Tribunalaren mailukada sindikalgintzari
- Hiru sindikatua egoera larrian utzi lezake Konpetentziaren Defentsarako Euskal Auzitegiak, bere kontra zabaldutako zigor-espedientea dela-eta. Sindikatuak dio tribunala ez dela independentea, borroka sindikala zigortzea duela helburu.
Joan den urtean, petrolioaren etengabeko igoerak jasan ezinezko egoera sortu zuen garraiolarien artean –ekaineko greba gogorra izan zen horren erakusgarri–. Testuinguru horretan Hiru sindikatuak prentsaurrekoa egin zuen 2008ko urtarrilean eta bertan gomendatu zien garraiolariei zerbitzuak %5 igotzeko, lan baldintzak mantentzeko bidean. Horren ondotik ireki zuen konpetentziaren defentsarako tribunalak zigor-espedientea. Hiru sindikatua 2002an sortu zen eta 1.000 afiliatu inguru ditu, gehienak euren kamioia duten garraiolari autonomoak dira, petrolioaren gorabeherak zuzenean nozitzen dituzten langileak, alegia. Estitxu Ugarte Hiruko ordezkariak Argiari azaldu dionez, tribunalaren jardunaren atzean “sindikatuen kontrako erabaki bat” dago.
Zer motatako tribunala da hori?
Tribunala 2006an sortu zen merkatuan konpetentzia segurtatzeko eta arau-apurtzeak zigortzeko. Martxan jarri zenetik hainbat auzi abiarazi ditu, horien artean Hiru sindikatuaren kontrakoa.
Zigor-espediente horrek irudi harrigarria ekarri du: sindikatu guztiek agerraldi bateratua egin zuten joan den otsailean. Beraien esanetan, tribunala ez da independentea eta sindikalgintza zigortzea du helburu; estrategia horren barruan sartu zuten, baita ere, Jaietan Jai kanpainagatik –merkatal gune handiek jai egunetan ez irekitzeko ekimena– organo horrek hasitako ikerketa. Hierarkikoki administrazio publikotik kanpo dagoen arren, tribunaleko kideak Eusko Jaurlaritzaren Ogasun eta Industria sailetatik izendatzen dira. Estitxu Ugarteren esanetan, beraiekin izan diren alderdi zenbaitek tribunala aukeratzeko araudi hori aldatu beharra ikusi dute.
Mobilizazioak
Hasieratik mobilizazio eta protesta ekintzak egin dituzte Hiruko kideek beraien egoera salatzeko. Ajuriaenean kontzentratu ziren eta duela aste gutxi sindikatuko hainbat lagunek gose greba egin zuten gizarteko beste elkarte eta sektoreen babesa lortzeko asmoz. Bide horretan, Hiruko ordezkariek kexa formala helarazi diote Arartekoari eta aldundiekin harremanetan jarri dira dagoeneko. “Orokorrean jarrera ona izan dute –dio Ugartek–, Arabako Garraio diputatuak, adibidez, harriduraz hartu du auzia eta konpromisoa azaldu digu txostena irakurri eta beste aldundietako Garraio diputatuekin hitz egiteko”.
Errekurtsoa: gauza zaila
Konpetentziaren Defentsarako Auzitegiak sei hilabeteko epea dauka erabakia hartzeko. Bitartean, Hiru sindikatua zain dago Asetrabirekin zer gertatuko ote den. Bizkaiko garraiolari elkarte horrek bere kontra tribunalak jarritako zigorra errekurritu du Justizia Auzitegi Nagusian eta aurrekari bat izan liteke. Dena den, Ugarteren esanetan, Hiruk ez luke aukerarik izango errekurritzeko, “zigorraren adinako abala erakutsi behar dugulako eta horretarako dirurik ez dugu izango, seguruenera”. Hiruk atxikimenduak biltzen segituko du, baina ez du uste momentuz sindikatuekin mobilizazio bateraturik egingo denik.
Sindikatua itxiz gero bertako garraiolari autonomoen etorkizunaz galdetuta, Estitxu Ugarte seguru dago lan duina defendatuko duen beste “zerbait” sortu beharko dela. Beste sindikatu bat? “Agian”.
