Iztietan barrena gauerdian
All Mod Cons diskotik (1978).
Ez dago argi, baina antza denez, Paul Weller eta lagunek benetan gertatutako eraso arrazista bat kontatu zuten Down in the tubestation at midnight kantan. All Mod Cons diskoko bigarren singlea izan zen, eta urteekin The Jamen abestirik ezagunenetariko bat bihurtu da; zeharkako zentsura gaindituz bihurtu ere, BBCk hasieran ez baitzuen emititu nahi izan, kanta “kezkagarria” omen.
Lehen pertsonan kontatzen dizute istorioa: gizon bat Londresko metro estazioan behera doa, eta atzetik norbait oihuka, hi, txo, dirurik ba al daukak? “Lehenbizi ukabil bat sentitu nuen, gero ostikoa; haien arnasa usain nezakeen. Pub-etako eta Wormwood Scrubs-eko usaina, eta eskuin muturreko mitin gehiegitakoa”. Ustez asiarra da kontalaria. Kantaren bukaeran lurrean dago hebain-hebain eginda, etxeko giltzak kendu dizkiote, beldur da emaztearen bila joango ote diren. Gauerdia da metro estazioan.
Baten batek galdetuko dit zertarako ekartzen dudan kanta zahar hau orri honetara. Londresko metroko errailetatik gureetara etorri behar dut azalpen bila: Gipuzkoako egunkaririk salduenean –hitzari zentzu bikoitza bilatu nahi dionak ez du nire trabarik izango– “Preocupación en Iztieta” izenburudun artikuluak jo nau, badira bi aste. Emakume bat bortxatzen saiatu ziren Errenteriako auzo horretan. Bai, kezkatzekoa da. Ulertzen dut titularra. Baina sartu naiz barrura eta ez, artikuluak ez dit horretaz hitz egin nahi. Bestelako kontuak nabarmendu ditu kazetariak. Bizilagun bati bozgoragailua eman dio: “Hasta hace poco tiempo, este barrio era muy tranquilo, pero desde que llegaron estos magrebíes, la situación se ha complicado bastante”. Bigun esateko, horrelako adierazpenak arrazakeria hutsa dira. Zer egiten du El Diario Vascok horien bozgorailu bihurtuta? Zer dela eta hitz egin du kazetariak “bizilagun kezkatu”-ekin bakarrik? Horrekin ez al ditu besteak, “estos magrebíes” horiek, dagoeneko epaitu? Galdetzen duzu, alferrik. Hurrengo egunetan irakurri duzu pogrometik hurbil egon direla Iztietan. Ez dira, seguruena, pub ingelesetatik, eskuin muturreko mitinetatik etorri. Baina The Jamen kantan bezala, hauetako batean etorkinen bat egurtuko dute eta lurrean utziko gauerdian. Ez du asko inportako 1978 edo 2009 izatea, metroaren estazioa ala topoarena, Londres ala Errenteria.
Frantziako Gobernuaren aurrekontu proiektuan Gizarte Segurantzan egitekoak dituzten murrizketak salatzeko mobilizazio eguna dute ostegunean. Manifestazioa abiatuko dute 10:00etan Baionako geltoki aitzinetik.
Abenduaren 5ean ikasleei eta irakasleei zuzendutako tailer, hitzaldi eta ikuskizunak izango dira azokan. Dinamiken bidez sortzaileak ezagutu eta eurekin harremanetan jartzeko moduko aukera ere izango da. Edukiera guztia bete da jada ikasle goizerako.
Andoaingo institutuan izan da Pape Niang, bere migrazio-esperientzia kontatzen. 16-18 urteko gazteek, aurrez Pape Niang, hasiera berri bat liburua irakurria zuten ikasleek, jakin-minez, gogoetez eta galderez bete dute aretoa. Bejondeiela, pertsona kritikoak heztea baita... [+]
Ipar hemisferioan ikasturtea hastearekin batera izan ohi den albiste-zaparradan argitaratu zen duela astetxo batzuk: aspaldiko urteetan ez bezala, txinatar jatorriko ikasleak (275 milatik gora) ez dira jada ugarienak Estatu Batuetako unibertsitateetako atzerriko ikaslerian;... [+]
Astelehenean abiatu zituzten lanak eta frankismo garaiko 20 biktima berriren gorpuak topatu dituzte honezkero. Asteburura arte luzatuko dute gorpuzkiak lurpetik ateratzeko hirugarren kanpaina.
Sei urteko espetxe zigorra ezar diezaiokete Oscar Pierreri langileen eskubideen aurkako hainbat delituengatik. Epaiketa asteartean izan da Bartzelonan, eta astelehenean iragarri du legearen pean kontratatuko dituela 15.000 rider. CGT sindikatuak “fiskaltzaren aurrean... [+]
Gogoratzen al duzue? Legebiltzarreko %90ak onartu zuen Hezkuntza Akordioa duela bi mende –barkatu, bi urte–. Ezkerraren biltzarkideen erreakzioa euforiaren eta neurriko gogobetetasunaren artean mugitu zen. Onarturiko dokumentuaren arabera, zentro pribatuek diru... [+]
Tabernan zaude, barran, eskatu nahian. Mostradorean beste pertsona batzuk ere berdin. Laster izango da zure txanda, baina zuri tokatu arren, zerbitzariak ez dizu galdetu ea zer nahi duzun, salto egin dizu eta zure atzean etorri den gizona atenditu du. Ergel aurpegia geratu... [+]
Neronek esan nezake, baina Macronek esan zuen. Frantses nazioa zatitzeko tresnak omen dira frantsesa estatu hizkuntza bilakatu baino lehenagotik ere exagonoan baziren hizkuntza horiek. Aitortu ordez Frantziak hizkuntza horietako hiztunak azpiratu, uniformizatu eta asimilatu egin... [+]
Bata bestea irentsiz gordetako azken galtzerdi parearen ondoren, ezin izan nuen kaxoia itxi. Horrela zegoen, gaizki itxita, bi astez jada, pijamena (pijamen tiraderan, oparitutako hiru izan ezik, ez dago pijamarik; “etxerako” kamiseta eta galtzaz beteta dago). Atera... [+]
