Aztoramenduak
- Rosa Diez-ek eta Fernando Savater-ek, besteren artean, sortu berri duten NP alderdi berriak hautsak harrotzeaz gain, zatiketa areagotu du orain gutxi arte adiskide ez ezik, bidaide eta zenbait gauzetan gogaide ere –Espainiako batasunaren defentsa sutsuan– ziren ¡Basta ya! eta Ermuko Forua-n biltzen den inteligentsiaren artean.
PSOE gobernutik kanporatu! Lelo hori obsesio bihurtu da PP eta bere sokakoentzat. Eta helburu horrekin erabili dituzte azken hilabetetan Biktimen elkarteak eta Ermuko Foruak –¡Basta Ya!k beste modura jokatu du–. Gutxitan azaldu da hain argi partidu baten interesen aldeko mugimendu sozial baten manipulazioa. Hortik aztoramenduak Mikel Buesa Ermuko Foruko presidentea zena partidu berriari atxiki zaionean.
Jon Juaristik, ahoan bilorik ez!, izugarriak eta bost idatzi berri du ABCn, bere “adiskide” omen den Savaterren aurka. Cortafuegos izenburu esanguratsuko iritzi artikuluan Savaterri etikaren alorrean jarrera eredugarria izatea baina politikaren alorrean guztiz inozoa izatea leporatu dio. Alegia, etika eta politika ezin direla nahastu, eta partidu berriaren sorrerarekin izugarrizko kaltea egiten omen diela urtetan borrokaturiko asmo, xede eta helburuei. Garbi esanez, helburu horiek ongien, bipilen, defendatzen duen alderdiari –alegia PPri– kalte egin diezaiokela.
Nik ez dakit, NPk zeini egingo dion –PPri edo PSOEri– kalte handiagorik eta zenbaterainokoa izan daitekeen. Izan ere, ez baitut oso garbi, partidu sortu berri horrek, zer-nolako emaitzak izango dituen –kaskarrak segur aski– gobernu aldaketa hain polarizatuta dagoen egoera batean. Nik uste, eztabaida gordin horren atzean dagoen benetako arazoa bestelakoa dela: partiduek eta beren sokako intelektualek ezin dutela inondik inora onartu beren mesederako sorturiko mugimendu sozialek euren kontrako konpetentzia sortzea. Kalteak besteentzat direnean, gora aniztasuna! Alabaina, botoaren –boterearen– disputan traba bihurtzen direnean, asmo onez edo txarrez, partidu berriak etsaiari egingo bide dio jokoa. Ai! Savater gaixoa, zein goxo eta garbia zinen etikaren Olinpoan eta zein lokaztua aterako zaren politikaren guda zelaitik.
Azaroaren 5ean epaituko dituzte Barakaldoko epaitegian. “Kapitalismoaren logikatik kanpo” dagoen alternatiba bat sortzeagatik okupazio mugimendua “kriminalizatu eta zigortu” nahi dutela salatzen dute gaztetxeko kideek. Txirbilenea Kulturgunearen hustearen... [+]
Amnesty Internationalek jakinarazi du azaroaren 2an Teherango Unibertsitateko ikasle bat atxilotu zutela arropa kentzeagatik. Barruko arropatan gelditu zen neska, Irango janzkera kode islamiar zorrotzaren aurka protesta egiteko.
Han eta hemen entzun eta irakur daitekeenez, azken hamarkadetako lehiarik estuena aurreikusten da AEBetako hauteskunde presidentzialetan, Donald Trump eta Kamala Harris hautagaien artean. Azaroaren 5ean, asteartez egingo dira bozak. Emaitzak Euskal Herrian gauerdia denean hasiko... [+]
Urriaren 24tik Espainiako Estatuko hedabide guztietako lerroburuak eman dizkiote Iñigo Errejóni, eta maiztu arte erabili dute haren izena, ezker-eskuin. Gutxitan ikusten den zarata mediatikoa lortu du, eta badirudi oihartzunak luze jarraituko duela. Orain... [+]
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Jokoteknia Bideojokoen Euskal Jardunaldiaren zazpigarren edizioa azaroaren 9an (larunbata) egingo da Bilbon, Euskararen Etxean, 09:45etik 13:00etara. Jokoteknia jardunaldietan euskal bideojokogintza industriako aditu eta jokalariak batera jarri ohi... [+]
Urriaren 31tik azaroaren 2ra Gazte Koordinadora Sozialistak eta Ikasle Abertzaleak-ek Gazte Topagune Sozialista egin dute Altsasun (Nafarroa). Europan eta Euskal Herrian hedatzen ari diren “proiektu atzerakoiak” jarri dituzte jomugan eta joera horiei ez dietela... [+]
Ostiral gauerdian atzeman zituen Ertzaintzak ustez langileak ilegalki zeramatzan bi furgoneta, Ertzaintzak uste du Europako beste herrialde batera bidean zirela, han lan egiteko. Atxilotutako gidarietako batek hamar pertsona zeramatzan furgonetan eta besteak 22.
Turkiaren ekimena babestu dute nazioarteko herrialde ugarik, gehienak arabiarrak edo islamiarrak, baita Hegoafrika, Brasil, Kuba, Errusia, Norvegia eta Vietnamek ere, besteren artean.
Ugariak dira Dana denboraleak Valentzian eragin duen hondamendiaz egin diren irakurketak. Beste faktore batzuen artean, gizakiak naturari ebatsitako eremuez luze mintzo dira hedabideak, ibai eta itsaso ertzak hormigoiarekin betetzeak duen arriskua dela-eta. Hormigoiarekin... [+]
Kasu Hegoaldeko begirada horri. Lehen-lehenik desmitifikatu larre berde, etxe zuri eta teila gorrien lur ederrekiko miresmen itsua, halako maitasun inkondizionala, hizkerari eta ustezko bizitzeko manerari loturiko fetitxismoa. Utz, Ruper Ordorikari sarri entzun gisan,... [+]
Korrika eta presaka ekarri dute megafonoa. Hau onartezina da. Hau ezin da onartu. Denok batera oihu egin dezagun, ezin dugu honela jarraitu. Zurean ere sartu direla? Bai arrazoi duzu, jo ditzagun txaloak zuretzat. Hurrengo astean hemen batuko gara denok eta aurre egingo diegu,... [+]