Larrabetzu liburuen uri
- Durangoko Azoka hor dago, Hugoenea idazleen etxea ere hasi da martxan berriki, Eako poesia egunak badaude... Baina orain arte ez zen euskara hutsezko literatura azokarik Euskal Herrian. Larrabetzun (Bizkaia) izango da lehena. Ekainaren 5, 6 eta 7an antolatu du Larrabetzuko Literatura Eskolak.
Noski, jardunaldiak jardunaldi behar badu, ezin azoka soila izan, eta, horregatik, hainbat ekitaldi antolatu dituzte egun horietarako Literatura Eskolako kideek, inguruko biztanleen eta elkarteen laguntzaz. Hitzaldiak, solasaldiak, ipuin eta poesia irakurraldiak, antzerkia...
“Jauzi bat izan da”, dio Gotzon Barandiaran Literatura Eskolako koordinatzaileak. Eskolaren bilakaeraren baitan, beste urrats bat. Larrabetzun baino ez zituzten eskaintzen hasieran eskolak, baina Euskal Herri osora barreiatu ziren gero, hiru urteren buruan, eta egun ere han hemenka ibiltzen dira, hilabetean behin irakurzaleak batuz. Hori zen asmoa, izan ere, literatura jendartera zabaltzea. Eskolen inguruan eratzen joan den jende eta elkarte sare hori baliatuz antolatu dituzte, horregatik, literaturari eskainiriko egunok.
Hainbat idazle hurbilduko da Larrabetzura asteburu horretan liburuak aurkeztu eta haien inguruan hitz egitera. Koldo Izagirre, Garbiñe Ubeda, Asier Serrano, Uxue Alberdi, Irati Jiménez, Juanra Madariaga, Beñat Sarasola, Markos Zapiain, Xabier Soubelet, Auxtin Zamora, Mikel Peruarena, Xabier Mendiguren Elizegi, Edorta Jimenez, Josu Penades, Xabier Etxeberria, Martin Etxeberria, Alberto Barandiaran...
Patxi Gaztelumendik gidaturik “deskonferentziak” izeneko hitzaldi saio laburrak ere izango dira. Internet eta literatura izango da haien ardatza, eta blogak eta literatura hurbiletik bizi dituzten hainbat arituko dira hizketan; Beñat Sarasola, Julen Gabiria, Juan Luis Zabala eta Gorka Bereziartua, esaterako.
Literaturaren alde ludikoa
Galder Perezek eta Ane Zabalak Edorta Jimenezen testuetatik abiatutako Mirande Kabareta ikuskizuna eskainiko dute gaztetxean, bestalde, eta baita Kukubiltxoren Hilario Mortimer, eta Eidaberen Ametsen museoa ere. Hedoi Etxartek poesia errezitaldi musikatua eskainiko du, eta Mikelazulo elkartekoek, berriz, Ate hautsiak ikuskizuna. Eta musikariak ere izango dira; Joseba Irazoki eta Petti.
“Literaturarekin lotura estua duten ikuskizunak dira denak, eta literaturarekin harreman estua izan duen jendeak egindakoak”, dio Barandiaranek. “Emanaldi hauekin guztiekin, literaturaren alde ludikoa ere nabarmendu nahi izan dugu”.
Izenak argi dioenez ordea, literatura eskola da, funtsean, Larrabetzuko Literatura Eskola. Irakurzaleen bilgune. Eta hilabetean behin egin ohi duten bilkura ere egingo dute jardunaldien baitan. Literatur sistema izango da eztabaidagaia, eta Iratxe Retolaza, Olatz Osa, eta Fito Rodrigez bilduko dira mahaiaren inguruan, Harkaitz Zubiriren gidaritzapean.
Txinpasmendi gurasoen elkarteak antolatuta, umeek ere izango dute literaturari heltzeko biderik, haiek sorturiko literatur lanak erakutsiko baitira Larrabetzun , eta idazleekin solasean aritzeko aukera ere izango dute, gainera.
