Ez dirudi pertsonaia hau haserre dagoenik...
Elkarrizketetako bunbuiloetan hitzak behar bezala kokatzeko, testuaren eta marrazkiaren arteko orekari eusteko, pertsonaien keinuak sinesgarri egiteko, onomatopeiekin gustuko efektua lortzeko eta lerro zinetikoak –irudiei mugimendua gehitzen dioten lerroak– zuzen erabiltzeko trikimailuak jaso ditu Mauro Entrialgo komikigile gasteiztarrak Komikiaren oinarrizko gida. Zure istorioak hobetzeko trikimailuak eta aholkuak eskuliburuan. Euskaraz, gaztelaniaz eta ingelesez argitaratu du Krea kultur zentroak, eta sortzaile hasiberriei zuzendurik dago bereziki. Dena den, Entrialgok dioenez, edonork ikas dezake zerbait gida horrekin, edo, gutxienez, bi minutuz dibertitzeko balio diezaioke.
Aholku gutxi bildu ditu Entrialgok. Oso praktikoak dira, ordea. “Ibilian ikas daitezkeen plano motak, elipsiak eta beste tentelkeria batzuk ez ditut aipatu. Askoz ere garrantzitsuagoa da, adibidez, hitzak bunbuiloetan zuzen sartzeko zer egin behar den jakitea”, adierazi digu komikigileak.
Teknika kontrolatu ala ez, komikiak marrazteko aitzakia handirik ez dela behar uste du Entrialgok: “Komikiekin asmatutako gauzak konta daitezke, baina ez hori bakarrik. Zuri gertatutako zerbait (jolas parke batera egindako bisita, mendi ibilaldian ikusitakoak...) edo egiten dakizun zerbait (postre baten errezeta...) ere deskriba daitezke, adibidez”. Eta gauzak kontatu, kontatzen dira. Baina ez omen gara horretaz jabetzen, komikiak ihesbide soila direla uste dugulako. “Hori ez da egia. Hizkuntz eskoletan komikiak erabiltzen dira, egunkarietako infografiek komikien ohiko baliabideak erabiltzen dituzte, umore grafikoa komikiaren adar bat da, sekta batzuek komiki bidez erakartzen dituzte jarraitzaileak...”.
Komikien presentzia uste baino handiagoa da, baina irakurle gutxi dituzte. Zergatik? Entrialgo saiatu da gure galderari erantzuten: “Hasteko, kontuan izan behar da liburu eta komikirik irakurtzen ez duen, antzerkira ez doan eta mastekatuta ez datorkion ezer –telebista kasu– interesatzen ez zaion jende mordoa dagoela. Ameba hauek albo batera utzita, liburuak irakurtzen dituzten lagunek batez ere ezjakintasunagatik ez diete komikiei kosk egiten. Pertsona horiei, komikiaren mundura hurbildu nahi izanez gero, adiskide baten edo gidaliburu on baten aholkuei jarraitzea gomendatuko nieke. Komiki denda batera sartu eta zerbait halabeharrez erostea absurdoa da. Inoiz filmik ikusi ez duen pertsona batek, haren harribitxiak ezagutzeko kalean topatzen duen lehenengo zinema aretora sartu eta amerikanada bat ikustea bezala litzateke”.
- Idatzi hitzak bunbuiloak marraztu aurretik.
- Sentimendu bat nola marraztu ez dakizunean, jar zaitez ispiluaren aurrean eta aztertu zure begi, bekain eta ahoak eratzen dituzten lerroak.
- Beste komiki batzuetan ikusitako eta asmatutako onomatopeiak erabili, istorioari emozioa eta umorea gehitzeko.
- Lerro zinetikoek istorioak dinamikoagoak bihurtzen dituzte.
- Zerbait marrazki batekin azaldu badugu, testuan ez dago berriro kontatu beharrik, errepikakorra eta aspergarria litzatekeelako.
Lehen itzulitik bigarrenera, auzapezgotzara jauzi egin zuen Ramuntxo Labat-Aramendi abertzalearen zerrendak. Erdiespena "xinaurri lanari esker" egin zela uste du Labat-Aramendik. Ahetzen zerrendak bozen %44,39 lortu zuen urtarrilaren 12an eginiko behin betiko bozketan... [+]
Modu horretan, euskara eta euskal kultura hiriaren bihotzera eraman duen proiektuari egonkortasuna eta sendotasuna emanen diote.
Ehundaka langile elkartu ostegunean Bilbon egin den giza katean “Lan baldintzak hobetu, hemen eta orain erabakita” lelopean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
.jpg)
Ikasturtea hasi denetik hirugarren greba eguna izan da ostegunekoa Nafarroako Hezkuntza Publikoan eta goizeko mobilizazioen ondoren, LAB, Steilas, ELA eta CCOO –protestaren deitzaileak– pozik agertu dira. Euri jasak eta hotzak lagundu ditu etengabe irakasleak... [+]
Urtarrilaren 30 honetan abian jarri du Israelek Jerusalem ekialderako UNRWA Palestinar Iheslarientzako Laguntza eta Lan Bulegoaren debekua. Urtarrilaren 15ean adosturiko su-etenari segi, bahituen eta presoen hirugarren trukea dute ostegun honetan.
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
EAEko Auzitegi Nagusiaren epaiak ez duela "zirrikiturik utzi" dio SOS Talaimendi plataformak, eta "oraindik merezi duten legezko zehapena jaso ez duten zenbait erabaki arbitrario eta ia delituzko" geratzen direla adierazi du. Besteak beste, Zarauzko Udalak... [+]
.jpg)
Osasun Publikoaren Aldeko Herri Plataformak (OPA) manifestazioak deitu ditu otsailaren 1erako. Mobilizatzeko deia egin dute osasunaren pribatizazioari aurre egiteko, lehen arreta indartzeko, osasun arloko langileen baldintzak hobetzeko, prekaritateari aurre egiteko eta kudeaketa... [+]
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
.jpg)
EITBko Euskara Batzordeak gaitzespena adierazi du azken hilabeteetan egindako zuzendaritza postuetarako hautaketa prozesuak direla eta. Salatu dutenez, euskarazko C1 maila ez duten hiru pertsona hautatu dituzte postu garrantzitsuetarako: EITB Mediaren zuzendaritzarako, Social... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Ostegun honetako Udal Osoko Bilkuran eztabaidatu eta bozkatuko dira Amurrioko Udaleko 2025erako aurrekontuak eta, beste behin ere, Udal Gobernuak uko egin dio Aiaraldea Komunikabidearen hitzarmen eta dirulaguntza berrezartzeari.
