Biharamuna
Neure barnean, ordea, kontua bestelakoa da. Hor biltzen dira, ordenarik gabe bildu ere, poliziak, arbitroak, agitadoreak, lausengariak eta auskalo zenbat presentzia gehiago. Zuek ere bai, Juanjo eta Eider. Eta baita txoko honetako balizko irakurleak ere. Zaila da beraz nire benetako ahotsa entzutea hainbeste garrasi, iruzkin, aurreiritzi eta adierazpenen artean, zaila da jakitea nola idatziko nukeen barruan inor izango ez banu, inor kontuan hartuko ez banu. Eta zure lagunak bezala, Eider, ezingo dut inoiz jakin.
Argi daukat, ahots-anabasa nire inseguritatearen emaitza baino ez dela. Nire pentsamenduaren ahulaz ohartzen naizela eta horrek kolokan jartzen dituela nire adierazpen publiko oro. (Horra hor froga: nitasunaren gorazarre egin nuen orain dela aste batzuk, eta orain, nitasunaren gaineko deskontua ezarri eta besteen eraginaz ari naiz leku berean, lotsarik gabe). Zuei ez zaizue gertatzen, ala?
Egia esanda, norberaren buruarengan seguritate handia behar da ETAren aurka mintzatzeko beste arrazoirik ez dagoela esateko, ez bada CIAren konspirazio baten parte izatea edo ordainsari mamitsua jasotzea, edo besterik gabe, legalitatearen mugaren alde honetara gaudela frogatzeko nahia. Horregatik egiten dutenak egon badaude, argi dago, baina barneko anabasatik kontzientziaren ahots argiari jarraituz egiten duena ere egongo da, nik uste. Frogarik ez daukat, ordea.
* * *
Inseguritatearen harira, batzuetan galdetu izan diot neure buruari ez ote dudan euskara espresiobide aukeratu hain zuzen ere barruko zalaparta murrizteko, apaltzeko. Nire ama –eta aita– hizkuntza gaztelania izanda ere euskaraz idazten dut. Faktore askok hartuko zuten parte erabaki horretan, kasualitateak berak ere bere rola jokatuko zuen, baina faktore horien artean diskrezio nahi bat ere antzematen dut.
Alegia, pertsona gutxik ezagutzen duen kode batean ari naiz, beraz, idatzitakoaren oihartzuna –positiboa, baina negatiboa batez ere– hutsaren hurrengoa izango da –kuantitatiboki behintzat–. Gainera, nire hartzailearen ideia zehatza izan dezaket, nire testuinguru berean egongo da seguru asko, eta idatzitakoa testuinguru hura kontuan hartuta irakurriko du. Lasaigarria da. Barruko ahotsak asko murrizten dira horrela. Polizia erdaldunekin kezkatzeari utz diezaiokegu horrela.
Nire buruarengan konfiantza gehiago banu, agian momentu honetan nire blogeko post bat hasten ibiliko nintzateke: “Lo confieso: me he sentado a escribir bastante inquieta”. Eta gero mundu globaletik iritsitako erantzunen zain geldituko nintzateke. Baina kasu honetan ere, ez dago jakiteko modurik. Bizitza paraleloak imajinatu besterik ezin ditugu egin. Bizi, honako hau bizi behar dugu.
* * *
Aitor dut, beste behin: ez nago eroso gaur. Hauteskundeen biharamunean eseri naiz hau idaztera, jakinda ezin dudala hauteskundeei buruz ezer idatzi: gaurko hausnarketak zaharrak izango dira letra hauek zuengana iristen direnerako. Eta gaurkotasunik galtzen ez duten kontuetarako ez daukat gorputzik, zer nahi duzue. Horregatik jo dut euskararen gaira. Gure artean, gai aseptikoa eta guztiok batzeko modukoa. Ez nago eroso gaur eta kariño apur bat eskertuko nuke.
Gizakunde (Inauteriak)
Noiz: otsailaren 15ean.
Non: Arizkun eta Erratzun. plazan.
------------------------------------------------
Amaitu dira inauteriak, sutan erre ditugu gaiztoak, gaizkiak, sardinak eta panpinak. Baina xomorroak esnatu dira eta badator... [+]
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Soco Lizarraga mediku eta Nafarroako Duintasunez Hiltzeko Eskubidea elkarteko kidearen ustez bizi testamentuak heriotza duin bat eskaini eta familiari gauzak errazten dizkio.
Bilbo Hari Gorria dinamikarekin ekarriko ditu gurera azken 150 urteetako Bilboko efemerideak Etxebarrieta Memoria Elkarteak. Iker Egiraun kideak xehetasunak eskaini dizkigu.
Laudion, Aiaran eta Okondon izango du eragina energia azpiegiturak eta plataformaren aburuz, proiektuak eta ingurumen-inpaktuaren azterketak gabezia garrantzitsuak dituzte.
"Entseatzen gira arnas gune bat sortzen Donibane Lohizunen, hain turistikoa den herri honetan". 250 kiderekin Donibane Lohizuneko Begiraleak kultur elkarteak 90 urte bete ditu aurten. Lau emaztek sortu zuten talde hauetan eramaile izan zen Madeleine de Jauregiberri... [+]
Karmela espazio autogestionastuan egingo ditu, eta Euskal Herriko zein nazioarteko gonbidatuak egongo dira bertan. "Koiuntura analisi orokorretik abiatu eta Euskal Herriko borroka internazionalistaren gakoetarainoko bidea" egingo dutela adierazi du Askapenak... [+]
33/2013 Foru Legeari Xedapen gehigarri bat gehitu zaio datozen aldaketak gauzatu ahal izateko, eta horren bidez ahalbidetzen da “erregimen frankistaren garaipenaren gorespenezkoak gertatzen diren zati sinbolikoak erretiratzea eta kupularen barnealdeko margolanak... [+]
2025 amaitu baino lehen Gernikako Estatutuan jasotzen diren eskumen guztiak izatea espero du Jaurlaritzak. Oraindik 25 eskumen falta dira. Transferentzia Batzordea aurreko astean biltzekoa zen baina "agenda arazoak" zirela eta atzeratu zuten.
Elgarrekin izena du Duplak egin duen aurtengo abestiak eta Senpereko lakuan grabatu zuten bideoklipa. Dantzari, guraso zein umeen artean azaldu ziren Pantxoa eta Peio ere. Bideoklipa laugarrengo saiakeran egin zen.
“Kasu, ez gitxu lo!”. Gure denbora eta manerekin baina heldu gira.
Azaroaren 25ean Baionako elgarretaratzera joan ez joan eta autoak nola partekatu pentsatzetik (joan-jina bi oren), bat-batean Lartzabalen elgarretaratze bat antolatu genuen, eta 47 emazte bildu!... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
“Bi pertsona mota daude munduan: euskaldunak, batetik, eta euskaldunak izan nahiko luketenak, bestetik”. Gaztea zela, Mary Kim Laragan-Urangak maiz entzuten omen zuen horrelako zerbait, Idahon (AEBak), hain zuzen. Ameriketan jaio, hazi, hezi eta bizi izandakoak 70... [+]
Martxoaren 8a, Emakumeen Nazioarteko Eguna, munduan zehar milioika emakumeontzat berdintasuna, eskubideak eta justizia eskatzeko borroka eguna da. Hala ere, gerrek, gatazkek eta politika militaristen hazkundeak markatutako testuinguru global batean, inoiz baino premiazkoagoa da... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]