"Bigarren aukerarik gabe... nola demostratu ikasi duzun ala ez?"
- Gaztea baina sobera aritua. Hirugarren diskoa prestatzen dabil ohiko ganora handiaz. Noiz irekiko arrakastaren atea?
PiLT garaian jainkoa hil zenuen kantu-kolpe baten bidez eta harrezkero bakarka ibiltzera kondenaturik zaude!
Gorputzak aspaldi eskatzen zidan beste ildo bateko musika jorratzea. Momentua heldu zenean, bakarka agertzea hoberena iruditu zitzaidan proiektu biak ezberdintzeko. Batean zein bestean halako jendearekin ibiltzea bedeinkapena da, kondena baino.
Dena den: zure izen-abizen horiekin, bizitza ziklikoa dela pentsatuko duzu…
Baina ez du esan nahi bueltan datorrena aurrez ezagutzen duzunik. Momentu guztiak diferenteak dira, nahiz joerak errepikatu. Bigarren aukerarik gabe... nola demostratu ikasi duzun ala ez? Beharbada izenarena ez da kasualitatea.
Musikari modura “ezaguna bezain ezezaguna” zarela esango nuke. Zure bertsioa entzun nahi dut…
Diesel naizela esango nuke. Apurka-apurka bere bidea egiten ari den tipoa. Honetan presa ez da batere ona. Alde horretatik nahiko pozik nago. Iragarkian bezala, “gaur atzo baino gehiago ezagutzen zaitut, baina bihar baino gutxiago”. Honelako joera den bitartean seinale ona!
Jeff Buckley edota Elvis Costello aipatu izan dituzu maiz. RRk zer dauka… haiek ez daukatena?
Batez ere... asko ikasteko! Gizabanakoak beti dauka eskaintzeko beste inork eskaini ezin duen zerbait. Ez naiz Elvis Costello bezain kantugile ona, ezta Jeff Buckley bezalako kantari aparta. Horrela ez balitz ere, derrigortuta nengoke ezberdina izatera, nire bizipenak bestelakoak direlako. Ekinaren ekinez norberaren kutsuek izaera propioa hartzen dute bukaeran.
Euskal Herrian inor al zaizu eredugarri?
Hainbat jende. Mikel Laboa edo Ruper Ordorika, Anari, Joseba Irazoki edo Saioa izeneko kantari berria. Sorkuntza mailan garenaren isla baino, izan gaitezkeenaren isla garela uste dut.
Euskara “mundua ikusteko modu bat” dela aldarrikatuz emanaldiak eskaini zenituen (Kirmen Uribe eta Mikel Urdangarinekin) Dublin, Berlin, New York, San Frantziskon… Tesia demostratu nahian?
Buelta ugari eman ditugu Zaharregia… emanaldiarekin, oso esperientzia ederra izan da, konplexuak kentzeko baliagarria. Euskara mugatzat hartu ordez, hizkuntzaren erakargarritasunaz konturatzen lagundu digu, poesia edo musikaren balio unibertsalez aparte.
Espainolez abestu izan bazenu...
Beste nonbait jaio banintz bezalako hipotesiekin espekulatzea da. Hizkuntza aukeratzean zintzotasun ariketa dago, zure produktuaren zintzotasunerako erabakigarria dena.
Alega, Mungian jaio izana tokatu ez bazitzaizun, non jaio nahi izango zenukeen?
Mmmm... beharbada Islandian. Handik heltzen den guztiak kuriositate handia pizten dit, mendebaldean zabalduta dagoen globalizaziotik apur bat aldenduta ikusten dut, baina ez inkomunikatua. Erakargarri eta misteriotsu.
Bakarlari gisa arrakastara behartuta al zaude?
Behartuta… Arrakasta modu askotara ulertu daiteke. Norbaitek zure disko baten kostua ordaintzea bada arrakasta. Gezurra litzateke jendearen onarpena behar ez dudala esatea, baina niretzat apurka-apurka haziz joatea eta maite dudan hau egiten jarraitzeko aukera izatea da arrakasta.
Argentinako Abokatuen Gremioa erakundean egiten du lan Laura Taffetanik (Buenos Aires, Argentina, 1963). Gobernuaren errepresioa pairatu duten maputxe ugarirekin lan egin du azken urteetan, eta Askapena antolakundeak antolatutako topaketa antiinperialisten barnean izan da Euskal... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Aurtengo berritasuna da. Ahobizi eta belarriprest rolen artean aukeratzeaz gain, herritarrek Euskaraldia Hikan parte hartzeko aukera izango dute. Hitanoa erabiltzen ez den herrietan, toka eta noka, bien erabilera bultzatuko da, eta hitanoa bizirik dagoen herrietan nokaren... [+]
Interview. Urez eta hondarrez
Egileak: Telmo Irureta eta Mireia Gabilondo.
Aktoreak: Telmo Irureta eta Dorleta Urretabizkaia.
Zuzendaria: Mireia Gabilondo.
Konpainia: Tentazioa.
Noiz: apirilaren 2an.
Non: Victoria Eugenia Klub Aretoan,... [+]
Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]
Galdera batzuen aurrean, behin eta berriz helduok ume sentitzen garela dio Iñigo Martinezek, “bizitza zulo existentzialez beterik” dagoelako. Galderaz galdera "behin-behineko erantzunen bila" aritzeko asmoa du irakasle eta filosofoak. ARGIA... [+]
Euskal Herriko Laborantza Ganberak hogei urte bete ditu. 2005ean sorturik, bataila anitzetatik pasa da Ainiza-Monjoloseko erakundea. Epaiketak, sustengu kanpainak edota Lurramaren sortzea, gorabehera ainitz izan ditu hogei urtez.
Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Araba, Bizkaia eta Gipuzkoako hezkuntza publikoko irakasleek urtarrilean abiaturiko greba zikloaren bigarren kolpea amaitu eta biharamunean deitu du bilera Eusko Jaurlaritzako Hezkuntza Sailak. Begoña Pedrosa sailburuak adierazi du "akordio bat lortzeko nahia"... [+]