Erakutsi
- Etxeko lanak jarri dizkiot neure buruari urte berri honetarako. Eusko Jaurlaritzatik jasotako telefono dei baten ondorioz hasi zen dena.
“Baina nik atseden urtea hartu dut”, esan nien. “Horrexegatik behar zaitugu hain zuzen ere, ez duzulako ezer eskatzeko. Hara joanda ez duzulako ezer galtzeko”. Eztabaidan bost minutu aritu ondoren, baiezkoa eman nien. Telefonoz bestaldekoak zorionez arrazoia zuela baieztatu nuen gerora: ez nuen ezer galtzeko, asko nuen ikasteko.
Egun gutxira ailegatu zitzaidan informazioa. Zazpik osatuko genuen epaimahaia, programazioari lotuta zeudenak lau ziren eta hiru, modu batera edo bestera, konpainiei lotutakoak. Pozez hartu nituen besteen izenak, lehen aldiz epaimahai osoa euskaraz hitz egiteko eta ulertzeko gai baitzen, lehen aldiz zazpitik hiru emakumeak baikinen.
Lan astuna. Aurretik, 35 proiektu potolo goitik behera irakurri beharra neukan. Antzerki konpainien etorkizuna esku artean neukan urte berri honi begira eta banekien erantzukizunez jokatu behar nuela. Edozein eratara, nik banekien ere zein garrantzitsua zen norbere proiektua epaimahaiaren aurrean defendatzeko ematen duten hamabost minutuko tartea. Marraren alde hori nuen nik batez ere ezaguna. Urteak neramatzan taldeko proiektuak defendatzen. Baina Gasteizen bi egun osoz nire lankideen defentsak entzun eta gero jakin nuen nire usteak motzak geratu zirela. Bedeinkatuak hamabost minutu horiek! Hauexek besteak beste han ikasitakoak:
- Erakutsi segurtasuna, sendotasuna hitzetan. Baikor beti.
- Erakutsi proiektuarekiko zure maitemina, otsoen aurrean ere defendatzeko prestutasuna.
- Erakutsi proiektuaren beharra gizarte honek aurrera egite aldera.
- Erakutsi talde lana.
- Erakutsi proiektua bera, hitzekin, sortuko diren irudien kontakizunarekin, han entzungo diren soinu eta doinuekin.
- Erakutsi hemendik aurrerakoak zenbat balio duen, aurrekoak ahazmenean uzteko moduan.
Eta batez ere Erakutsi ez zatozela eskean, proiektu on bat eskaintzera baizik.
Orain etxeko lanen ordua iritsi zait. Proiektu guztiak ikusi nahi nituzke eta han hartutako erabakiak alferrikakoak ez zirela izan erakutsi neure buruari. Eurei zor diet!
Orain arte uste izan dugu Erdi Aroan eta inprenta zabaldu baino lehen liburuak kopiatzeaz arduratu zirenak gizonezkoak zirela, zehazki, monasterioetako monjeak.
Baina Bergengo (Norvegia) unibertsitateko ikerlari talde batek ondorioztatu du emakumeak ere kopista... [+]
Florentzia, 1886. Carlo Collodi Le avventure de Pinocchio eleberri ezagunaren egileak zera idatzi zuen pizzari buruz: “Labean txigortutako ogi orea, gainean eskura dagoen edozer gauzaz egindako saltsa duena”. Pizza hark “zikinkeria konplexu tankera” zuela... [+]
Aposapo + Mäte + Daño Dolor
Noiz: apirilaren 5ean.
Non: Markina-Xemeingo Akerbeltz Gaztetxean.
---------------------------------------------------------
Erosketetarako orgatxoa barazkiz beteta egin dut gaztetxerako bidea, eta haiek mozten eman dugu iluntzea... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
Palestinaren aldeko manifestazioetan parte hartzen duten atzerriko ikasleak kanporatzea baimentzen duen dekretua izenpetu zuen urtarrilaren 30ean AEBetako presidente berriak. Orduz geroztik ikasleen bisen baliogabetzeak errepikatzen dabiltza.
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.
Eritasunaren kontrako protokoloa salatzeko eta prefeturarekin hitzordu bat lortzeko asmoz, bideratu dute okupazioa ehun bat laborarik. Tuberkulosia kasu batzuk agerturik Zuberoan, eritasunaren kontrako neurri sanitarioak segitu beharrean dira inguru horietako 280 etxalde... [+]
Eneko Mendiluze Plaza psikologoak gaueko beldurren inguruko zenbait gako eman ditu. Nabarmendu du guraso bakoitzak ikusi behar duela zer datorkion hobeto umeari.
Hamaika eraso Uztaritzeko (Lapurdi) San Frantses Xabierko ikastetxe katolikoan gertatu ziren, beste biak Domintxaineko (Zuberoa) ikastetxe katolikoan eta Angeluko (Lapurdi) San Josepe ikastetxe publikoan. Uztaritzeko ikastetxean ikasitako bost gizonek beren testigantzak eman... [+]
Carli Pup (Udine -friuleraz Udin-, 1973) Friuli [friuleraz, Friûl] herriaren ekintzaile kultural garrantzitsuenetako bat da. Bere hizkuntza gutxituaren idazle, hizkuntzalari eta bere herriaren historialari bihurtu da.
Gaur egun, Informazione Friulana kooperatibako... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Martxoaren 27an aurkeztu zuen ARGIAk Bizi Baratzea Orria, lurrari begiratzen dion urtarokako aldizkari berria. Martxoaren hasieran zabaldu zen kide egin eta formatu oso berezia duen orri handia etxean jasotzeko aukera. Erantzun oso beroa izan du. Kide hauen profila ezagutu nahi?
Jaitsiera AEBen muga zergen igoerari erantzun ez dieten eta negoziatzeko prest azaldu diren herrialdeei aplikatu diela argudiatu du Donald Trumpek, Europar Batasuna barne. Txina eta AEBen arteko lehia komertzialak gora egiten jarraitzen du.