko Mozambikeko unitate militar bat kontratatu zuen. Baina Afrikan egitekoa zuen "inoizko inbertsio pribaturik... [+]
Bai, bai, holaxe. Ez naiz harago joatera menturatzen. Pleonasmo bat dela? Tautologia bat agian? Baliteke, baina egia-oste deitzen dioten garai honetan, oinarri-oinarrizko egitateak beharrezkoak dira. Begira, bestela, “Ez da ez!” lelo indartsuari. Bagenekien hori... [+]
Baneukan lagun bat Porcelana Irabian lan egin zuena itxi zuten arte, eta jatetxe edo taberna batera joaten ginen aldiro kikara eta plateraren ipurdia begiratzen zituena pieza non egina zegoen jakiteko. Gauza bera egiten dut nik gauza zaharren azoketara joaten naizenetan:... [+]