Fiare Hego Euskal Herrian 2005ean sortutako banku etikoaren proiektua da. Ehun baino erakunde sozial gehiagok bultzatu dute eta Angel Toña katedraduna da finantza erakundearen buru.
Pasa den uztailean elkarrizketa teknikoak egin zituzten, Italian zein Frantzian, Nef-arekin (finantza elkarte frantziarrarekin) eta Banca Popolare Etica italiarrarekin. Proiektu europar hau ez da burutzen erraza izango, hiru herrialdek baino gehiagok osatuko baitu. Aipatutakoez gain, Suitzako, Belgikako eta Frantziako erakundeek ere parte hartu nahi dute proiektu horretan. Angel Toñak zera esan du: “Fiare Europa osoa hartzen duen eta tamaina garrantzitsu samarra duen bankuaren hastapena izan daiteke”.
2005ean Fiare aldizkariak ekarritakoaren arabera, ekimena hainbat euskal erakunde sozialetan sortu zen 2001az geroztik. 2003ra arte ez ziren Fiare Fundazioa sortzeko oinarrizko urratsak eman. Azkenik, 2005ean, Italiako Banca Popolare erakundearen laguntza lortu zuten. Urte berean, lehenbiziko banku-bulegoa ireki zen Bilboko Alde Zaharrean. Orain, Fiarek 10 milioi euroko gordailuak dauzka. Helburua, hiru urte barrurako 60 milioi euro lortzea da, errentagarriak izateko. Ez dute uste Hego Euskal Herrian horrelako kopurua lor dezaketenik, baina Espainiako Estatuko hainbat erkidegoren laguntzaz, 100 milioi euro baino gehiago lortuko dituztela uste dute.
Espainiako Estatuko kreditu kooperatiba sortzeko asmoa
Europako helburuez gain, Fiareren asmoa orain Espainian kreditu kooperatiba sortzea da. Erakundea “ohiko banku sistemaren ordezko finantza esparruan arituko da, irizpide solidarioen arabera”. Dagoeneko data jarri dute Espainiako Bankuak eman behar duen kreditu kooperatibaren fitxa lortzeko: 2010.
Espainiako Bankuaren laguntza ofiziala lortzeko gutxienez 8 milioi euroko kapital soziala lortu behar da Espainian. 1,5 milioi euro Hego Euskal Herrian lortzea espero dute eta gainerakorako loturak dituzte Katalunian, Madrilen, Valentzian eta Andaluzian. Urtea bukatu baino lehen, ordezkaritza ireki nahi dute Katalunian; joan den ekainean, hain zuzen, lehen mailegua eman zen. Hil berean, maileguak eman ziren Nafarroan, eta Gasteizen, lehenbiziko delegazioa ireki da. Fiare bazkideak lortzeko kanpainarekin hasi da, berehalako helburua lortzeko behar den gutxieneko kapital soziala osatze aldera.
Fiareko arduradunak baikor dira: “Solidaritateak ez du mugarik”. Euren iritziz, datozen hiru urteetan banku etikoaren proiektuak jauzia eman eta aurrera egin dezake elkartasunezko sare sozial gisa, kreditu kooperatiba berriaren bidez, eragin sozial eta eraldatzailea izan dezaketen jarduera ekonomikoak finantzatu ahal izateko.
Lau zutabeak
Sortuko duten kreditu kooperatibaren bidez, arduradunek “finkapen sozial indartsua duen herritarren bankua” lortu nahi dute, “horixe baita arrakastaren sekretua”.
Proiektuaren oinarrizko zutabeak lau dira. Lehenengoa: kredituak justizia sozialaren zerbitzura egon behar du, finantza jarduera etikoan lehentasuna duten elementuak honako hauek baitira: garapenerako lankidetza, gizartean baztertuak izateko arriskuan dauden pertsonak gizarteratzea, ingurumenaren babesa sustatzen duten eta gizarte-balio solidario eta eraldatzaileak sortzen eta hedatzen dituzten proiektuak. Bigarrena: Fiareren bitarteko lana herritarren sareen bidez egiten da. Hirugarrena: aurrezpen arduratsua, parte hartzea eta gardentasuna bultzatzea. Eta laugarren zutabea, irabazteko asmorik gabeko eta denon probetxurako proiektu alternatiboa izatea.
