Gorputzaren ideologia
- Babanako abuztuko bero umelak ez du aukera larregirik uzten. Lo-kuluxka egitera gonbidatzen du. Ezer ez egitera. Kuban zergatik ez den posible kapitalismoaren abiadura bizia eta egin zaletasun neurotikoa, klimak berak erraz azaltzen ote duen. Kuban gogor lan egitearen aldeko hautu mendebaldarra ezin da ganoraz arrazoitu. Ez behintzat abuztuan.
Goi klasekoek asmatu dituzte iraultzak, noble edo burges jatorrikoek. Bakunin, Marx, Trotsky, Rosa Luxemburg edo Che, begiratu horietako edozeini. Nekez aurkituko diezu herri xehearen begiei dariena. Hori bai, behekoen hauskortasuna bihotzeratzeko gaitasuna aurkituko diezu. Ez da hain zaila konprenitzen: iraultza irudikatzeko kapital kulturala eta edukatiboa behar; dependentzia ekonomikoak zein psikologikoak eragotzi ohi duen autodeterminatzeko gaitasuna behar; beldurrak trabatu ez duen harrotasuna behar.
Herri xeheak baina, erditu ditu ale batzuk beharrizanaren sabeletik. Camilo Cienfuegos da horietakoa. Museoan, Camiloren irudi bizartsuak sortzen zidan sinpatia bizi-bizi nuela, mutil gazte bat jarri zitzaidan aldamenean. Europarra, esango nuke. Gaztetasuna, edertasuna eta genetika alde zituen, agerikoa zen. Tirantedun nikiaren paparrean, izar gorria.
Arin mugitzen zen, bitrinetako argazki, fusil, zein iraultzaile izandakoen arropek atxikita zeramaten esplikazioa gainetik kendu guran bezala. Aurrea hartu zidan. Eta aurrean nuela konturatu nintzen, hurrengo bitrinan: pauso bat atzera egin eta bitrinaren kristalaren erreflexuak bueltatu zion irudiari so geratu zen, bere irudiari so.
Bitrinaz bitrina bere buruaren erreflexuari disimuluz begiratzen ziola erreparatu nion, kaletik zoazela dendetako erakusleihoak baliatzen dituzunean bezala. Bitrinetako eduki politikoa bere gorputz ongi definituarekin katramilatu zuen, biak atentzio eske balitu bezala. Narrazio iraultzaileari bere gorputzarena gailendu nahi balitzaio bezala.
Gorputzari gaur egiten diogun gorazarrea begien aurrean nuen. Dietetika dendak, gimnasioak eta ebakuntza-gelak betetzen ari direla akordatu nintzen. Habanako Iraultzaren Museoak gogoratu zidan gorputz ideologikoen lekuan gorputza dela ideologi berri.
Gorputza da kausa berria, belaunaldi berri baten buruhauste eta eragin esparru pribilegiatua. Gorputza eraiki beharra dago, ondo planifikatu, bizi-estiloaren eta niaren adierazpen gorenetakoa baita. Norbere singulartasuna eta aberastasun espresiboa demostratzeko gunea.
Gorputza dagoeneko ez da emanda datorren zerbait. Bertan eragin beharra dago. Eta aditu usteko askok nahi dute bertan eskua sartu, ogia oratzen balebiltza: dietetika eta nutrizioa, anabolizatzaileak, dermoestetika, injenieritza genetikoa, farmakologia...
Zahartzearen horrorea uxatzeko teknologia berriak. Aditu-sistemek kolonizatua dute gorputza, eta kolonizazio teknikoarekin batera, koloninazio ekonomikoa heldu da: merkatuak aspaldi zorroztu zituen hortzak eta gu denok gorputza “zaintzera” animatu.
Gaur badira gure artean, ikasturtea gainditzearen truke, sudur luzeegiak edo bular txikiegiak zuzentzeko eskari goiztiarrak. Gorputzaren kontrako bortxa legitimatua. Perfekzio nahi mendebaldarrak eragindako auto-bortxa fisiko onetsia.
Nartziso ederra ere errekako urak bueltatzen zion irudiarekin autoliluratuta bizi zen. Bere buruarekin txunditurik jausi eta ito zen arte. Irudi hilgarri batek narkotizaturik –Narkis-sos–, gorputza gorpu bihurtu zen arte.
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
WordPress-en formularioak sortzeko Ninja Forms pluginaren euskaratzea utzita zegoela ikusita, Iametzak bere gain hartu du itzulpena eguneratzeko lana.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Joan den asteartean, hilaren 31n, Boli Kostako presidente Alassane Ouattarak iragarri zuen bertan behera utziko zituela Frantziarekiko harreman militarrak. Horren ondorioz, datozen asteetan 1.000 bat soldadu frantses atera beharko dira herrialdetik.
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Kanboko Marienia eremuan etxebizitzak eraikitzeko proiektua badu Bouygues Immobilier agentziak. "Elkarlanaren bidez" zein "indar harremana" mantenduta, proiektua ezeztatzeko borroka eramateko determinazioa plazaratu dute adierazpen bateratu... [+]
Goldatz talde feministak antolatua, ortziralean, urtarrilaren 3an, Jantzari dokumentala proiektatuko dute Beralandetan (17:30ean) eta biharamunean, urtarrilaren 4an, Berako bestetako tradizioak aztergai izanen dituzte Maggie Bullen antropologoarekin leku berean (10:30).
NASAren Parker zunda 6,1 milioi kilometroko distantziara arte gerturatu da Eguzkiaren azalera, bere misioaren lehen gerturatzean. Hala, Eguzkitik inoizko gertuen egon den objeku artifiziala bilakatu da. 692.000 kilometro orduko abiaduran igaro da, eta jasotako datuak funtsezkoak... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.