Musika? Hutsa, mesedez
- Lotsa apur bat ematen du ezezagun batzuen aldamenean jesarri eta beste barik, disko bat entzuten hasteak. Beharbada ezohikoa delako; zinearekin gauza bera egiteko eskarmentua dugu, baina musikarekin... Eskerrak kafea ematen duten, bestela, zertan erabili eskuak?
Musika entzuteko eta musikaz hitz egiteko tartea, horixe besterik ez da Kafea eta galletak. Zine-klubak bezala, baina disko batekin. Asmoa aspalditik zebilkien gogoan, eta akaso, tabernetako barra ondoan zeudela, hizpide bihurtzen zitzaien maiz, baina iaz arte ez zuten gauzatzeko adorerik batu. AMM (Auskal Muturreko Musika) jardunaldietan egindako eztabaida bat izan zen behar zuten txinparta. “Behin, kontzertu batean, musikari esperimental batek play botoia sakatu eta eszenatokitik ospa egin zuen”, dio Lopezek, “eta horretaz egin genuen eztabaida: ea hori kontzertua zen ala ez”. Hark pentsarazi egin zien, eta aspaldiko asmoak indar berriz itzuli ziren. “Zuzenekoa gustuko dugu, baina kontzertuetan, askotan, musika ez diren beste gauza batzuengana joaten da arreta”. Ikuskizunak entzunkizunak baino garrantzi handiagoa hartzen duela, alegia. Protagonismo guztia musikari emango zion zerbait antolatu beharra zegoen.
Gernikako Gaztetxean gela egokia atondu zuten, eta aurrera. Kontua erraza da: hileroko lehenengo zapatuan elkartu, arratsaldeko bostetan. Ordu horri dagokion legez, kafea banatu eta aukeratutako diskoa ipini. Galletak ere badaude noski: jatekoak batetik, diskoa bera bestetik. Eta entzun ondoren, hartaz hitz egitea tokatzen da. Leirek lasaitu egin gaitu: ez da sona handiko aditua izan behar, ezta sona txikikoa ere.
Hau argitaratu orduko hirugarren sesioa egitear egon behar lukete, ondo bidean. Lehenbizikoak, azaroaren 1ean, hamasei entzule bildu zituen, hasieran lotsatu samar, kroniken arabera. “Ez dut uste disko bat entzutera askoz jende gehiago etorriko denik –iritzi dio Lopezek–, hau nahiko freaky da”. Ezohikoa, baina ez guztiz berria: 70eko eta 80ko hamarkadetan halakoak egiten omen ziren.
Lehen emanaldirako hautatu zuten diskoa ez da askoz geroagokoa: Slint taldearen Spiderland (1991). Post-rock. Entzuleetako asko umeak ziren artean. Hala ere, ohartarazi dute, Kafea eta galletak ez da iragan-mina gozatzeko ariketa izango. Estilo eta garai guztiak onartuko dituzte, baldintza bakar batekin: diskoek bost urte izan behar dute gutxienez, “denboraren higadura gainditu duten seinale”, Lopezek dixit. Emanaldi bakoitzean pertsona edo talde batek proposatzen du zer disko entzun. Ordainean, haren gaineko testu laburra idazteko eskatzen zaio, joaten direnei banatzeko. Ez dadila inor biluzik joan entzunaldira.
Hasierako planteamendua sano bakuna zela esan dugu, baina bigarren sesioa egin orduko –Neil Young-en Tonight´s the night entzun zuten– urrats bat harago eginda zeuden. Estreinakoan, estreinakoa izateagatik, kontzertua antolatu zuten Xabier Montoiarekin; hain izan zen arrakastatsua, entzunaldi guztien ostean egitea erabaki baitzuten. Eta gainera, kontzertuak nolabaiteko lotura eduki behar du aurrez entzundako diskoarekin. Hori zelan lortuko duten hilabeterik hilabete jakingo da. Bertara joatea onena. Argibide gehiago nahi duenak, bila dezala hemen: www.blogari.net/kafea.
Aitor Esteban izango da EAJko EBBko hurrengo lehendakaria eta jeltzaleek salduko dute horrela, zuzendaritza berrituta, buruzagitza berria prest dagoela alderdiaren berrikuntza prozesuarekin jarraitzeko.
Donostiako Udalak 2024ko irailean helegitea jarri zuen, urte bereko urtarrilean epaileek bi udaltzainen B2 hizkuntza eskakizuna baliogabetu zutelako. EAEko Auzitegi Nagusiak helegitea ez du tramitera ere bideratuko, “kasaziorako interes objektiborik” ez dagoelako... [+]
Gasteizko EHUko Farmazia Fakultateko irakasle batek sare sozialetan “mezu faxistak” zabaltzen dituela salatu du Ikama ikasle taldeak. Joan den irailean, EHUk Leioako Campuseko irakasle bat kanporatu zuen sare sozialetan zabaltzen zituen mezuengatik.
Belako, Chill Mafia, Eñaut Elorrieta, Fermin Muguruza, Ibil Bedi, J Martina, ØDEI, Olaia Inziarte, Nøgen eta Tatxers daude sinatzaileen artean. 237 musikariren zerrenda argitaratu dute.
Itzal(iko) bagina
Taldea: Lokatz Loreak.
Aktoreak: Araitz Katarain, Janire Arrizabalaga eta Izaro Bilbao.
Zuzendaria: Iraitz Lizarraga.
Noiz: otsailaren 2an.
Non: Usurbilgo Sutegi aretoan.
Eraso faxistak, xenofoboak edo homofoboak gero eta ugariagoak dira Euskal Herrian ere, eta kezka barreiatu da han-hemenka. Behe Bidasoa da eraso horiek pairatzen dituen eremuetakoa, eta hor, zehazki, eraso edota ekintza gehienak Devenir Europeo (Europaren bilakaera) izeneko... [+]
Donostiako eta Gipuzkoako beste udalerrietako irudiak ikus daitezke unibertsitatearen webgunean.
Komunikabideko hainbat langile eta bazkide bertaratu ziren duela astebete Amurrioko Udaleko plenora, dirulaguntza bigarren urtez ezabatu dela salatzeko. Txerra Molinuevo alkateak ez zuen inolako erantzunik eman.
PSN, EH Bildu eta Geroa Bai talde parlamentarien sinadurarekin aurkeztu da gaur eta onartua izateko babesa izango du.
Iruñerriko IAk azaldu duenez, irakasle horrek ikasleak sexualizatu eta bortxaketak justifikatu zituen. Aurreko ostiralean eserialdi bat egin zuten eta sinadura bilketa bat izan dute martxan, irakaslea botatzeko.
Lauzpabost pertsonak osatutako talde batek jo egin zituzten baita irain homofoboak egin ere.
Le Tampographe Sardon enpresak salgai ezarria du 24 laidoko zigilu-kutxa. Sarean eskuragarri da. Ximun Fuchs aktoreak du hautaketa lana egin, irainak "lan tresna" baitira beretzat.
Aktibisten ezinegonak bildu, eta horiek kolektiboki lantzeko gida bat sortu dute zenbait aktibistek. Besteak beste, estresa, beldurra, frustrazioa eta nekea landu dituzte.