Bazkariak izango dira larunbata eta igandean. Eskolaren webgunean jarriko dituzte txartelak salmentan. Leku berean daude jardunaldiei buruzko bestelako xehetasunak ere: www.literaturaeskola.org atarian.
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Soco Lizarraga mediku eta Nafarroako Duintasunez Hiltzeko Eskubidea elkarteko kidearen ustez bizi testamentuak heriotza duin bat eskaini eta familiari gauzak errazten dizkio.
Bilbo Hari Gorria dinamikarekin ekarriko ditu gurera azken 150 urteetako Bilboko efemerideak Etxebarrieta Memoria Elkarteak. Iker Egiraun kideak xehetasunak eskaini dizkigu.
Laudion, Aiaran eta Okondon izango du eragina energia azpiegiturak eta plataformaren aburuz, proiektuak eta ingurumen-inpaktuaren azterketak gabezia garrantzitsuak dituzte.
"Entseatzen gira arnas gune bat sortzen Donibane Lohizunen, hain turistikoa den herri honetan". 250 kiderekin Donibane Lohizuneko Begiraleak kultur elkarteak 90 urte bete ditu aurten. Lau emaztek sortu zuten talde hauetan eramaile izan zen Madeleine de Jauregiberri... [+]
Karmela espazio autogestionastuan egingo ditu, eta Euskal Herriko zein nazioarteko gonbidatuak egongo dira bertan. "Koiuntura analisi orokorretik abiatu eta Euskal Herriko borroka internazionalistaren gakoetarainoko bidea" egingo dutela adierazi du Askapenak... [+]
33/2013 Foru Legeari Xedapen gehigarri bat gehitu zaio datozen aldaketak gauzatu ahal izateko, eta horren bidez ahalbidetzen da “erregimen frankistaren garaipenaren gorespenezkoak gertatzen diren zati sinbolikoak erretiratzea eta kupularen barnealdeko margolanak... [+]
2025 amaitu baino lehen Gernikako Estatutuan jasotzen diren eskumen guztiak izatea espero du Jaurlaritzak. Oraindik 25 eskumen falta dira. Transferentzia Batzordea aurreko astean biltzekoa zen baina "agenda arazoak" zirela eta atzeratu zuten.
Elgarrekin izena du Duplak egin duen aurtengo abestiak eta Senpereko lakuan grabatu zuten bideoklipa. Dantzari, guraso zein umeen artean azaldu ziren Pantxoa eta Peio ere. Bideoklipa laugarrengo saiakeran egin zen.
“Kasu, ez gitxu lo!”. Gure denbora eta manerekin baina heldu gira.
Azaroaren 25ean Baionako elgarretaratzera joan ez joan eta autoak nola partekatu pentsatzetik (joan-jina bi oren), bat-batean Lartzabalen elgarretaratze bat antolatu genuen, eta 47 emazte bildu!... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
“Bi pertsona mota daude munduan: euskaldunak, batetik, eta euskaldunak izan nahiko luketenak, bestetik”. Gaztea zela, Mary Kim Laragan-Urangak maiz entzuten omen zuen horrelako zerbait, Idahon (AEBak), hain zuzen. Ameriketan jaio, hazi, hezi eta bizi izandakoak 70... [+]
Martxoaren 8a, Emakumeen Nazioarteko Eguna, munduan zehar milioika emakumeontzat berdintasuna, eskubideak eta justizia eskatzeko borroka eguna da. Hala ere, gerrek, gatazkek eta politika militaristen hazkundeak markatutako testuinguru global batean, inoiz baino premiazkoagoa da... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]
Nahiz eta Nazio Batuen Erakundeak (NBE) 1977an nazioarteko egun bat bezala deklaratu zuen eta haren jatorriaren hipotesi ezberdinak diren, Martxoaren 8aren iturria berez emazte langileen mugimenduari lotua da.