“Gure bizitzan guk izan behar dugu protagonista”
- ADSL-a iritsi ez den herri bateko plazan hormigonera bat dago. Hormigoneraren gibelean beti zabalik dagoen ate bat, eta atearen atzean, Asisko, teoria fartsanteen faktoria.
Aldatuzale kroniko bat omen zara.
Nik ez dut deus sinatu betirako ezta nire buruarekin ere.
Baina Iruñeko harresietatik jauzi egitea ere...
Nire bizitzan egin dudan obra artistiko on bakarra izan da.
Ederra zure koadrilakoa izatea!
Niretzako koadrila oso eremu kastrantea da. Koadrilismoa borrokatu behar da. Elektroi autonomo eta autogenoaren figura askoz gehiago interesatzen zait.
Irudigintzatik bizi den elektroia?!
Egiten dakidan gauza bakarra izateaz gain, komunikatzeko nire neurrira egindako bitartekoa da. Baina ez naiz bizi maite dudanetik bakarrik.
Langilea zarela, alegia.
Ideologiaz eta militantziaz lana deuseztu behar dela uste dut baina lanak on egiten dit. Oso autodiziplinatua naiz.
Zure buruari prezioa jartzeko beste?
Formakuntza bat egin behar nuke planeta honetan bizitzeko. Ez dakit prezio bat negoziatzen, ez saltzeko, ezta erosteko ere.
Eskerrak Kukuxumusu daukazun!
Jesukristok berak lortu ez zuena lortu du Kukuxumusuk: mundu guztiarekin ongi konpontzea.
Jesukristoren miraria, helduentzako euskarazko liburu ilustratu bat!
Urteetako nire aldarrikapena da. Zergatik kondenatu gaituzte helduak irudirik gabeko adreiluak irakurtzera?
Komikiaren feria indartsu bat ez dagoelako, agian?
Feria baten atzean, produkzio sendo bat, industria bat, eta profesional saldo bat egon behar da. Ez gaitezen engaina, Euskal Herrian ez dago.
Baina Euskal Herrian Gartxot dago.
Sintomatikoa da. Frantzian eskatu duela hiru urteko liburu bat eta erranen dizute begiratzeko Interneten.
Napartheid bat eskatuz gero orduan...
Gure ekimen bat izan zen. Ez ginen nork kontratatuko zain egon. Egin nahi genuena egin genuen. Gure bizitzan guk izan behar dugu protagonista.
Eta protagonista gure baitako filologoa denean...
Hori kalitu behar da, garbitu.
Baina ez al genuen euskara informala sortu behar?
Kasurik makurrenean erderetara jotzen dugu eta kasurik onenean euskalkietara. Baina jakina, hemen funtzionatzen duenak ez du baitezpada han funtzionatzen.
“Han” ez da “Iparraldean” izango?
Iparraldekoak kontutan ez hartzeak automatikoki egiten nau espainolagoa.
Noizko Asisko Euskaltzain?
Ez naiz Jaurlaritzaren eledun, ezta Diputatu Nagusiaren emazte ere. Baina hautagaitza jasatekotan, Txillardegiren oinetan pausatuko nuke.
Nik uste nuen edozertaz egin zitekeela irri.
Euskal Herrian ere bai?
Apologiaren legeak distortsionatzen du dena. Nik banituzke gauza batzuk ETAri leporatzeko, baina ez zait interesatzen kontra mintzatzea alde mintzatzea debekatua dela jakinik.
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
WordPress-en formularioak sortzeko Ninja Forms pluginaren euskaratzea utzita zegoela ikusita, Iametzak bere gain hartu du itzulpena eguneratzeko lana.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Joan den asteartean, hilaren 31n, Boli Kostako presidente Alassane Ouattarak iragarri zuen bertan behera utziko zituela Frantziarekiko harreman militarrak. Horren ondorioz, datozen asteetan 1.000 bat soldadu frantses atera beharko dira herrialdetik.
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Kanboko Marienia eremuan etxebizitzak eraikitzeko proiektua badu Bouygues Immobilier agentziak. "Elkarlanaren bidez" zein "indar harremana" mantenduta, proiektua ezeztatzeko borroka eramateko determinazioa plazaratu dute adierazpen bateratu... [+]
Goldatz talde feministak antolatua, ortziralean, urtarrilaren 3an, Jantzari dokumentala proiektatuko dute Beralandetan (17:30ean) eta biharamunean, urtarrilaren 4an, Berako bestetako tradizioak aztergai izanen dituzte Maggie Bullen antropologoarekin leku berean (10:30).
NASAren Parker zunda 6,1 milioi kilometroko distantziara arte gerturatu da Eguzkiaren azalera, bere misioaren lehen gerturatzean. Hala, Eguzkitik inoizko gertuen egon den objeku artifiziala bilakatu da. 692.000 kilometro orduko abiaduran igaro da, eta jasotako datuak funtsezkoak... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.