Lizartzako festetan jarriak

  • I

    Bi mila ta zazpiak
    zortzi agorrean
    Lizartzako festaren
    eguna hurrean,
    furgoneta pintoak
    ateen aurrean
    begiratu gaiztoak
    kale bazterrean,
    aurten ez dira egin
    “ohitura zaharrean”.
Jokin Sorozabal
Maddi Soroa
II

Bi bertsolari ginen
deituak bertara
gazteek antolatu
ohi duten festara,
berdin dio elkarte
kale zein plazara
ongi etorri on bat
gauza ederra da,
gu behintzat herritarrek
hautatuak gara.


III

Bandera espainola
gorri eta urre
globoekin estaliz
egin zaio aurre,
Otaola ez zaitez
jarri hain haserre
ahulak ere nolabait
egin behar du parre
hor behintzat ez dizute
erregerik erre.

IV

“Agintari gorenak”
elizan sartzean
eskolta eta ertzain
kolore beltzean,
santuak aurrean ta
santuak atzean
bakea ahoan ta
gerra bihotzean,
lotsatuta hil dute
kristo gurutzean.


V

Kalean furgonetak
eskoltak atean
balkoian ikurrinak
builak arkupean,
herritarrak kanpoko
“demokrata”pean
festak normaldu dira
denak joatean,
bakezaleak joanda
herria bakean.


VI

Bandera batek al du
hemen garrantzia
edo nahi dutena da
gu sutan jartzia,
ta Espainian bete
botoen ontzia
bitartean herrian
ze penitentzia,
orain bai nahi dugula
independentzia.

Doinua: Bizkaiko txerriarena (Oskorrik kantatzen duen “Bizkaiko aberatsak...”)

ASTEKARIA
2007ko urriaren 07a
Azoka
Kanal honetatik interesatuko zaizu: Argiako Bertso jarriak
2023-01-10 | Imanol Lazkano
Bertso berriak, txapelketako finalari jarriak

Abenduaren 18an, Euskal Herriko Bertsolari Txapelketako finaletik bueltan jarritako bertsoak.


2019-03-01 | Miren Osa Galdona
Zeruko Argia eta ARGIAko bertso jarriak
Xanti Zabala “Lexo”ren emaria

Xanti Zabalari omenaldia martxoaren 16an
Bertso idatziei ahotsa emateko garaia

2014-01-16 | Imanol Lazkano
Basarriren mendeurrenean
Doinua: Ari naizela

 

Bertsolaritza zeraman bere
bihotz eta bekokian
berrikuntza bat behar zuela
ere berak bazekian.
Ostatuetan jaio zen hura
txertatuaz antzokian
urrats berririk eman ez balitz
norabide... [+]

2013-04-10 | Jokin Uranga
Corrugadosi jarriak

Doinua: Mutil koxkor bat.

Urte askoan gurea izan da
abundantzien bailara
zenbat familia joan ote da
orain langabeziara?
Mahaian dago eztabaidagai
zer ginen eta zer gara
alfer alferrik izango dira
hemen ERE eta Hara!
Mentalitate aldaketa bat
ematen ez... [+]


2012-12-26 | Aitor Sarriegi
Extrari jarriak

Doinua: Gure aurreko guraso zaharrak


Eguneraketa berriak daude