Autoak baino gehiago
- Epsilon-Euskadi automobil-lehiaketen esparrutik harago doan sorkuntza eta berrikuntza proiektua da. Haren asmoa da aukera teknologiko berriak eta parekorik ez duten I+G azpiegiturak eskaintzea, horren bidez munduko Berrikuntza Teknologikorako Zentro gorenetako bat bihurtzeko. Azkoitian eta Gasteizen ditu instalazioak.
Kanpoaldea ikusgarria bada –karbono-zuntzaren kolorezko aurrealdea du– are gehiago barrualdea: ekipamendu modernoak, energia aurrezteko leiho handiak... Gainera, eraikinaren diseinuak turismorako erabiltzeko balio lezake, bertaratzen direnek aukera izan dezaten leiho horietatik kirol-autoen muntaketa edo goi-teknologiako beste produktu batzuen ekoizpena ikusteko. Gasteizko instalazioa egundokoa da: 33.000 metro koadroko azalera erabilgarriaren 17.000 metro koadro betetzen ditu. Bestalde, Azkoitian jada abian da Epsilon-Euskadiren Automobilgintzaren Teknologiako Goi Errendimenduko Zentroa; 4.000 m2-ko azalera du, eta instalazio modernoak eta teknologikoak.
Masterra Berrikuntza Teknologikorako Zentroan
Epsilon-Euskadik berrikuntza teknologikoa sustatzeko proiektu estrategiko osoa landu du; behin instalazio guztiak ezartzean, egindako inbertsioa 60 milioi eurotik gorakoa izango da, eta goi-kualifikazioko 200 lanpostu baino gehiago sortuko ditu. Horrez gain, haren instalazioak eta azpiegitura teknologikoak erabilgarriak izango dira beste enpresa batzuen proiektuak ere aurrera eramateko; batez ere, euskal enpresenak.
Berrikuntza Teknologikorako Zentroak, auto-lehiaketen esparruan parte hartuz, lehiakortasun-sena sustatzeaz gain, komunikazio-bitarteko bikaina lortu du bere proiektuak oihartzuna izan dezan, lortu nahi duen helburuari begira: nazioartean berrikuntza teknologikoaren eta ikerketaren erreferente izatea. Bere jarduerak autoelikatzen den zikloa osatzen du, lau negozio-lerro finkatuz: Prestakuntza, Diseinua eta Ikerketa, Fabrikazioa eta Kirol Taldeen Kudeaketa. Orain arte, kirol taldeen kudeaketa izan da, zalantzarik gabe, Epsilon-Euskadiren esparrurik ezagunena.
Prestakuntzaren arloan, METCA Automobil Lehiaketarako Espezializazio Teknikoko Masterra da ikurrik bereizgarriena. Master hori 2005etik ematen da, Mondragon Unibertsitatearekin lankidetzan, eta haren bidez, goi-mailako lehiaketarako ingeniari kualifikatuak prestatu nahi dira, betiere alderdi praktikoa oinarri hartuta. Gainera, METCA masterraz gain, aerodinamikari buruzko edukiak lantzeko beste master berri bat abian jartzea aurreikusten dute. Gasteizko Berrikuntza Zentroko ikasgeletan, 56ren bat ikasle hartu ahal izango dituzte.
Berrikuntza Zentroa prestatuta dago lehiaketarako autoei buruzko ikerketak egiteko, eta halako autoak diseinatzeko eta ekoizteko, bai eta goi-teknologiako beste edozein produkturen piezak eta osagarriak egiteko ere. Helburu hori lortzeko, azken belaunaldiko ekoizpen-bitartekoez hornitu da: esaterako, hiru autoklabeak, 30 CNC makinen parkea eta beste hainbat ekipamendu. Bitarteko horiek baliatu nahi ditu Epsilon-Euskadik amaierako produktuak muntatzeko piezak eta osagarri sofistikatuak ekoizteko. Ekoizpen-azpiegitura horrek Epsilonen proiektuaren filosofiaren bi zutabe nagusiak ditu oinarri: autosufizientzia –bide ematen baitu ekoizpen-logistika kontrolatzeko–, eta berrikuntza –ekoizpen metodoan zein prestakuntza arloan–. METCA masterreko ikasleek ekoizpenari begira diseinatzen ikasiko dute, eta prestakuntza ziklo osoan zehar, hurbiletik ezagutuko dituzte ekoizpen-bitartekoak.
Utopiatik errealitatera
Epsilon-Euskadiko arduradunek azaldu dutenez, ez da erraza izan arlo horretan sartzea eta erakundeen, politikarien, enpresarien eta gizartearen babesa lortzea. Beraien esanetan, lehen aldiz Euskadira iritsi zirenean, 2003an, ez ziren oraindik agerian jarri lehiaketa-talde horren benetako helburu estrategikoak: nazioarteko adituak erakartzea, eta aukera teknologiko berriak zein I+G azpiegitura industriaren zerbitzuan jartzea. Gaur, Miñaoko lurretako eraikin adierazgarri horretan, jada abian dira lehenengo proposamen praktikoak, hala nola haize-tunela eta beste batzuk. Horri esker, hasieran utopikotzat jotzen zutena, proiektu garrantzitsu bihurtu da berrikuntza teknologikoaren arloan.