Krisi batetik bestera
Kamioilari autonomoak gehiengoa dira garraioaren sektorean. Egitura atomizatu hori 80ko krisiari aurre egiteko sortu zen, baina orain beste krisi bati aurre egiteko erabat desegoki bihurtzen ari da. Izan ere, garraiolari askok beren kamioia erosteko kreditua ordaintzen ari dira, baina merkantzia gutxiago sortzen denez, txofer asko geldirik daude edo oso merke saldu behar izaten dute garraio zerbitzua. EAEko kamioien herena –3.000 inguru– geldirik dago momentu honetan. Bestalde, Fenadismer-ek, Espainiako Garraio Elkarteen Federazioak, emandako datuen arabera, 2008ko bigarren erdian 537 garraio enpresek ateak itxi zituzten EAEn eta Nafarroan.
Badirudi garraioaren sektorea berregituratze bortitz baten atarian dela. Azkeneko urteetan errepidezko garraioaren eskaria izugarri handitu da, baina krisiarekin batera maldan behera doa orain. Elkarte eta sindikatuak enpresentzako finantzazio bideak bilatzen ari dira egoerari aurre egiteko, eta administrazioei neurriak eskatu dizkiete autonomoei laguntzeko.
Satorralaiak plataformak eman du gainkostuaren berri, informazioa Jaurlaritzari eskatutako txosten batetik aterata. Donostiako metroaren Mirakontxa-Easo zatiaren lanak 53 milioi eurotan esleitu ziren, eta egungo aurrekontua 139,4 milioi eurokoa da. Donostiako metro-pasantearen... [+]
Miopia gero eta gehiago eta gero eta lehenago ari da garatzen, eta horren arriskua da dioptriak gehitzen joatea eta helduaroan begiari lotutako hainbat gaitz izateko aukerak dezente handitzea. “Eguzki-argia jasotzea inportantea da, eta denbora asko ez igarotzea oso gertu... [+]
Martxoaren 8an kalera ateratzera deitu ditu herritarrak mugimendu feministak, "desberdinkeriek bere horretan" dirautelako. Zapalkuntza mekanismo berriak agertu direla salatu dute, eta feminismoa "ezkerreko borroken erdigunera" eramateko beharra... [+]
Martxoaren 3ko Memoriala hornitzeko erabiliko dira bildutako objektuak. Ekimena ahalik eta jende gehienarengana iristeko asmoz, jardunaldiak antolatuko ditu Martxoak 3 elkarteak Gasteizko auzoetan.
Une delikatua igarotzen ari den zure lagun minak Taylor Swiften kontzertura joatea proposatu dizu, baina kide zaren elkarte ekologistak elkarretaratzea deitu du, abeslariak sortuko duen kutsadura salatzeko; nora joango zara? Dilema etiko horri erantzun diote gazteek, baita... [+]
Otsailaren 24tik eta martxoaren 1era bitartean, astebetez 60 lan proiektatuko dituzte Punto de Vista zinema dokumentalaren jaialdian. Hamar film luze eta zazpi labur lehiatuko dira Sail Ofizialean; tartean mundu mailako lau estreinaldi eta Maddi Barber eta Marina Lameiro... [+]
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
Larunbatean egindako prentsaurrekoan adierazi dute manifestazioa ekainak 14an Donostian egingo dutela. 130 kolektibo, alderdi politiko eta sindikatu batu zaizkie eta "atxikimendu kanpaina oraindik zabalik dagoela" gogorarazi dute.
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Neska adingabeari sexu abusuak era jarraituan egin zizkiola frogatutzat jo du Bizkaiko Lurralde Auzitegiak.
1989tik 2014ra, Frantzia mendebaldeko hainbat ospitaletan egindako erasoengatik epaituko dute. 74 urte ditu Joel Le Scouarnec zirujau ohiak, eta espetxean dago beste lau sexu eraso kasurengatik.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.
Azken asteetan François Bayrou Frantziako lehen ministroaren harira ezaguna egin bada ere, aspalditik dira albiste Betharram eskola katolikoko apaizen gehiegikeriak. Lau urtez barnetegian ikasle izan zen Paxkal Indo lapurtarrarak Euskal Irratiaki adierazi eta ARGIAk... [+]
Greenpeaceko kideak Dakota Acces oliobidearen aurka protesta egiteagatik auzipetu dituzte eta astelehenean aztertu du salaketa Dakotako auzitegiak. AEBko Greenpeacek gaiaren inguruan jasango duen bigarren epaiketa izango da, lehenengo kasua epaile federal batek bota zuen atzera... [+]
Otsailaren 17an Txinako Alderdi Komunistaren arduradun gorenak bildu ziren bertako enpresa pribatu handienen zuzendari nagusiekin. Ez da ohikoa aldi eta areto berberean Huawei, BYD, New Hope, Tencent, SWSC, Yushu, Xiaomi edo DeepSeek bezalako konpainien nagusi gorenak bilduta... [+]