Kulturaren hari@ri tiraka
- Egunero, astelehenetik ostiralera Euskal Kulturaren Hari@k hainbat euskaldunen postontzi elektronikoak bisitatzen ditu, euskal kulturaren inguruko albiste, iritzi eta adierazpenak eskainiz. Kulturarentzat egun guztiak berdinak ez diren arren, Hari@ buletina zortzi urtetan etengabeko jardunean aritu da. Datorren martxoaren 16an jardun horretan beste aurrerapauso bat emango du, euskal kulturaren esparrua gaindituz eta itxura guztiz berriturik.
Goizeko 8:00ak dira. Argiako erredakzioko mahaian eguneko prentsa zabalik dago eta kazetariak berau irakurtzen ari dira. Ez dute denborarik kafea hartzeko, ondo gosalduta etortzen dira lanera, egiten duten lanak urgentzia dauka-eta. Prentsa irakurri ondoren, Interneteko komunikabideak gainbegiratuko dituzte, eta euskal kulturarekin zerikusia duten albiste, iritzi, adierazpen eta aldizkari ofizialetako informazioa aukeratu, erredaktatu eta loturez hornitu behar dute. Pixkanaka-pixkanaka Euskal Kulturaren Hari@ buletina osatzen joango dira. Albisteak idatzi ahala Sareko Argian (www.argia.eus) argitaratuko dira lehendabizi eta 11:00ak aldera buletina 2.300 harpidedun baino gehiagori banatuko zaie. Orduan bai, kazetariak kafe-makinara gerturatuko dira.
Doako harpidetza bidez zabaltzen den Hari@ buletinak euskal kulturaren egunerokotasuna jasotzen du. Hasieran papereko komunikabideetako informazioa baino ez zen biltzen, baina gaur egun sarean argitaratzen diren komunikabideak ere jasotzen ditu buletinak.
Martxoaren 16tik aurrera berriz, hainbat berrikuntza ekarriko dizkio Hari@k irakurleari. Itxura berria izango du, edukiak beste modu batera antolatuko dira eta Euskal kulturaren esparrua gainditzera datozen bi atal berri gehituko dira astean behin: Blog Miran eta Hari@ri tiraka.
Atal berriak: Blog Miran eta Hari@ri tiraka
Biak ostiraletan gehituko zaizkio Hari@ buletinari. Batak munduko hainbat blogen artean aukeratutako hamar titular inguru bilduko ditu, dagozkion loturekin. Besteak, Hari@ko harpidedunak Sareko Argiara hurbiltzea du helburu. Hau da, Sareko Argian argitaratzen diren eta orain arte buletinean bidali ez diren hainbat eduki bilduko ditu: larunbatetan sareratzen den Sarekada (www.argia.eus/sarekada.php) erreportajea, igandetako Net Hurbil (www.argia.eus/nethurbil.php), euskal kulturaz gain egunero lantzen ditugun bestelako albisteak eta abar.
Hala, bai Blog Miran zein Hari@ri tiraka atalek euskal kulturaren esparrua gaindituko dute, harpidedunari orain artekoa baino informazio zabalagoa eskainiz.
Diseinu eta edukien antolaketa berria
Azkenik, itxura ere berritua izango du Hari@k. Diseinu berriak iaz aurkeztu zen Sareko Argia berriaren estetikari jarraituko dio eta edukien antolaketa aldatu egingo da. Aurrerantzean albiste, iritzi eta adierazpenak gaika antolatuko dira. Baina eguneko albiste bat edo batzuk ere nabarmenduko dira, aktualitateak hala eskatzen badu.
Heriotza-zigorra eskatzeko argudio gisa, "indarkeria politikoko ekintza" izan zela adierazi du AEBetako Fiskal Nagusiak.
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Ion Aranburu koma egoeran eta ZIUan ingresatuta egon zen hainbat astez, erasoaren ondorioz.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Lineal A duela 4.800-4.500 urte erabilitako idazkera minoikoa da. Berriki, Kretako Knossos jauregi ezagunean, bolizko objektu berezi bat aurkitu dute, ziurrenik zeremonia-zetro gisa erabiliko zutena. Objektuak bi idazkun ditu; bata, kirtenean, laburragoa da eta aurkitutako... [+]
Londres, 1944. Dorothy izeneko emakume bati argazkiak atera zizkioten Waterloo zubian soldatze lanak egiten ari zela. Dorothyri buruz izena beste daturik ez daukagu, baina duela hamar urte arte hori ere ez genekien. Argazki sorta 2015ean topatu zuen Christine Wall... [+]
Nafarroako Erriberako Andosilla herrian, sorpresa ugari ematen ari den indusketa arkeologikoa egiten ari dira Aranzadiko arkeologoak eta herritar boluntario taldeak. Resako aztarnategian orain arte oso ezezaguna zaigun Goi Erdi Aroko gizarteak hobeto ulertzeko aztarnak aurkitu... [+]
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Araba, Bizkaia eta Gipuzkoako trans pertsonei zuzendutako protokolo asistentziala eguneratzea da helburua. Lehen Mailako Arretako Taldeak (LMAT), trans pertsonentzako Lehen Mailako Arretako Zerbitzu berriak (tLMAZ) eta Gurutzetako Unibertsitate Ospitalean dagoen Genero... [+]
Jaurlaritzak ziurtatu du itxaron-zerrendak bi hilabetetik behera jaitsi direla azken hiruhilekoan. Manu Lezertua EAEko arartekoak, berriz, beste datu bat nabarmendu du herritarren kexei buruzko urteko txostenean: Osakidetzari dagozkion kexak %70 igo dira, eta batez ere... [+]
Gozamen aparta bezain deskribatzeko zaila dakar, norbaiten hitzak irakurri edo entzun ostean, zera pentsatzeak: “Horixe zen neu aurreko hartan azaltzen saiatu nintzena!”. Idazlea eta itzultzailea da María Reimóndez, eta galegoz aritzen da, hizkuntza... [+]
Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]
Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.
Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]