Europako parlamentuan aurkeztu duten txosten batek erakusten ditu finantza etikoen azken hamar urteetako hazkunde datuak.
Andoain Town Council (Gipuzkoa, Basque Country) has signed an agreement with Fiare. Socially excluded citizens, and those in danger of being so, will be able to ask for loans from the ethical bank without the guarantees required by traditional banks.
Mañariko Udalak Banco Sabadellen zituen 209.201 euroak Fiare banku etikora eramatea erabaki du. Ebatzi horren bidez, “gizartea eraikitzeko bidean —gizartean balio justu, solidario eta humanoak sakontzeko bidean— gure harritxoa jarri gura izan... [+]
2008tik 2014era 1.500 milioi euro bildu dituzte Espainiako Estatuko banku etikoek. 2012an Rajoyren gobernuak EBri ia 220.000 euroko erreskatea eskatu zionetik gaur arte, 75.000 bezero inguru lortu dituzte eta dagoeneko 187.383 pertsonak dituzte aurrezkiak banku horietan.
Udalbiltzak (Euskal Herriko Garapen eta Kohesio Fondoaren bidez) martxan duen Euskal Pirinioetan lan eta bizi ekimenera batu dira Fiare banku etikoa eta Herrikoa arrisku kapitaleko elkartea. Pirinioen garapena bultzatuko duten proiektuak abiatzea eta finantzatzea da ekimenaren... [+]
Euskal Herrian indarra hartzen ari den Fiare banku etikoak baditu hainbat inspirazio iturri munduan. Horietako bat da Italiako Banca Popolare Etica. Urteak daramatza martxan eta proiektua ongi ezagutzen duen Andrea Baranes Italiako Ardura Etikoaren Kultur Fundazioko... [+]
Bidazi kontsumo taldeak Ekonomia alternatiboa eta solidarioa jardunaldiak antolatu ditu. Fiare banku etikoa eta Coop57 finantzazio eredua izango dituzte mintzagai nagusi, egungo eredu ekonomikoak "alternatibarik baduela" erakusteko asmoz.
1.800 euroko laguntza eman dio Hernaniko Udalak banka etikoa sustatzen duen Fiare elkarteari. Herritarrengan oinarritutako kreditu-kooperatiba sortzea da helburu eta dagoeneko hainbat Udalek eman diote babesa.
Errenteriako Udalak akordioa sinatu du Fiare banku etikoarekin. Hego Euskal Herrian 2005ean sortutako proiektua da Fiare. Ehundik gora erakunde sozialek bultzatzen dute eta aurreztaileen dirua gorde eta interes apaleko maileguak ematen dizkie gizarte bazterketaren aurka... [+]
Italiako Herri Banku Etikoko (BPE) presidentea da Ugo Biggeri. FIARE proiektuaren bidez, Italiatik kanpo ere zabalduko ditu ateak banku honek, tartean Euskal Herrian, Bilbon. Hori dela-eta, Baserri Bizian elkarrizketa egin diote presidenteari eta bankuen gardentasuna... [+]
Benetako aldaketa soziala bultzatu nahian, ekonomia solidarioa eta alternatiboa oinarri duten enpresa eta erakunde anitz biltzen ditu REAS sareak, lanpostu bat eskuratzeko zailtasun gehien duen jendeari lana emanez.
Sinplea dirudi: ohiko finantza erakundeek gure aurrezkiak baliatzen dituzte maileguak eman eta inbertsioak egiteko. Hori dute lehengai eta botere iturri. Gure ekarpena ezinbestekoa izanagatik ordea, inoiz gutxitan dakigu jarri ditugun sosek zein ibilbide egiten duten. Ez al dugu... [+]