Aitor Zabalgogeazkoa: “Potolo egoteak errespetua irabazteko balio dit”
- Munduko tokirik arriskutsuenetara –Txetxenia, Somalia, Kolonbia edo Sudan– behin eta berriro bidaiatu zuen, harik eta txiringito-aren zuzendari nagusia izendatu zuten arte. Ez da sendagilea, logista baizik.
Bakearen Nobel Saria eman zizueten duela gutxi. Mugarik Gabeko Sendagileak osatzen duzuenok on-onak zarete ala zuen artean ere badago beti putakumeren bat?
Denetik dago, leku guztietan bezala, baina gure lana eta bizimodua ezagutu ostean putakume gehienak beste leku batzuetara joaten dira.
Nora?
Dirua irabaztera, boterea dastatzera edo bizitza normala egitera.
Logikoa al da logista bat sendagileen nagusia izatea?
Haien lana behar den bezala egin ahal izateko modu logiko bakarra da.
Invisibles filma egiteak –ahaztutako gatazkei buruzko film labur bilduma– Javier Bardem-en lagun handi bilakatu zaitu. Haren neskalagun berria ezagutzen jada?
Ez dut Pe ezagutzen. Halere biak publikoki zein maiz agertzen diren ikusita, Javierren bikotekidea Fernando Leon de Aranoa dela esango nuke. Hura bai, ondo ezagutzen dut.
Nola konponduko zenuke Osakidetzako gatazka?
LABekoa baino errazago! Ez nago jabetuta Osakidetzan gertatzen denaz, baina entzun dut LABen dimisioak eragin dituela, ezta?
Euskal Herria kolonia al da?
Bai, eta gu geu, euskaldunok, kolonoak.
Baita zu ere?
Momentu honetan Bartzelona okupatzen ari naiz.
Mundu osoan zehar bidaiatu duzu. Non da paradisua?
Kolonbiako kostaldeko Macondo antzeko edozein auzotxotan.
Zer egingo zenuke Afrikan jaio izan bazina?
Lehenik, ez nintzateke zurekin hitz egiten egongo. Bigarrenik, bertan flotadorea erosi eta patera batean ontziratu.
Afrikarentzat ez al dago itxaropenik?
Bai, baina ez datozen urteetarako.
Barkatuko didazu, baina zure figura borobilak goseak dauden ume potoloena dakarkit gogora...
Leku gehienetan errespetua irabazteko balio izaten didan armarik onena da. Ni potolo ikusita denek ulertzen dute pertsona inportantea naizela. Nire barrurako, ordea, lotsa sentitzen dut haiek ez daukatena nik sobera daukadalako.
Jainkoaz badaukazu zerbait esateko?
Bai, baina orain arte ez dut erantzunik jaso.
Galdera ez da “Jainkoari zer esan nahi diozu”, baizik eta “Jainkoari buruz zer daukazu esateko”.
Aiba la ostia! Gauza bera: dirudienez Jainkoak ez duela erantzuten!
Erlijiorik gabe, munduko txiroak hobeto ala okerrago?
Buah, zer nolako galdera... Erlijioarekin txiroak hobeto, dirudienez.
Komunikabideok gehienbat gezurrak esaten ditugu?
Esaten duzuenaren erdia gezurrak dira, eta gainera egiaztatu gabeko gezurrak izaten dira.
Argentinako Abokatuen Gremioa erakundean egiten du lan Laura Taffetanik (Buenos Aires, Argentina, 1963). Gobernuaren errepresioa pairatu duten maputxe ugarirekin lan egin du azken urteetan, eta Askapena antolakundeak antolatutako topaketa antiinperialisten barnean izan da Euskal... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Aurtengo berritasuna da. Ahobizi eta belarriprest rolen artean aukeratzeaz gain, herritarrek Euskaraldia Hikan parte hartzeko aukera izango dute. Hitanoa erabiltzen ez den herrietan, toka eta noka, bien erabilera bultzatuko da, eta hitanoa bizirik dagoen herrietan nokaren... [+]
Interview. Urez eta hondarrez
Egileak: Telmo Irureta eta Mireia Gabilondo.
Aktoreak: Telmo Irureta eta Dorleta Urretabizkaia.
Zuzendaria: Mireia Gabilondo.
Konpainia: Tentazioa.
Noiz: apirilaren 2an.
Non: Victoria Eugenia Klub Aretoan,... [+]
Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]
Galdera batzuen aurrean, behin eta berriz helduok ume sentitzen garela dio Iñigo Martinezek, “bizitza zulo existentzialez beterik” dagoelako. Galderaz galdera "behin-behineko erantzunen bila" aritzeko asmoa du irakasle eta filosofoak. ARGIA... [+]
Euskal Herriko Laborantza Ganberak hogei urte bete ditu. 2005ean sorturik, bataila anitzetatik pasa da Ainiza-Monjoloseko erakundea. Epaiketak, sustengu kanpainak edota Lurramaren sortzea, gorabehera ainitz izan ditu hogei urtez.
Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]