Masterra komunikazioan trebatzeko
- Euskal Herriko Unibertsitateko Gizarte eta Komunikazio Zientzien Fakultateak antolatu duen master profesionalak “Euskarazko komunikazioa eta hizkuntza gutxituak” du izena. Helburua: aro digitalaren garai honetan kazetari onak eta euskaldunak trebatzea.
700 kazetari inguru ari da komunikazioaren alorrean euskaraz lanean. Asko hobetu da urteotan, baina asko dago egiteko, hala uste du behintzat Txema Ramirez de la Piscina EHUko irakasle eta masterraren arduradunetako batek. 2007-2008 ikasturteko masterraren bidez indarguneak sendotu nahi dituzte eta gabeziak estali.
Unibertsitatetik kanpo, laguntza ekonomikoa eskuratu du masterrak Eusko Jaurlaritzako Hizkuntz Politikarako Sailburuordetzaren bidez. Bestalde, hainbat enpresa eta erakundetan praktikak egin ahal izango dituzte ikasleek: EITB, Berria, Argia, Elhuyar, Topagunea, Aldaketa 16, UEU, EHU eta Eusko Ikaskuntzan.
56 irakasle arituko dira ikasgaiak ematen, horietatik 39 EHUkoak izango dira eta 26 kanpokoak. Hizkuntza gutxituei buruz hitz egitera Katalunia, Galizia eta Asturiastik etorriko dira irakasleak, Tarragonako, Santiagoko, eta Valladolideko unibertsitateetatik. Hizkuntza gutxituek toki berezia izango dute masterrean eta derrigorrezko ikasgaien artean bi, horiei buruz izango dira. Batetik, Europar Batasuneko hizkuntza gutxituetako mapa orokorra ikasiko dute, eta bestetik, Espainiako kasua aztertuko. Derrigorrezko ikasgai izango da baita ere Berridazketa tailerra eta Komunikabideetako euskara ikasgaia. Ramirez de la Piscinari galdetu diogu ea zer dela eta dauden hizkuntzari zuzenean lotutako hainbeste ikasgai derrigorrezkoak. Aitortu digu, oraindik ere, hainbat ikaslerentzat euskara bera menperatzea erronka dela. Hautazko ikasgaien artean askotarikoak daude: Ziberkazetaritza, Edizio digitala, Hedabide elektronikoak, Diseinu grafikoa, Zientziaren dibulgazioa, Zinema-kritika... Aukera asko, baina Ramirez de la Piscina irakasleak bi esparru nabarmendu dizkigu. Batetik, zientziaren dibulgazioa, “ikasleak oraindik ere izutu egiten dira zientzia dibulgatzeaz hitz egiten hasten garenean”. Bestetik, master honetan garrantzi handia dauka Internet munduak, euskarri digitalak... teknologia berrien munduan, aro digitalean bizi baikara.
Masterrean era askotako ikasleek eta orain ikasle ez direnek eman dezakete izena. Kazetaritzan, Ikus-entzunezko Komunikazioan edota Publizitatea eta Harreman Publikoetan lizentziatu diren ikasleek sarbide zuzena izango dute. Komunikazio ikasketak egin ez dituztenek ere sarbidea izango dute, baina atari-proba gainditu beharko dute. Lizentziatu berri ez direnek ere, masterra egin dezakete, alegia, lanean ari diren profesionalek.
Guardia Zibilaren historia bat - Hemendik alde egiteko arrazoiak izenburupean, datorren astean argitaratuko dugun 305. LARRUN aldizkariaren pasarte batzuk dira ondorengoak, erakunde armatuaren sorrera garaietan girotutakoak.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
ELA sindikatuak azaldu duenez, azken Lan Eskaintza Publikoaren oinarrien arabera, Ertzaintzarako eskainitako lanpostuen %20ak eta Udaltzaingoaren %30ak ez daukate euskara-eskakizunik. Gasteizen, adibidez, udaltzain-lanpostuen erdietan, 24tan, ez dago euskara-eskakizunik.
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Inoren Ero Ni + Lisabö
Noiz: martxoaren 14an.
Non: Gasteizko Jimmy Jazz aretoan.
----------------------------------------------------
Izotz-arriskuaren seinalea autoko pantailatxoan. Urkiola, bere mendilerro eta baso. Kontzertuetara bideko ohiko errituala: Inoren... [+]
Euskalgintzak Senpereko Larraldea etxea faltan botako du. Uda gabe, Bertsularien lagunak, bertan gelditzen den azken elkarteak, lekuz aldatuko du eta etxea hetsiko dute. Euskararen, euskal kulturaren eta arteen ohantzea izan da Larraldea, urte luzetan Andoni Iturrioz mezenasak... [+]
Berrogei urte dira Euskal Herrian autismoaren inguruko lehen azterketak eta zerbitzuak hasi zirela. Urte hauetan asko aldatu da autismoaz dakiguna. Uste baino heterogeneoagoa da. Uste baino ohikoagoa. Normalagoa.
Txinparta izeneko prozesua Martxoaren 21ean hasiko da eta urte bete iraungo du. "Udaberriaren hasierarekin batera proiektu herritar berri bat" aurkeztu nahi dutela adierazi dute.
PP, Vox, Junts eta EAJren botoekin Espainiako Kongresuak onartu du otsoa espezie babestuen zerrendatik ateratzea eta, horren ondorioz, berriz ehizatu ahal izango dute Duero ibaitik iparrera.
Itxaron zerrendak gutxitzeko Osasunbideak hartutako estrategiak gaitzetsi ditu Plataformak
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]