“Gure mahaia Durangoko azokan kasetez betea ikusten dut”
- Mungiar honen katalogoan diren euskal artistak (Split 77, Royal Canal, Cherry Boppers, Le Noise...) azkenaldiko joeren erakusgarri dira... Zoritxarrez gutxi batzuen zorionerako.
Noizpop bataiatu zenuen zure zigilua... Bukaera eman nahi zenion euskal rockaren heavy aroari?
Inoiz ez dut ile luzerik izan, eta eskolan lagunek ez zidaten uzten heavya izaten. Hertzainak eta Kortatu entzun eta laster deskubritu nuen horren atzean benetan zer zegoen: The Clash, The Specials, Toots & The Maytals… Gero maitemindu egin nintzen eta The Smiths etorri ziren.
Zure esperientzian oinarriturik, gaur egun zenbatean dago euskal disko batek sal dezakeen ale kopururik ñimiñoena?
Gure diskoetxean disko gutxi saltzen ditugu baina amets egiten ere oso ondo pasatzen dugu. Revival garaian gaude eta orain kasete euskarrira bueltatzekotan gabiltza. Gure mahaia Durangoko azokan kasetez betea ikusten dut.
Herrietan ez bezala, hirietan jendea “bakarrik interesatzen zaiona” ikustera joaten da.
Hirietan gero eta eskaintza oparoagoa dago, eta Bilbo Europako hiririk garrantzitsuenen pare dago kontzertuei dagokienez. Ikuslea jada ez dago prest edozer gauza ikusteko. Joera, Internet, moda eta estetikaren garaietan erabat murgilduta gaude eta guk, euskaldunok, hor ere gure lekua egiten jakin behar dugu. Momentuari pultsua hartu behar diogu, beldurrik gabe.
Susmoa daukat Bilboko Kafe Antzokia uste baino plaza zailagoa izan daitekeela euskal talde askorentzat.
Izan daiteke. Kontuan izan Bilbora datorren edozein artistak egun berean bost edo sei kontzertu gehiago dauzkala hirian, berearekin lehian. Ondo prestatu behar dira kontzertuak, promozioa eta antolaketa on batekin. Badaude aste ugari Kafe Antzokian asteartetik igandera kontzertuak izaten direla. Atera kontuak!
Ez didazu esango heavyak direla diru galerarik eragiten ez duten euskal talde bakarrak!
Hori esaten dute kamiseta heavyak saltzen dituzten dendariek!
Jaialdi erraldoien inguruan (BBK Life, Azkena Rock Festival) gaizki esaka aritzen diren promotore txiki horietakoa al zaitugu?
Ondo pasatzen dut jaialdi horietan. Askotan pentsatu izan dut gustura egongo nintzela 1969an Woodstocken. Furgoneta zahar bat alokatu, Jimmy Hendrixekin dantzan egin eta Dylanen abestiak entzun galtza bakeroak eta cowboy kapela jantzita.
Ikusi dut Facebook-en zaudela... Milioi bat lagun izan nahi zenuke, Roberto Carlos kantariak zioen bezala?
Berriki Londresko neska bat ezagutu dut, disko zigilu txiki bat dauka eta bere etxean ospatuko duen jai batera gonbidatu nau! Roberto Carlos ez, baina bat-batean Los Panchos taldearen Si tú me dices ven abestia etorri zait burura, kar, kar, kar.
Patxi Lopezek bereziki maite du Ruperren Zaindu maite duzun hori, eta Eduardo Madina Belle and Sebastian-en zale sutsua da. Noiz pop? Orain pop!
Kar, kar, kar. Nor ez da maitemindu ba Ruperren kantu batekin?
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Editore Kurduen Elkarteak abenduaren 22an egin zuen salaketa: azken hiru asteetan Turkiako agintariek kurduei buruzko 120 liburu, aldizkari, egunkari edo bestelako argitalpen debekatu dituzte, Duvar hedabide kurduak jakinarazi duenez.
Garraio publikoak erdi prezioan jarraituko du datorren urtean ere, Espainiako Gobernuak bere hobarien parteari eutsiko diola iragarri ostean.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Kopenhage, 1974ko abenduaren 18a. Eguerdiko hamabietan ferry bat iritsi zen portura eta bertatik 100 Santa Klaus inguruz osatutako taldea lehorreratu zen. Antzara erraldoi bat zeramaten haiekin. Asmoa “Troiako antzara” moduko bat egitea zen, eta, hirira iristean,... [+]
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
Gizartean gatazka sortzen duten proiektuak jai bezperetan onartzeko ohiturari jarraituz, abenduaren 20an onartu du Eusko Jaurlaritzak Energia Berriztagarrien Lurralde Plan Sektorialaren "behin behineko bertsioa". EH Bizirik-ek elkarretaratzea egin du Jaurlaritzaren... [+]
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Santa Marta komunitateko (El Salvador) ADES Garapen Ekonomiko eta Sozialerako Elkarteko presidentea da Vidalina Morales. “Rol horretatik harago, ingurumen ekintzailea ere banaiz, giza eskubideen defendatzailea eta emakume baserritarra; hainbat urtez borrokan egon diren... [+]
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
Gabonetako Loteriaren datuak eman berri ditu Espainiako Gobernuaren menpeko Estatuko Loteriak eta Apustuak elkarteak. Horien arabera, Araba, Bizkaia eta Gipuzkoan batez beste 84,33 euro gastatu ditu herritar bakoitzak, eta nafarrek, berriz, 53,38 euro, EiTBn irakur daitekeenez... [+]