Iluna eta zu
I
Ederki asko dakit
zure helbidea:
Eroskiren pareko
izkina gordea
San Antonio 20,
portal dotorea
laugarren solairuko
eskubialdea
aspaldidanik daki
honako bidea.
II
Baina biderik ez dut
egingo luzaro
hemen geldi zure zain
gustora bainago
bihurtu nahi dut zure
bihotzeko faro
zu maitatzen baitzaitut
mugaz haratago
nire denbora baino
dezente gehiago.
III
Nahiz nagoen zure zain
ta zugatik itsu
ez dakit Nora, Miren
edo zein zaren zu
eta pare-parean
nauzun arren usu
guzti hori zuretzat
da nahiko berdintsu
existitzen naizenik
ere ez dakizu.
IV
Gauaren zain pasatu
ohi dut nik eguna
zure zain pasatzeko
gauaren iluna
nahiz saiatu bihotza
bihurtzen beruna
onartzen ez dut erraz
izaten, kuttuna,
oso izan nahi duen
erdi-maitasuna.
V
Erlojuak jotzean
hamaikak ta piko
so egoten naiz ea
zu noiz ikusiko,
zaborra botatzera
ea noiz jaitsiko...
Baina berriz etxera
zoazen aldiko
iruditzen zait joan
zarela betiko.
VI
Zuretzat bizitzea
bihurtu zait lege.
Beti egon ez nadin
ni zure titere
akatsak ateratzen
saiatzen naiz trebe
baina bihotzak ez dit
egiten mesede
hain zara perfektua
pijamatan ere...
VII
Usu gertu izaten
dut zure itzala
baina oharkabean
zoaz berehala
hala ere, zurekin
gurutzatu ahala
koloretan jartzen zait
masailen azala
bonbila erraldoi bat
banintza bezala.
VIII
Zure adats horia
zaila daukat belzten,
zure begi argiei
argirik ezin ken
aukeraren bat banu
halakoren baten
hasiko nintzateke
guztia ematen
beti distira bera
eduki dezaten.
IX
Inoiz ikusten zaitut
irriz, alegera
hurbiltzen senarraren
besoen artera
ta berari musu bat
ematez batera
zaborrarekin egin
ohi duzun antzera
bihotza amiltzen zait
kontenedorera.
X
Deklaratzeko badut
nahikoa bertute
“maite zaitut” bat jaurtiz
beste baten truke
nahiz zain daramazkidan
horrenbeste urte
saiatuko naizenik
keba, ez dut uste!
Farola bat ez banintz
probatuko nuke.
XI
Jada hil didazunez
bihotzan erdia
pixkanaka itzaltzen
ari zait argia
izpiak malkotzeaz
kexu da begia
zu gabe mundu hau da
ezereza ia:
argitzen jarraitzeko
beltza, beltzegia...
Doinua: Lagundurikan danoi.
Europar Kontseiluak onartu du Ursula Von der Leyenek gastu militarrean proposatu duen 800.000 milioi euroko gastuarekin aurrera egitea. Horretarako bi arrazoi nagusi argudiatu ditu: Errusiari aurrea egitea eta Europar Batasunak aurrerantzean bere burua AEBen babes militarrik... [+]
Gizakunde (Inauteriak)
Noiz: otsailaren 15ean.
Non: Arizkun eta Erratzun. plazan.
------------------------------------------------
Amaitu dira inauteriak, sutan erre ditugu gaiztoak, gaizkiak, sardinak eta panpinak. Baina xomorroak esnatu dira eta badator... [+]
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Soco Lizarraga mediku eta Nafarroako Duintasunez Hiltzeko Eskubidea elkarteko kidearen ustez bizi testamentuak heriotza duin bat eskaini eta familiari gauzak errazten dizkio.
Bilbo Hari Gorria dinamikarekin ekarriko ditu gurera azken 150 urteetako Bilboko efemerideak Etxebarrieta Memoria Elkarteak. Iker Egiraun kideak xehetasunak eskaini dizkigu.
Laudion, Aiaran eta Okondon izango du eragina energia azpiegiturak eta plataformaren aburuz, proiektuak eta ingurumen-inpaktuaren azterketak gabezia garrantzitsuak dituzte.
"Entseatzen gira arnas gune bat sortzen Donibane Lohizunen, hain turistikoa den herri honetan". 250 kiderekin Donibane Lohizuneko Begiraleak kultur elkarteak 90 urte bete ditu aurten. Lau emaztek sortu zuten talde hauetan eramaile izan zen Madeleine de Jauregiberri... [+]
Karmela espazio autogestionastuan egingo ditu, eta Euskal Herriko zein nazioarteko gonbidatuak egongo dira bertan. "Koiuntura analisi orokorretik abiatu eta Euskal Herriko borroka internazionalistaren gakoetarainoko bidea" egingo dutela adierazi du Askapenak... [+]
33/2013 Foru Legeari Xedapen gehigarri bat gehitu zaio datozen aldaketak gauzatu ahal izateko, eta horren bidez ahalbidetzen da “erregimen frankistaren garaipenaren gorespenezkoak gertatzen diren zati sinbolikoak erretiratzea eta kupularen barnealdeko margolanak... [+]
2025 amaitu baino lehen Gernikako Estatutuan jasotzen diren eskumen guztiak izatea espero du Jaurlaritzak. Oraindik 25 eskumen falta dira. Transferentzia Batzordea aurreko astean biltzekoa zen baina "agenda arazoak" zirela eta atzeratu zuten.
Elgarrekin izena du Duplak egin duen aurtengo abestiak eta Senpereko lakuan grabatu zuten bideoklipa. Dantzari, guraso zein umeen artean azaldu ziren Pantxoa eta Peio ere. Bideoklipa laugarrengo saiakeran egin zen.
“Kasu, ez gitxu lo!”. Gure denbora eta manerekin baina heldu gira.
Azaroaren 25ean Baionako elgarretaratzera joan ez joan eta autoak nola partekatu pentsatzetik (joan-jina bi oren), bat-batean Lartzabalen elgarretaratze bat antolatu genuen, eta 47 emazte bildu!... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
“Bi pertsona mota daude munduan: euskaldunak, batetik, eta euskaldunak izan nahiko luketenak, bestetik”. Gaztea zela, Mary Kim Laragan-Urangak maiz entzuten omen zuen horrelako zerbait, Idahon (AEBak), hain zuzen. Ameriketan jaio, hazi, hezi eta bizi izandakoak 70... [+]
Martxoaren 8a, Emakumeen Nazioarteko Eguna, munduan zehar milioika emakumeontzat berdintasuna, eskubideak eta justizia eskatzeko borroka eguna da. Hala ere, gerrek, gatazkek eta politika militaristen hazkundeak markatutako testuinguru global batean, inoiz baino premiazkoagoa da... [+]