“Legebiltzarkideok ez daukagu amatasun bajarik”
- Nork esan zuen haurdun dagoen emakume bati ez zitzaiola kontra egin behar? Guk ez, eta esan bagenuen, ez dugu gogoratzen.
Teorema herrikoia: legebiltzarra=alferren biltzarra.
Politikari askok langile arrunt batek baino askoz lan gehiago egiten dute. Punta-puntan dabiltzanak ez dira ondo bizi. Izugarrizko lana egiten dute, etengabe, inolako ordutegirik gabe.
Nik uste nuen soldatak pentsatzeko askatasuna besterik ez zizuela kentzen!
Niretzat soldata batek baino askoz pisu handiagoa dauka norberak nahi duena esateko aukera edukitzeak. Oso duina iruditzen zait alderdi-diziplinari aurre egiteko gaitasuna.
Errebeldia ez da ba bozeramailearen dohain preziatua.
Nik baditut sekula pasako ez ditudan muga batzuk, eta pasarazi nahi balizkidate kargua utziko nuke. Kargu politikoa duzunean garbi eduki behar duzu kargua ez dela zurea, ordezkaria zarela.
Politikan ez du inork dimititzen, ordea!
Ohitura falta handia dago. Batzuek kargua eurena dela pentsatzen dute, politikan, gaur gailurrean eta bihar zuloan egon zaitezkeela ahaztuz.
Zulora, ezkerraren baloreak doaz. Geroz eta eskuindarragoak ez ote garen...
Ezkertiarra izatea ez da masoka izatea. Ardo ona denoi gustatzen zaigu. Hobeto bizi nahi izatea eskubidea den heinean, normala da denok diru gehiago irabazten saiatzea.
Militantziaren lur-jotzea normala da, beraz?
Egon daiteke “borroka galduetan nekatu naiz eta nire denbora nahi dut” esateko joera bat. Baina hori ere eskubidea da, eta hori da ulertzen ez duguna. Kontuz, ez dezagun eliza berririk sortu!
Alderdi politikoak eliza baino okerragoak zarete, baina!
Ez luke hala izan behar. Niretzat arriskutsuena alderdia bera helburu bilakatzea da, alderdiaren helburuak bazterrera utzita. Pertsona aske eta zoriontsuak behar ditugu elkartasunezko lazoak sortzeko.
EAJrekin, EArekin edo EBrekin paktatzeko, alegia.
Ni helburuaren alde nago. Agian, bidean ez duzu burutasun osoa lortuko, baina helburua lortzen baduzu? Politikan, unean uneko egoeraren arabera hartu behar dira erabakiak, ez orain dela 40 urte hartu genuen erabaki bat mantentzeagatik gauza surrealistak egiten jarraitu.
Ez zara Gasteizko Legebiltzarreko lan-baldintzei buruz ariko, ezta?
Beste emakume askok bezala, legebiltzarkideok ez daukagu amatasun bajarik! Karguak utziezinak dira, gaixotasun bat edo amatasuna tarteko izanik ere. Orain ohartu dira amatasuna ez dela gaixotasun bat eta horri irtenbide bat eman behar zaiola.
.jpeg)
Paris 365 elkarteak 15 urteurrena ospatu zuen larunbatean Geltokin. 15 urte gosariak, bazkariak eta afariak egunean euro baten truke zerbitzatzen urteko 365 egunetan horren beharra duten guztiei. “Atsedenik gabe”, azpimarratu nahi izan zuten bezala. Horrez gain,... [+]
Durangoko Azokaren alor digitala da Kabi@ espazioa eta egitaraua. Aurtengo edizioan, abenduaren 5ean eta 6an izango dira Kabi@ko ekitaldiak, Azokaren lehen bi egunetan (gero 8ra bitartean iraungo du). Ekitaldiak banatuko dira Durangoko Bizenta Migel Liburutegiaren eta Landako... [+]
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Durangoko Azokako berrikuntzetako bat izango da ZirHika taldeak sortu duen hikalarien bilgunea. Hika hitz egitea eta ongi pasatzea izango da helburua, abenduaren 7an Landako ikastetxean.
Alokairuen bidezko espekulazioa oztopatzeko neurria azaroaren 25etik goiti izanen da indarrean Ipar Euskal Herrian. Momentuko, tentsiopean diren Lapurdiko 24 herriei eraginen die: Ahetze, Angelu, Arbona, Arrangoitze, Azkaine, Basusarri, Baiona, Biarritz, Bidarte, Biriatu,... [+]
Larraulgo eskolan da hitzordua, azaroaren 27an, 17:30ean. 'Superbotereak' liburuaren egile Koldo Rabadan ez ezik, hitzaurrea idatzi duen Nora Salbotx eta hainbat kide izango dira mahaiaren bueltan: Ainhoa Azpirotz (Hik Hasi-ko koordinatzailea), Irati Manzisidor... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Jendetza elkartu da Bilboko Casillatik abiatu den manifestazioan, Nazioa gara aldarrikatzeko. Buruan, EH Bilduko Mahai Politikoko kideak joan dira, eta atzeraxeagotik jarraitu diote ERC, BNG, CUP, Compromis eta Mes Per Mallorca alderdietako kideek. Ikurrinak, Nafarroako ikurrak... [+]
Egunkariaren editoreak egindako adierazpen batzuen harira hartu du neurria Israelgo Gobernuak. "Netanyahuren erregimena krudela da eta apartheid-a ari da egiten", esan zuen Amos Shocken editoreak Londresen emandako hitzaldi batean, duela hilabete.
Asteartean, hilak 26, egingo dira EHUko errektoretzarako hauteskundeak. Kanpaina nahasia izaten ari da, eta, horren erakusgarri, Joxerramon Bengoetxearen taldeak eskatu izana "ustez Eva Ferreiraren hautagaitzako pertsonek edo ingurukoek egindako ekintzak eta kanpainako... [+]
95.000 botogatik gailendu da Fronte Zabala azaroaren 24an eginiko hauteskundeetan. Yamandu Orsi izango da Uruguaiko hurrengo presidentea, Álvaro Delgado eskuineko Alderdi Nazionaleko presidentegaiari aurre hartuta.
