Arriskuetatik datoz aukerak
- Pasa den urteak prozesu politiko berri baten abiapuntua izan zitekeena ezagutu zuen. Baina gerokoak ikusita argi dago trabaz beteriko bidea ezin zela egokia izan aurrera begirako bideak zabalduta utzi behar zituen prozesu batentzat. Eta orduantxe gertatu zen, aireportu hartan, ezusteko latza.
Bidea oztopoz betea denean astinduren bat ematea ona ez ezik beharrezkoa ere izaten da, prozesua bere horretan usteldu ez dadin; kontua baina, zera da, zeinek astindu behar du? Aspaldian da politikarako garaia, gero eta gehiago gainera, politika astintzailea eta gizartearekin bete-betean uztartua. Ez zen lehergaien erantzunerako unea, gizartearen sektore konprometituen erantzunerakoa baizik. Balizko abangoardiek bazter geratu behar dute, bidearen zabala gizarteak hartu behar duenean.
Baina urte berrian gara, gertatua gertatu ondorengo urtean. Han-hemenka badira esanak, erabakiak, ustezko mugimenduak, pasa den urteak hasieran ezagutu zituen haien modukoak. Jakiterik ez da, ordea, balizko sukaldeetatik kanpo, ia oraingoak inflexiorako gutxienezko zantzu legez hartu behar diren ala hartu-emanik gabeko elementuak diren. Berdin gertatzen zait klima aldaketarekin euri-jasa gogorrak direnetan. Kasuala ala kausala? Edozein kasutan, argi dago aurrerakoa ezin dela atzerakoa bezala izan, hark utzitako lohietatik atera gura badugu. Oraingo konpromisoek konprometituagoak izan behar dute, alde guztientzat, bidea zabalduko bada behingoz. Esan eta egin, hitza bete.
Hortaz, zenbat eta konprometituago hainbat eta aukera gehiago zabaldu behar dira, helburuak baztertu gabe helbideak zehaztuz. Independentzia eta Sozialismoa dira ezker abertzalearen betidaniko helburu estrategikoak. Bigarrenari ez bezala lehenengoari ez zaio edukietan gizentzeko aukera handirik eman, Lurraldetasuna eta puntu. Horrexegatik ditut gogoko ezker abertzaleak berrikitan aurkeztutako autonomia proposamenak, iparrerako eta hegorako. Anoetan esana zen, gaurko errealitatetik abiatu behar dugula, jakina!, biharko errealitatea bestelakoa egin dezagun. Autonomia proposamenok gaurkoa dute abiapuntua, eta biharko eszenatoki diferente baterako aukera zabaltzen dute, proiektu guztiontzako aukera bera, gaurko komunitate desberdinen erabakitzeko ahalmena onartuz. Demokrazia hutsa.
Trantsizioaren beharra aipatu da asteotan, inoiz baino gehiago, seguruenik, eta bai, bada politikarako garaia, baina trantsizio-bideak zabaldu eta ibiltzeko garaia ere bada oraingoa. Akabo zuri-beltzeko politika zaharra, horrenak egin du. Proposamenetan arriskatzeko garaia ere bada, Irlandan legez, arriskatzeak astindua dakar eta astinduak aukerak. Sutan jartzean probatzen da nolakoa den eltzea. Bakoitzaren eltzea, guztion sutan. Hemengo eragile guztiek ez dute arriskatzeko gogoa agertu, baina agertu beharko dute, arriskatzen dutenek behartuta.
EAEko haurren %6,4ak eta Nafarroakoen %10,2ak ikusmen pobrezia du. Visión y Vida elkarte espaniarrak egin du estatuko azterketa. Txostenaren arabera, ikusteko arazoak dituzten haurren eragozpen larriena da ez duela minik egiten, eta familiek, baliabide ekonomikorik ez... [+]
Urtea bete da Hamasen urriaren 7ko erasoak gertatu zirenetik. Ordutik, Israelek Gaza suntsitu du eta guda inguruko herrialdeetara zabaltzen ari da pixkana. Urtebete honetako gertaera nagusiei errepasoa emango diegu kronologia honetan.
Memoria osoa ekimenak salatu du biolentziaren biktima izan direnen arteko desberdintasunak bultzatzen ari direla hainbat instituzio, eta norabide hori zuzentzeko deia egin du. Ekimenak estatuen biolentziaren hamabost biktima elkarte biltzen ditu. Urriaren 12an Guardia Zibilak... [+]
Bi T10 pistola elektriko erosiko ditu udalak, baina beste sei erostea eskatu dute poliziek. Arma zurien erabileraren ustezko gorakada hartu dute aitzakiatzat, erabilera justifikatzeko. Gero eta udaltzaingo gehiagotan ari dira taser pistolak eskuratzen; Ertzaintzaren BIZKOR... [+]
Arabako Mendiak Aske elkarteak zorionak eta eskerrak eman nahi dizkio Arabako Foru Aldundiko Natura Ingurunearen Zerbitzuari, Bonelli arranoa gure lurraldean berriro sartzeko Aquila a-Life proiektuarekin lortutako arrakasta dela eta.
Guztiz kontziente gara proiektu honek... [+]
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Maria Elena Escudero 56 urteko emakumea azkenean Mendigoiti ikastetxeko bere garbitzaile lanera itzuli behar izan da ostegun honetan, Iruñeko Mendillorri auzoan. Asteazkenean ez joateko esan zioten Zaintzen enpresakoek eta ostegunean berriro baietz, aurkezteko lantokian.
Alzheimerraren inguruan haurrekin naturaltasunez hitz egitea du helburu ‘Arrain bat bezala’ antzezlanak. “Zenbat eta lehenago landu orduan eta gutxiago estigmatizatzen da”, nabarmendu du Ana Maestrojuán zuzendariak.
Lanopor egun batzuk izan nituen joan den astean. Oporrak ziren, baina ordu batzuk dedikatzen dizkiodan afizio bati emanak izan ziren, biltzar batean inbertituak: hotelean lo eta hotel bereko areto batean jardunaldiak goiz eta arratsaldez. Ordu gutxi batzuk geratzen ziren hiria... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Uri Tzafon 2023ko martxoan sortu zen, ehunka batzuk kide dira, baina milaka jarraitzaile ditu jada eta tinko jarraitzen du bere ideia nagusia saltzen: Libanoko Litani ibaitik hegoalderako lurraldea Galilearen iparraldea da, beraz, "koloniza dezagun".
EAEko Justizia Auzitegi Nagusiak atzera bota du UGT sindikatuak Euskotreneko egonkortze prozesuko euskara eskakizunen aurka egindako eskaera. UGT sindikatuak horren aurka eskaria egin zuen eta epaileak azpimarratu du eskakizunak UGTk berak sinatutako lan-hitzarmenean onetsita... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]