Arrantzalea nuen senarra
I
Urriak hogei, ilunabarrez
gaua jantzi zen ilun nabarrez
itsas zabala kanposantu lez
ta Mutriku luto beltzez (bis)
“Gazte alaiak” izenez
arrantzontzia indarrez
itsasoratu zen goizez
baina enbatak irentsi zuen
gerora halabeharrez...
Itsasontzia aurkitu zuten
baina nire senarra ez. (bis)
II
Muxu suhar bat kaian barrena,
irri bat ahalik ta zabalena,
“bidaia on ta zorte on, maite”
zen esan nion azkena. (bis)
Orduko oroitzapena
ta oraingo etsipena...
Amildegia da dena.
Aspaldi galdu dut bizipoza,
aspaldi itxaropena
betiko agur bihurtu baita
ustez gero arte zena. (bis)
III
Zenbat helburu eta promesa,
langintza gogor eta nekeza.
Ilusio ta amets gozoen
urkatzaile da ur geza. (bis)
Itsasontziaren ertza
suntsitzeko interesa
mendekatu ahal baneza...
Biak batera zapuztu ditu
(samurra denik ez pentsa):
ametsetako itsas zabala
ta itsasoko ametsa. (bis)
IV
Arrantzalea nuen senarra
langile fina ta goiztiarra,
familiaren ongizatea
zuena amets bakarra. (bis)
Itsasoaren indarra
hango bitsa ta aparra...
Orain dena zoritxarra!
Zein gogorra zen begietatik
ezin sahietsiz nigarra
berriz ez zela porturatuko
umeei esan beharra. (bis)
V
Iraganaren min ta destaina!
Alargun gaude ni ta oraina.
Dena eskaini zigunak dena
kendu zigun, alajaina! (bis)
Olatutzarren tamaina
bera irensteko aina
izan zen behin, alabaina
oskarbi bada maiz zeruaren
ispilu da itsas gaina:
Han dagoela iruditzen zait
ez dut sinistu nahi baina. (bis)
VI
Noiz itzuliko digun aiduru,
itsas zabala begiz jo dugu
baina olatuak dira erantzun;
Joakin beretzat hartu du. (bis)
Nahiz ta egunak ilundu,
portutik ezin urrundu,
min sarkor hau nork leundu?
Joakin maitea, nahiz desagertu
orain bi aste inguru,
azalduko den itxaropenak
biziarazten gaitu gu. (bis)
Doinua: Itsaso hori dago zatarra / Naufragoarena.
Goierriko Bertso Eskolak Ordiziako Udalarekin batera antolatutako XVII. Lazkao Txiki Sariko bertso sorta irabazlea.
Munduko gizon aberatsenetakoa den Elon Muskek bultzatzen du America Pac ekimen politikorako batzordea, The Guardian-ek jakinarazi duen arabera. Bere zeregina da AEBetako hainbat estatu giltzarritan Donald Trump-entzat botoak biltzea.
Israelek jarraitzen du Libanoko hegoaldeari eta Beiruteko hainbat auzori airez eraso egiten eta, nazioarteko eragileen deiak gero eta handiagoak badira ere, oraingoz ez da su-etenerako aukerarik ikusten.
Palestinako Agintaritzaren segurtasun-indarrek rol aktiboa dute erresistentziako kideen kontra: jazarpena, lapurretak, boikotak eta abar aipatu dituzte, beste behin ere.
Nottinghameko Unibertsitateak Anglosaxoiei eta Vikingoei buruzko Ikasketak masterrari izena aldatu dio: Ingalaterrako Goi Erdi Aroko Ikasketak. Cambridgeko Unibertsitateko Anglo-Saxon England Journal aldizkariari ere izen aldatu zioten lehenago: Early Medieval England Journal... [+]
New York, 1970eko apirilaren 2a. New York Herald egunkariak Victoria Woodhull (1838-1927) ekintzaile eta brokerraren eskutitz bat argitaratu zuen, 1872ko AEBetako presidente hauteskundeetarako hautagaitzaren berri emanez. Inoizko hautagai gazteena zen; 34 urte izango zituen... [+]
Datorren urtarrilaren 11n Bilbon Sare Herritarrak deitutako mobilizazioaren leloa “Behin betiko konponbidea” izanen da, eta urtero bezala milaka lagunen babesa espero du Sarek.
Euskalgintzaren Kontseiluak Zaintza eta euskara. Sareak eraikitzen jardunaldiak egin ditu irailaren 26an, Donostian. Idurre Eskisabelek, Kontseiluaren idazkari nagusiak, lehen hitzaldian adierazi du “urgentziazkoa” dela gaiari heltzea. Jardunaldien helburua ez da... [+]
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Egun osoko egitarauarekin elkartuko dira, eta Euskal Herria feministaranzko bidean, nondik, nora eta nola trantsitatu nahi duten zehazten jarraitzeko konpromisoa berretsi nahi dute.
Antena3 telebista kate espainiarreko Espejo Público saioak erreportaje sentsazionalista bat eman zuen asteazkenean, Donostiako ustezko segurtasun faltaren inguruan eta fokua gazte magrebtarretan jarriz. Erreportajea publikoki salatu du Kaleko Afari Solidarioak (KAS)... [+]
