Karrantzatik Garazira Bardeatik barna
- Ez nabil, ez, Korrikaren ibilbidea aldatzen. Korrika abiatuko da Karrantzan eta Iruñean amaituko, igaroko da Donibane Garazitik eta utziko ditu Bardeak eskuinean Tafallatik Tuterarako bidean. Azkenaldian egin ditudan ibilien triangelua da izenburukoa.
Korrikaren abiapuntu izango den aitzakian joan nintzen, Karrantzara, hori bai. Bilbotik mendebalderantz paisaia aldatuz doa. Hasten dira ikusten eukaliptoak. El Mazo eta Ranero artetik sartu, ibaia beti bidaide, eta zoratzeko moduko sare bat da Karrantza, Kontxatik, erdiko gunetik, norabide guztietan zabaltzen dela. Lurraren erraietan Pozalaguako estalaktita eszentrikoek ehundaka, edo akaso milaka aldiz biderkatzen dute egitura erradial hori. Irudimen aberatsenak ere nekez sortu ahal izango luke grabitatearen legeak auzitan jartzen dituen kapritxoa. Lur azalean beste eszentrizidade bat, Sopeñako artadia, gune mediterraneo bat Kantauriren erreinuan.
Donibane Garazin, hamalau artista Emazteen artea erakusketan. Zaharrena, Marie-Hélène Gastigard, Kanbokoa, 36ko Gerrako iheslarien laguna, haietako bat hartu zuen senartzat, Jesus Etxebarria eskultorea, Baranbioko arabarra, gudari ohia. Gazteena Zoe Bray, Europan aldenik alde etxeko pasiloan bezala ibiltzen den margolaria, Izuran pausalekua jarri berri, Donostiako Artelekura etorri nahi luke egonaldi bat egitera. Tartean Angela Moreno nafarra, Uhartekoa, eta Rosa Valverde donostiarra, Azkainen bizi. Frantsispana lardatuz hitz egin dut gainerakoekin: Christine Etchevers, Kanbokoa hau ere; Florence Etchart, Altzürükün bizi den bordelesa, Maurice Béjarten taldeko dantzaria izana margotzen hasi aurretik; Jacqueline Lebrun, baionarra sortzez, bizitza Parisen egin eta orain Lekunberrin kokatua, Donapaleuko gau-eskolako ikaslea...
Josette Dacostak aurkeztu dizkit banan bana, Etxea behin eta berriz margotzen duen artista etxekoandere paperean, erakusketa antolatzen ere ibili baita. Perfumez perfume, glamour tantak darizkie bizitzaren erditik aurrera doazen emakume artista hauei. Zenbaitzuk han-hemenka ibili eta gero hautatu dute Euskal Herria bizitzeko. Askok daukate familiaren historian Iparraldeak bizi izan duen emigrazioaren arrastoa. Ia denek dute aitatxi edo amatxiren bat euskaldun garbia omen zena. Tamalez, diote, eten zen katea.
Arguedaseko kafean berehala antzeman digu Marian La Pinturerak: “vosotros sois vascos, ¿de San Sebastián o de
Gas-te-iz?”, silaba bakoitza ondo ahoskatu nahian. Ez zuen asmatu; nafarrak dira Artamugarriak taldeko artistak, erdiak-edo euskal hiztunak, bere kasa ikasi duen Patxi Aldunate barne. Bakearen eta demokrazia parte hartzailearen alde dihardute, eta ekainean egin asmo duten ekintza prestatzera joanak ziren Bardeatara. Mendebalak ekarritako euripean, goardia zibilekin topo. Eskerrak natura babesteko taldekoak ziren goardia zibilak, txikizioan ibili ohi diren moteroen ordez, artista bakezaleen taldea geldiarazi eta identifikatu behar. Haiek ere, Marianek bezala, “son vascos” pentsatu zuten nonbait, ikurriñaren lekuan Afrikako tribu galdu bateko bandera baldin bazeramaten ere furgonetan artistek.
