Izotza ez denean nahikoa hotz
- Lanean hasi berria nintzen eta kide batek Zirkulu Polarrean egindako oporraldiaren berri eman zidan. Harrigarrien egin zitzaiona, antza, gaurik gabeko egun etengabea eta gauerdiko eguzkiak jendearen portaeran daukan eragina izan zen. Kalean ahalik eta ordu gehien emateko joera izaten dute, erlojuak markatzen duen orduarekin zerikusirik ez dituzten jarduerak burutuz, halako argia eta berotasun beharra eta nahia sentitzen baitute, barruan duten bizi gogoa ateratzeko. Zer izango ote da txanponaren bestaldea: gau luzeak eta itxiak dena umeltzen eta izozten duela ikustean? Amorrua, sumendia, onarpena, lurperatzea...
Interesgarria da azpimarratzea 38 film hauek komunean dituzten ezaugarriak, ziur aski Dogma 95 izeneko zine mugimenduak ezarritako arautegira hurbiltzen direlako, eta honek filmei –dramak, komediak zein bestelako generoak izan– bizitza errealaren berniza ematen dizkie, dokumentalaren zigilua oso garbi dutelarik. Batzuetan kamara sorbalda gainean filmatuta daudelako eta honek eszenan bertaratzen gaitu, edota soinua zuzen-zuzenean hartuta dagoelako, bere akats natural eta samurrekin. Iparraldeko zuzendari hauetako gehienen interesa egunerokoan dela ematen du, dena delakoa izanda ere pertsonaiak eta hauen egin beharrekoak, beti hurbiltzen dira haien eguneroko bizimodua ezagutzera eta bidebatez guri kontatzera. Ikuslea kuxkuxero sentituko da askotan pantailan agertzen diren gu bezain benetako pertsonen sekretuak ezagutuko dituelako, ez kontatu dizkiotelako, baizik eta ikusi egin dituelako, eta bere sekretuen pare onartuko ditu, oso antzekoak direlako, oso benetakoak.
Arestian esandakoa: zine honen ezaugarri argia izanda ere, ez da gutxiago filmen erritmoaren kontua. Kritikek, gehienetan, esan ohi dute lan lentoak edo motelak direla, apal, lauak. Haatik, kontuan hartu behar dugu pertsonaien sentimenduen eta sentsazioen transmisioa ez dela esandakoaren bitartez helarazten, euren joan etorrien bitartez baizik, aurpegien keinuez eta bizkar hezurren jarreraz, eta beraz, denbora apur bat behar izaten dugu hori guztia deskodifikatzeko. Honi gehitzen badiogu film gehienetan paisaia bera guztia besarkatzen duen beste pertsonaia bezala tratatzen dela –baten edo bestearen egoera animikoa kontatzeko lanabes zuzena delako–, bada, honen deskribapenerako travelling horizontal motelak ere maiz erabiltzen dira. Zine honen zaleak garenok ados gaude kritika hauekin guztiekin, alabaina, moteltze honek filmeari intentsitatea gehitzen diola pentsatzen dugu, eta ez alderantziz, munduko beste zine mota askotan bezala.
Sobriedadea edota soiltasuna litzateke gehien bat zine europar peto honek mereziko lukeen adjektiboa, gidoiaren ertzetan askotan istrionismoaren eta anabasaren pintzelkadak azaltzean, aktoreak izaten baitira sentimendu gordinenen eramaileak, noiz lehertuko beldur itxaroten dugun sumendi apalen agertzaileak. Hortxe datza nire ustez haien kulturak eta bizimoduak utzitako aztarna, negu luzetan eta ilunetan landu behar izan duten kontentzioa, kanpoan dena geldituta eta izoztuta dagoen bitartean bihotzaren barruan bizitzaren burrunbada segitzen duen horiena.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Editore Kurduen Elkarteak abenduaren 22an egin zuen salaketa: azken hiru asteetan Turkiako agintariek kurduei buruzko 120 liburu, aldizkari, egunkari edo bestelako argitalpen debekatu dituzte, Duvar hedabide kurduak jakinarazi duenez.
Garraio publikoak erdi prezioan jarraituko du datorren urtean ere, Espainiako Gobernuak bere hobarien parteari eutsiko diola iragarri ostean.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Kopenhage, 1974ko abenduaren 18a. Eguerdiko hamabietan ferry bat iritsi zen portura eta bertatik 100 Santa Klaus inguruz osatutako taldea lehorreratu zen. Antzara erraldoi bat zeramaten haiekin. Asmoa “Troiako antzara” moduko bat egitea zen, eta, hirira iristean,... [+]
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
Gizartean gatazka sortzen duten proiektuak jai bezperetan onartzeko ohiturari jarraituz, abenduaren 20an onartu du Eusko Jaurlaritzak Energia Berriztagarrien Lurralde Plan Sektorialaren "behin behineko bertsioa". EH Bizirik-ek elkarretaratzea egin du Jaurlaritzaren... [+]
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Santa Marta komunitateko (El Salvador) ADES Garapen Ekonomiko eta Sozialerako Elkarteko presidentea da Vidalina Morales. “Rol horretatik harago, ingurumen ekintzailea ere banaiz, giza eskubideen defendatzailea eta emakume baserritarra; hainbat urtez borrokan egon diren... [+]
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
Gabonetako Loteriaren datuak eman berri ditu Espainiako Gobernuaren menpeko Estatuko Loteriak eta Apustuak elkarteak. Horien arabera, Araba, Bizkaia eta Gipuzkoan batez beste 84,33 euro gastatu ditu herritar bakoitzak, eta nafarrek, berriz, 53,38 euro, EiTBn irakur daitekeenez... [+]
Hainbat euskal presok salatu duenez, Zaballako espetxezainek "ezkutuko greba" hasi dute, haien erdiak gaixotasun baja hartuta. "Ezkutuko greba honen bitartez, 'zerbitzuaren gabeziak' salatzea dute helburu, baina benetako greba bati ekin ez, eta preso... [+]