Goirizelaiaren ordua

Xabier Etxaniz Erle
Alex Larretxi
Abendu hasieran EHUko hauteskundeak irabazi ondoren ikasketa plan berriak martxan jartzeko prozesuan erabat murgildurik dago errektore taldea. Bologna prozesuaren barruan –titulazioek Europa mailan balio izatea eta irakas-gunea ikasleengan finkatzea, ikasketa prozesuan alegia, eta ez irakasleengan–, edo horrekin batera etorri zaigu ikasketa planak aldatzeko unea.
 
Zalantzarik gabe oraintxe bizi dugu prozesu horretako unerik garrantzitsuenetariko bat; martxan jarriko diren –eta ken daitezkeen– titulazioak erabaki behar dira, eta horrekin batera titulazio horiek nola gauzatuko diren. Bi erabaki dira, beraz, une honetan –datozen bizpahiru hilabeteetan– hartu beharrekoak, eta horien arabera Bolognako prozesu hori onuragarria edo kaltegarria izan daiteke gure gizartearentzat.
 
Araba aldean eztabaida piztu duen lehen kontua Letren fakultatean sorrarazi den giro gaiztoa izan da; antza zenbait filologia kolokan daude ikasle kopuru txikia dela eta. Negoziazio prozesu batean sartu beharko dira filologietakoak –eta beste zenbait titulaziotakoak EHUn–, errektore taldea eta Jaurlaritzakoak. Irtenbide ugari egon daitezke, titulazioak –berez duten balioagatik– mantendu ikasle gutxirekin, kurtso komun batzuk ezarri lehen urteetan ikasle talde handiagoak sortuz... Arazoa serioa izanda ere ez da ni gehien kezkatzen nauena. Askoz larriagoa iruditzen zait erreforma honen inguruan azterketa orokorrik ez ikustea, irakasteko modua aldatu behar bada zer nolako eragina izango duen horrek ikastaldeetan. Ez al da irakaslerik soberan titulazio batzuetan eta beste batzuen beharra besteetan? Zertarako balio izan du azken urteotan unibertsitateko irakasleok jaso izan dugun formazioak? Zertarako prestatu gara irakasteko eta ebaluatzeko era aldatzeko?
 
Gestioan urteetako esperientziaren ondoren, eta prozesu hau hobetzeko aukera bezala ikusi ondoren, une honetan EHUko zuzendaritza taldeak erabaki argiak hartu behar dituela uste dut. Eta ez titulazioek Europa mailan balio izateko –hori legeak ezarri baitu–, irakaskuntzaren kalitatea hobetzeko baizik. Une honetan irizpide ekonomikoa garrantzitsua izanik ere, ez da bakarra. Ala norbaitek uste du ikasleen formazioa pertsonalizatu samarra egin daitekeela 80 ikasletako taldeetan?
 
Une erabakigarrian gaude. Bidegurutze egokia hartuko al du abiadura bizian Goirizelaiak gidatzen duen kotxeak?

Azkenak
“Errebeldia hazi egin da Argentinan, herri oso bat bultzaka ari da”

Argentinako Abokatuen Gremioa erakundean egiten du lan Laura Taffetanik (Buenos Aires, Argentina, 1963). Gobernuaren errepresioa pairatu duten maputxe ugarirekin lan egin du azken urteetan, eta Askapena antolakundeak antolatutako topaketa antiinperialisten barnean izan da Euskal... [+]


Ertzaintzak Etxarri II gaztetxea hustu du Bilboko Errekalde auzoan

Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.


2025-04-04 | ARGIA
Langile bat hil da Agoitzen obra batetik jausita

Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.


2025-04-04 | ARGIA
Euskaraldia Hika-rako 83 herrik eman dute izena

Aurtengo berritasuna da. Ahobizi eta belarriprest rolen artean aukeratzeaz gain, herritarrek Euskaraldia Hikan parte hartzeko aukera izango dute. Hitanoa erabiltzen ez den herrietan, toka eta noka, bien erabilera bultzatuko da, eta hitanoa bizirik dagoen herrietan nokaren... [+]


Interview. Urez eta hondarrez
Lurra zapaltzeko moduak

Interview. Urez eta hondarrez
Egileak: Telmo Irureta eta Mireia Gabilondo.
Aktoreak: Telmo Irureta eta Dorleta Urretabizkaia.
Zuzendaria: Mireia Gabilondo.
Konpainia: Tentazioa.
Noiz: apirilaren 2an.
Non: Victoria Eugenia Klub Aretoan,... [+]


2025-04-04 | Sustatu
Kneecap filma, orain euskarazko azpitituluekin

Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]


Haur filosofiari buruzko podcasta igandean estreinatuko du ARGIAk: ‘Galdera Basatiak’, Iñigo Martinezek gidatuta

Galdera batzuen aurrean, behin eta berriz helduok ume sentitzen garela dio Iñigo Martinezek, “bizitza zulo existentzialez beterik” dagoelako. Galderaz galdera "behin-behineko erantzunen bila" aritzeko asmoa du irakasle eta filosofoak. ARGIA... [+]


2025-04-04 | Euskal Irratiak
Beñat Molimos: “Herritarren babesari esker du Laborantza Ganbarak iraun hogei urte hauetan”

Euskal Herriko Laborantza Ganberak hogei urte bete ditu. 2005ean sorturik, bataila anitzetatik pasa da Ainiza-Monjoloseko erakundea. Epaiketak, sustengu kanpainak edota Lurramaren sortzea, gorabehera ainitz izan ditu hogei urtez.


Itsasadarreko tunelaren obretarako leherketak legeztatzearen aurka mobilizatuko da ostiral honetan ‘Subflubiala Ez!’

Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.


Kutsadura maila handi eta arriskutsuak behatu dira Zubietako erraustegiaren inguruetan

Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.


Instituzioek preso atzerritarren birgizarteratzea oztopatzen dutela salatu du Salhaketa Nafarroak

Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.


Netanyahuri babesa erakutsi eta Nazioarteko Zigor Auzitegiko kide izateari utziko dio Hungariak

Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]


Eguneraketa berriak daude