Karrantzatik Garazira, Bardeatik barna, vasco, basque eta euskaldun, euskal herritar izateko hainbat modu, mila ñabardura. Paisaiaren forma, egitura, kolore eta usainak adina.
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
24 talde berri iragarri ditu Hatortxu Rock elkartasun jaialdiak. 63 talde iragarri dituzte dagoeneko eta guztira, 100 talde izango dira jaialdiko bost eszenatokietan.
Izaki Gardenak
Noiz: apirilaren 20an.
Non: Iruñeko Gazteluko Plazan.
-----------------------------------------------
Ordu erdia baino ez da falta Iruñeko Gazteluko Plazan kontzertua hasteko; baina erdi hutsik da oraindik, euria ari baitu. Porlanezkoa nahiz ez den,... [+]
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]
Bizkaian eguneko zentro publikorik ez duen eskualde bakarra da. Elkarretaratzea eginen dute apirilaren 27an, 12:00etan, Sopelako (Bizkaia) Udaletxeko plazan.
2026ko hauteskundeei begira, zutabe bat ireki du Enbata-k. Plantan emanak izanen diren zerrenda abertzaleen hautagaiei ideia kutxa bat eskaini nahi die, beren programak Herriko Etxeen eskumeneko sail ezberdinetan eraikitzeko. Hilabete honetan, Herriko Etxeek euskararen alde egin... [+]
Urduñako 2022-2042 Onura Publikoko Mendia Antolatzeko Planaren parte da ekintza, eta Eusko Jaurlaritzako Ingurumen Sailaren babesa eta Bizkaiko Foru Aldundiko Mendi Zerbitzuaren laguntza jaso du.
Alain Esquerrek idatziriko Le silence de Bétharram (Betharramgo isiltasuna) liburuan eman du lekukotza Helene Perlantek, François Bayrouren alabak. 1980ko hamarkadan egon zen ikastetxe katolikoan ikasle eta berrogei urte luzeetan isilik atxiki ditu bertan jasandako... [+]
Urtarrilaren 29an, gaur egungo mundu berekoi honetan ohituta ez gauden zerbait gertatu zen Laudioko Guardian lantegiaren atarian. Zuzendaritzak hango labea itzaltzeko asmoa erakutsi zuen, eta horri aurre egiteko, langileek atea blokeatu zuten pankarten bidez. Baina ez zeuden... [+]
Israelgo IMI Systems enpresarekin Espainiako Barne Ministerioak egindako bala erosketa bertan behera uztea agindu du Pedro Sanchez Espainiako Gobernuko lehendakariak. PSOEren eta Sumar-en arteko gobernu koalizioan zegoen apurketa arriskua baretu du erabakiak.
Ipar Euskal Herriko ikastolen aldeko bestaren 42. edizioa iraganen da maiatzaren 11n Senperen.
Bilbotik abiatu eta Barakaldoko ITP Aero eta Getxoko Sener enpresen paretik pasako da bizikleta martxa, bi enpresa horiek "ekoizpen militarraz arduratzen direlako", antolatzaileen aburuz. Azken aldian ematen ari den armamentu gastuen hazkundea salatzeko protesta izango... [+]
Aurten 1.500 ardi inguruk zeharkatu dute Kale Nagusia, bost artaldetan banatuta. Idiazabal Gaztaren denboraldi berriaren aurkezpen ofiziala egin da, udaletxean. Garena Jatetxeko Julen Bazek eta Peli Perez de Anuzitak moztu dute gazta.
1997an plazaratu zuen Maddi Oihenartek (Barkoxe, 1956) lehen diska, Lurralde zilarra, Mixel Arotze eta Mixel Etxekoparrekin batera. Txiki-txikia zenetik barrenean dituen paisaiak, isiltasunak eta soinuak partekatzen dizkigu kantuan ari denean. Kantatzean aurreko ahotsen... [+]