Zuzenekoen zoramenetik pausatuago eta ñabardura gehiagorekin
Gatibu ::Laino guztien gainetik, sasi guztien azpitik
Baga biga
iraupena ::46´35´´
prezioa ::15.95€
Sexua, desioa... oso presente daude zuen hitzetan. Horiek dira benetan jendea arduratzen duten gauzak?
Gauza antzekoek arduratzen gaituzte; hor daude desioak, ametsak, egin nahi ditugun gauzak… Sexuarekin bide onean goaz: galarazita egotetik modu askean bizi dugu orain, egunerokotasunean.
Nolatan aukeratu zenuen Chitty Chitty Bang Bang film musikal horren izena?
Gerora jakin dut film bat dela. Kantuaren melodia eginda neukan eta halako batean soinu hori burura etorri zitzaidan; hortik aurrera, beste guztia idatzi nuen. Agian subkontzientean neukan film hori ikusi izana.
Inoiz Serge Gainsbourgekin konpara zaituzte? Emakumeei halako omenaldiak egiten dizkiezula-eta...
[Barre]. Eskertzen da halako konparaketa… Inoiz neskek esan didate emakumeek ulertzeko moduko kantuak idazten ditudala. Egia esanda, eskolan eta abesbatzan neska artean ibili nintzen beti; eta baliteke hor zerbait ikasi izana.
“Hauxe da rock-and-rolla, hau da nire bizixe, kezko promesen joan etorri bet”. Joan-etorria bada, badaramazue denbora bat, ezta? Zer eman dizue rock-and-rollak?
Joan-etorriak beti egon dira, hori da rock-and-rolla. Horrek ematen dio bizitzari intentsitatea. Rock-and-rollak asko ematen digu, horregatik jarraitzen dugu horretan. Maitale on baten modukoa da: asko ematen dizu, baina ez dakizu noiz arte.
Hitzetan askotan ageri dira “sua”, “ura”, “trumoia”, “laino”, “udaberrixe”, “haizie”... Zeu zara rockaren Pello Zabala, eguraldi gizona?
Euskaldunok beti egon gara naturari begira. Aita bertsolaria daukat, Enbeitatarrak familia dira, eta tradiziori eutsi egin behar zaio. Eta, jakina, nire errespetu guztia Zabalari.
Produkzio galanta dauka diskoak. Detaile eta ñabardura asko dauzkate kantuek.
Eskerrik asko. Soinua zaindu egin dugu, zuzenekoa eta diskoa bereizteko. Modu berean, ideiak sinpletu egin ditugu.
Betsaide enpresan gertatu da, 08:00ak aldera. Urtea hasi denetik gutxienez bederatzi behargin hil dira.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.
Trump/Vance eta Zelenskyren arteko sesio gogoangarriak, Europan behintzat, erabat isilarazi badu ere, bada beste mundu-parte batean bederen dezenteko harrabotsa harrotu duen burutazioa. Afganistango Bagrameko aire-basea berreskuratu nahiko luke Trumpek, bere lehen... [+]
Etxe Zurian edukitako liskarraren ostean, eskainitako laguntza "konponbide batera bideratuta" dagoela ziurtatu nahi du Trumpek. Zelenskiren arabera, Kievek bizirauteko aukera gutxi izango lituzke AEBen laguntza militarrik gabe.
Groenlandiar jatorriko 411 haur daude tutoretzapean Danimarkan, Gizarte Gaietako, Etxebizitzako eta Adineko Pertsonen Ministerioaren txosten baten arabera. Aitatasun eta amatasun froga psikologikoetan puntuazio baxuak lortzeko arriskua dute guraso groenlandiarrek, frogak ez... [+]
Satorralaia plataformak Donostiako Metroaren Mirakontxa-Easo zatiko lanek “%164ko gainkostua” izan dutela salatu zuen joan den astean, eta, horren harira, EH Bilduk gainkostu hori argitzeko eskatu du, Eusko Legebiltzarrean erregistratutako galdera sorta baten bidez.
Down sindromea eragiten duen 21. kromosomaren kopia gehigarria ezabatzea lortu dute ikertzaile japoniar batzuek laborategiko giza zeluletan. Erabilera klinikotik urrun dagoen arren, sindrome hori tratatzeko aukera berri bat ireki du esperimentu honek. PNAS Nexus aldizkarian eman... [+]
Ikasleen lan politikoa jazartzeko asmoz, Iruñeko Iturraman eta Biurdanan nahiz Bilboko Unamunon izan dira polizia-indarrak, IAk salatu duenez.
Otsailaren 28an Hendaian eman dio hasiera kanpainari Herri Urratsek. Euskararen transmisioa bermatzen duen Seaska babestea da helburua.
Gizonak ustez Ortuellako Jendea futbol taldean zuen posizioa baliatu zuen umeari argazkiak egiteko. Ertzaintzak ikerketa abiatu du eta aurretik antzerako salaketak zituela jaso dute.
Agintari gutxik aitortzen dute publikoki, disimulurik eta konplexurik gabe, multinazional kutsatzaileen alde daudela. Nahiago izaten dute enpresa horien aurpegi berdea babestu, “planetaren alde” lan egiten ari direla harro azpimarratu, eta kutsadura eta marroiz... [+]
Abdullah Öcalan buruzagiak PKKri otsailaren 27an eskatu zion armak uzteko. Taldeak egin duen adierazpenean babes osoa agertu dio buruzagiari eta Öcalanek eskatutakoa betetzeko konpromisoa adierazi du.
Poliziaren eta manifestarien arteko talkek atxilotu eta zauritu ugari utzi dituzte ostiralean herrialdeko hiri nagusietan. Herritarrek gertatukoaren erantzuleak zigortzea eskatu diote gobernuari, ez baita oraindik istripuaren inguruko epaiketarik ireki. Greba orokorra deitu... [+]