Trenaren hots eztia
Europa neoliberala osatzen duten jakintsuak, kazetariak batez ere, hondar urteotako Frantziako gatazka sozialetaz handizki burlatzen omen dira. Ez bat ez bi, politika erabaki batez kontent ez baldin badira, frantsesak, euskaldunak barne, karrikara jaisten dira, herria grebaz blokeatzen dute, grebalarien taldea, prentsak dioenez, minoria bekaitz bat baizik ez delarik: lan zaleek grêvistes egoïstes oihukatzen dute, ezpainak ezkel, grebalariak sekula gurutzatzen balituzte, arrabiaz kalituko lituzketela erantsiz. Mukitsu neoliberalek zuzentasuna eta Konstituzioan bereziki idatzi lanerako eskubidea non dauden galdatzen dute, steadycam gosetien aitzinean.
Aldaketa sakona agitzen ari dela ezin uka. Kazetariak grebalariez doi bat objetiboki mintzo ziren garai bat izan zen, 2003ko Fillonen erretreten erreformaren kontrako mugimenduraino, hots. Aurten, naski, ederki ordainduak diren telebistetako gobernuaren fidelis canis horiek mugak gainditu dituzte: SNCF eta RATPko grebalariak pribilegiatu, gaiztagin eta kasik terrorista sozial erara aurkeztu dizkigute, grebalarien ekintzak bi minutuz eta hiritarren negar-anpuluak aldiz luzekiro presentatuz. Jakina da neoliberalismoa afektibitatean bermatzen dela, herra, gaizkizan eta auhen uhinak oro baliatu eta manipulatuz. Grebalariak ez dira alabaina RMIstak, baina asko SMICaren heineko edo pixka bat goraxeagoko hilabete-sariak dauzkaten funtzionario gorrotatuak direla azpimarra dezagun, salbuespenak salbuespen noski. Ez da politikarik egiten salbuespenekin, salbuespenak aurreratzen direla, gaztigu politikoak bidera eta ororengana hedatzeko. Betikoa: txikiak lehertu eta handiak laudatu, ezen olde berean, maioria isil horretako ingratuek ausarki txalotu dute Sarkozyk lehendakari soldata %140ez igotzea, hipokrisia baten bukaera xuxurlatu dute irri batez.
Behereko frantsesak, jubilatua da eta 1945az geroz martxan jarri egitura sozialetaz aprobetxatzen du, sindikatuen diktaduraren akabantza amesten du, sindikatuak debekatu beharko litezke, edozein baldintzetan lanerako dretxoaren faborez laneko eskubide sozialak, soldata minimoa, hogeita hamabost ordu nazkagarri horiek ezabatu, eta telebistetan nehoiz inuxenteki pasatzen ez diren errumaniarren eredua Frantzian zabaldu: hirurogei oren lan, berrehun eurorentzat. Errumaniarrak horrekin pozik dira, zergatik ez frantsesak?
Neoliberalek, jendeak plegarazten dituen kaosa antolatzen dute eta samin bortitz meta urrintsuan zutunik, Villiers Le Bel-en bezala, ordena mantentzen dute ikusgarriki, poliziek axolagabeziaz edo berdin ohituraz, bi haur hotz hil(tzen utzi) dituztela ahantzarazteko, eta katiminian, diputatuak laneko kodea, MEDEFak seinalaturiko arkaismo sozialetaz garbitzen ari dira: gobernuaren ahoa, bere elea bezain zuria da. Hannah Arendten Gezurra politikan artikulua irakurtzekoa da.
Berehala.
2021ean EAEko udaltzain laguntzaileentzako lan-poltsa bateratua osatu zuten. EAEko Auzitegi Nagusiak atzera bota du orduan ezarritako hizkuntza eskakizuna, B2 maila, alegia. Hizkuntza eskakizuna “neurrigabea” dela argudiatu du. Kontseiluak adierazi du EAEko udaltzain... [+]
Hitzordua Noaingo Zentzumenen Parkean izango da. Herritarrak eta ekoizleak elikagai ekologikoen inguruan biltzeko Nafarroako topagune handiena da azoka. Bederatzigarren edizioa da aurtengoa eta laugarren urtez jarraian Noaingo Zentzumenen Parkean egingo da.
76 urteko emazteak zauri larriak ditu. Eusko Jaurlaritzako Segurtasun Sailak adierazi duenez, ostiral goizaldean egin dio eraso eta Ertzaintzak senarra atxilotu du emaztea hiltzen saiatzeagatik.
Munduko Medikuak PiztuPower proiektu "eraldatzailea" abiarazi du, Nafarroako emakume afro-ondorengo gazteei laguntzeko eta aktibismoan trebatzeko etengabeko formakuntzaren bitartez.
Imanol Pradales lehendakariak eta Alberto Martínez sailburuak gidatuta ostegun honetan bildu zen Bilbon osasun publikoari buruzko mahaia. Bertan izan ziren, halaber, osasunaren sektoreko eta euskal gizarteko eragile ugari.
Ausartuko gara esaten Otsagabiko (Nafarroa) eta Eltziegoko (Araba) dantzak direla irailak 8 bueltako dantzarik ezagunenak. Ibilbide eta historia luzea dute eta azken hamarkadetan Euskal Herriko dantza talde askoren errepertorioetan jasoak izan dira.
Hamaika TBk estreinatutako Esker Onez saioa dedikatu diote Tafallako editore eta Ezker Abertzaleko militante historikoari.
Sorgin ehizari buruzko historia ezagunenak XVI. eta XVII. mendekoak dira Euskal Herrian: Erronkarin, Zugarramurdin eta Lapurdin, inkisidore eta torturatzaileen amorrua jasan zuten herritar ugarik. Hain justu 1525ean, duela ia 500 urte Pirinioetan lehen prozesu orokorra hasi... [+]
Michel Barnier kontserbadorea ministro ohia da, Europako Batasuneko komisario ohia ere bai eta Brexiteko negoziatzailea izan zen.
Meaka-Irimo herri plataformak antolatu du egun hau, Capital Energy multinazionalaren Trekutz proiektuaren aurka mobilizatzeko. Ekitaldiaren ondoren toka txapelketa, herri bazkaria, bertso saioa eta erromeria gozatuko dute Irimo eta Trekutzera igotzen direnek.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.