Zentro horrek, gainera, badu superordenagailu bat ere; Espainiako Estatuan, ahalmen handieneko bigarren ordenagailua da; horri esker lortzen dute simulazio-programak ahalik eta gehien optimizatzeko beharrezkoa den kalkulu gaitasuna. Ordenagailu hori beste enpresa batzuei ere eskainiko zaie, konputazio-orduak alokatzeko. Horrez gain, Espainiako Estatuan bakarra izango den bederatzi eragingailu hidraulikoko esekidura-simulagailu bat ere izango du, bai eta elektronika zein sistema adimenduetarako softwareak garatzeko laborategiak ere. Bertako bulego teknikoa 60 ingeniari baino gehiago aritzeko prestatuko da.
Hiriko auto elektrikoa sustatu zuen konpainiako arduradunak enpresaren kiebraren erruduntzat jo ditu Gasteizko merkataritza-epaitegiak. Jesus Echave, Iñigo Antia, Jose Luis Bengochea eta Fernando Achaerandiok 530.000 euroko indemnizazioa ordaindu beharko diete... [+]
Fiskalak 8 urteko kartzela zigorra eskatu du Joan Villadelprat Epsilon automobilgintza enpresako gestore izandakoarentzat. Iruzur ekonomikoa egin zuela hiru urte atzera izandako epaiketan erakutsi zen, eta orduan 900.000 euro ordaindu behar izan zituen.
Diru zuriketa eta iruzurra leporatzen die, Espainiako Gobernuak eta Eusko Jaurlaritzak emandako 17,7 milioi euro bidegabe xahutzeagatik.
Epsilon eta Hiriko auziengatik EAEko Legebiltzarrean egin den ikerketa batzordearen ondorioak onartu ditu Legebiltzarrak. 2007an karguan zeuden Jaurlaritzako eta hiru diputazioetako zenbait kideri erantzukizun politikoa eskatu zaie, automobilen industriari lotutako bi... [+]
Epsilon eta Hiriko auzien Ikerketa Batzordeak behin betiko ebazpena onartu du, EAJren kontrako bozkekin. Oposizioko alderdien arabera, erakundeen inplikazioak bi proiektuetan diru-kutxa publikoetan eragin du, eta, beraz, erabakiak hartu zituzten jeltzaleek “erantzukizun... [+]
Hirikok hondoa jo zuen, eta berarekin desagertu ziren administrazio publikoetatik jasotako 17 milioi euro, baina Iñigo Urkidi arduradunaren hitzetan proiektua arrakastatsua izan zen: “Ez dakit dirua hartu den hala ez, baina I+G proiektua egin da eta zoragarria... [+]
EAEko Legebiltzarreko Batzordeak uztailaren 10ean aurkeztuko ditu Epsilon eta Hiriko enpresen kudeaketa ekonomikoaren inguruko ikerketaren ondorioak, EAJ eta PSEren babesarekin. Azken bi legegintzaldien ikerketarik azkarrena izango da, eta UPyD alderdiak sozialista eta... [+]
Eusko Legebiltzarreko ikerketa batzordea EAJren kontrako botoekin osatu da; jeltzaleak izan ziren egitasmoen sustatzaile nagusiak. Eusko Jaurlaritzak eta Espainiako Gobernuak 60 milioi euro eman zituzten automobilgintzako bi proiektuentzat. Batak zein besteak kiebra jo dute.
Epsilon automobilgintza enpresak iruzur ekonomikoa egin duela frogatu ostean, EH Bildu, PSE, PP eta UPyD alderdiek kontuak argitzeko exijitu diete jeltzaleei.
Eusko Legebiltzarrak 63 kontu-ikuskaritza eskatu dizkio Herri Kontuen Euskal Epaitegiari 2013rako. Alderdi guztiek egin dituzte proposamenak, eta denak aho batez onartu dira. EH Bilduk 26 azterketa eskatu ditu, PSE-EEk 17, UPyDk 13, EAJk 6 eta PPk bakarra.
EAJ izan ezik Eusko Legebiltzarreko talde guztiek babestu zuten Epsilonen finantzazioarekin gertatutakoa ikertzeko PPk egindako proposamena.
Eusko Jaurlaritzak Sprilur sozietate publikoaren kapital handitzea onartu zuen atzo, guztira 939.700 eurokoa. Diru horrek kapitalizatuko du Sprilurren zuloa estaltzeko eskatutako mailegua. Zuloa nola sortu zen jakiteko berriz, 2004ra joan behar da: Epsilon Euskadi auto... [+]