"Okerrena da ezin izango ditugula inoiz Nirvana, Johnny Cash, The Clash... ekarri"
Jaialdi nagusi guztietan egon behar izan duzu, baina ez dakit talderen bat ganoraz ikustera ailegatu ote zaren...
Ba egia esan, ez. Ganoraz ez. Gehienez, talderen baten lauzpabost abesti ikusi nituen.
R.E.M. entzuten gantzontziloak eta guzti busti zitzaizkidan, ez al naiz zaharregia?
Nik ere blai-blai eginda bukatu nuen, beraz ez dut uste adin kontua denik. Edozein modutan, hurrengo urteko jaialdietara begira gantzontzilo inpermeableak jarriko ditugu salgai, zaude lasai…
Lehen Basauritik gidatzen zenuen Bidebieta Irrati musikala Bizkairako, euskaraz eta espainolez. Orain Bi Fm irratia du izena eta Internet bitartez emititzen duzue planeta osorako. Nork irabazi du aldaketarekin?
Guk buruko min galanta irabazi dugu.
Police hirukoteak milioi eta erdi euro kobratu du ordu eta erdi exkax jotzeagatik. Polizia ez da ergela...
Ez da ergela, ez… Ez dakit nik zifra horiek erabat zuzenak diren; edozein modutan ere, esan dezakegu irabazi zuten dirutik ezer gutxi inbertitu zutela eszenatokiko muntaian, pantailatxo triste bat bera ere ez baitzuten ekarri. Baina kontzertu ederra eman zuten, hori bai.
Txaskarrillo bakarra eskatuko dizut artista handiei buruz. Esadazu nor den dirudien baino jatorragoa eta alderantziz, nor dirudien baino zakarragoa...
Michael Stipe oso ondo portatu zen gurekin, Ben Harper ere bai, Juliette Lewis, John Cale, Brant Bjork… Alderantzizko adibiderik ez dizut esango. Esango banizu, hurrengo urtean berarekin berriz lan egitea tokatuko litzaidakeelako seguru!
Hemengo irratigintzari agresibitatea falta zaiola esan izan duzu. Bidebieta Irrati musikala ez zen uhinetatik eroriko agresiboegiak zinetelako?
Ez da uhinetatik erori. FMko 92.9an emititzen jarraitzen du Bizkaia osorako, eta Bi fm Bidebieta Irratiaren atal musikala besterik ez da. Edozein modutan ere, inoiz hori esan badut, ez dut uste gu ez-agresiboen zaku horretatik kanpo gaudenik… Batzuetan nahiko “mojak” garela esango nuke. Beste irratiek egiten gaituzte berezi, programazioa identikoa baitute, baina ez dut uste Ingalaterran edo AEBetan hain bereziak izango ginatekeenik.
Garbi dago jaialdi erraldoiak behin eta berriro betetzen dituzten bakarrak heavyak direla.
Ba bai, musika ikaragarri maite duen jendea da, urte osoan kontzertu askotara doana. Guk eurekin izan dugun esperientzia oso positiboa izan da, baina Last Tour-ek merkatu eta musika tankera asko ukitzen ditu, ez bakarrik heavya.
Gustuko artista bat, orain arte lortu ez duzuena...
Neil Young, Bob Dylan, Tom Waits, Depeche Mode, AC/DC, The Cure… Okerrena ez da hori, horiek oraindik ekarri ditzakegulako. Okerrena da ezin izango ditugula inoiz Nirvana, Johnny Cash, The Clash… ekarri. Eta horrek ez daukala erremediorik!
Horrela adierazi du Mikel Jauregi Industria, Trantsizio Energetiko eta Jasangarritasun sailburuak.
Energiaren Nazioarteko Agentziak (IEA) astelehenean argitaratutako txostenaren arabera, %2,2 igo da energia eskaria 2024an aurreko urtearekin alderatuta, besteak beste, egiturazko arrazoi hauengatik: beroari aurre egiteko argindar gehiago erabili beharra, industriaren kontsumoa... [+]
Espainiako hedabideetan aurkitu dugu albistea, salaketa egin dutela Fotocasa eta Idealista etxebizitza-atarien kontra, prezioak manipulatzen dituztelakoan. Salaketan ez dugu manipulazioaren deskribapen zehatzik aurkitu, baina Ameriketako Estatu Batuetan agertu den salaketa... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Ekrem Imamoglu Erdoganekein lehiatzekoa da hurrengo presidentetzarako bozetan, CHP Herriaren Alderdi Errepublikanoa alderdiaren hautagaitzara aurkeztu den bakarra baita. Ustelkeria eta "terroristekin kolaboratzea" egotzi diote, eta bere atxiloketaren ostean piztutako... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Deportazioaren Memoriarako Euskal Koordinakundeak aintzat hartu nahi ditu Hego Euskal Herrian jaio eta bizi ziren, eta 1940tik 1945era Bigarren Mundu Gerra zela eta deportazioa pairatu zuten herritarrak. Anton Gandarias Lekuona izango da haren lehendakaria, 1945ean naziek... [+]
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Hitlerren armadak milioika sobietarren heriotza ekarri zuen Bigarren Mundu Gerran Sobiet Batasuna inbaditu zuenean. Gerra amaituta, Iosif Stalinen obsesioa zen Alemania eta Errusia artean babes herrialde-lerro bat osatzea; horra, besteak beste, Varsoviako Itunaren sorrera... [+]
EAEn BAMEa (famili medikuen formazioa) lau urtetik hiru urtetara jaistea eskatu du Jaurlaritzak. Osakidetzaren "larritasunaren" erantzukizuna Ministerioari bota dio Jaurlaritzako Osasun sailburu Alberto Martinezek: "Ez digute egiten uzten, eta haiek ez dute ezer... [+]
Kolpismoaren lehen ikasgaiak errepasatu gabe, abenduaren 3an Hego Koreako Yoon presidenteak jo nahi izan zuen estatu-autokolpeak sututako krisi politiko erraldoia kitatzeko asko geratzen da oraindik. Baina haren porrotak abian jarritako impeachment prozedura amaitzear da.
Euskaraldiaren hamaikakoa aurkeztu dute Nafarroan: Julio Soto bertsolaria, Edurne Pena aktorea, Julen Goldarazena musikaria (Flakofonki), Claudia Rodriguez Goxuan Saltsan taldeko abeslaria, Eneko Garcia (Albina Stardust), Yasmine Khris Maansri itzultzaile eta kazetaria,... [+]