Ho, ho, ho
- Ho! Pitxu azkenean ez da hil. Hil bai, baina medikuek berpiztu ere bai. Abokatuek orain ez dakite testamentua zer egin, indarrean dagoen, aplikatzerik baden, zer araudiren arau, jurisprudentziak horrelakoez zer dioen, aurrekaririk dagoen, Pitxuk berrestu beharko duen, berrilko denerako, testamentu zaharra, testamentu berria. Epaitegira eramatekotan ere omen daude.
Lucia eta Julia, haren alabak, hasiak ziren, Inaziok iradoki modura, aitarendako eresia bat osatzen. Zinezkoa zuten mina, aita hil berri zitzaielako; eta min zinezkoa dute orain ere aita berriz haiekin dutelako. Eresia zaharra ere, min zaharra, ez dakite zer egin. Pentsatu dute, C. S. Lewisen Una pena en observación eta Albert Caracoren Post-mortem irakurri dutelako akaso, hildakoarekiko pena beti dela egiazko bezain egoista, eta beti dela iraunkor bezain iragankorra: “eskatzen nuen itzul zedin bizitzara, baina harengan pentsatu gabe, niregatik”, “bera hil da, eta bizitzan gaudenoi bi irtenbide baino ez zaigu geratzen: geure burua ere su metara botatzea, Indiako alargunak behinola bezala, edo kea oraindik darien hondarrei bizkarra eman”. Baina ez dakite alaba zintzoek zer pentsatu berpiztuarekiko penaz, ez dakite, Inazio, zer idatziko.
* * *
Ho, ho. Houston, we have a problem. Ttakun honen egileak ez daki nola jarraitu aurrera. Zaila da ttakungintza gero! Gaurkoan ttakun baino herrenagoka dabil. Aukera polita eskaini dio Itxaro Bordak besteen lotsariak agerian uzteko, baina Pitxu nor den dokumentatu behar izan du, eta arazoa, ahal bezala, konpondu du.
Ttakun honen egileak aitorpen bat egin nahi du. Duela hamar urtetik baino ez da euskalduna. Hots, ez da euskalduna, edo ez da nahikoa euskalduna erreferente guztiak atzemateko. Bere buruari galdetu dio Pitxuk zer utziko liokeen testamentuan. Oraintsu arte, esaterako, Filipe Bidart nor zen ere ez zekien, aditzea ere ez zuen zenbat denbora zeraman kartzelan. Hainbat harrituko da. Orain, berriz, jakin du –ez dago dena galduta, heziketa etengabea da–, egunkarietan adierazpenak irakurri ditu, astekari honetan ere haren aldeko omenaldien berri. Ez pentsa, Itxaro, Iparraldeko notizia izateagatik ez nekiela haien berri. Hegoaldeko hainbatekin ere gertatzen zait berdin.
Aldarrikatu gura nuke euskaldun berriaren autonomia estatutu bat, ez al ginen euskaldunak horren berezi zaleak? Euskalduntasun biribila osatzeko bidean lehen geltoki lasaia, zeinaren arabera giri nortasuna aitortuko zaigun, nazionalitate bikoitza, edo ikusiko dugu zer, bi ergatibo orduko huts egiteko eskubidea, ama hizkuntzako iruditeria gurekin –behin-behinekoan bederen– ekartzeko eskumena, hitz eginez baino idatziz trebeagoa izateagatik diskriminatua ez izatekoa. Ama hizkuntza ere ez dudan alemaneraz, bestela, zergatik daukat, euskaraz ez dudan eskubidea alemana ez izatekoa?
* * *
Ho, ho, ho! (and a bottle of rum). Inazio Mujikak arretaz irakurri du ttakun iritsi berria. Zeri lotu darabil buruan, Itxaroren proposamen iradokitzaileari, Angelen saio huts egindakoari, hari berri bat hasi, hiru gauzak batera egin. Aste osoa du horretan pentsatzeko. Ttakungintza zaila da, gero. Tximeleta efektuaz oroitu da, norbaitek botatako zerbaiten ondorio espero gabekoez, baita norbait hori desagertu denean ere. Ondorio espero gabeak. Seme-alabak direla. Direla idazkiak. Aste osoa du horretan pentsatzeko.
Scientia funts pribatuak Bilboko San Pedro Apostol eskola erosi, eta langileen eskubideak eta hezkuntzaren kalitatea hondatu dituela salatu dute. Bederatzi hilabete daramate langileek soldatarik gabe, eta Eusko Jaurlaritzaren esku-hartze eza kritikatu dute.
Erretiroa hartu berri dutenen %4,9k uztartu behar dituzte pentsioa eta lanen bat Espainiako Estatuan. Estonian %55 dira.
Israel entitate sionista Palestinan egiten ari den "genozidio eta sarraski terrorista" salatzeko Lekeitioko hainbat eragilek txandakako hamar orduko elkarretaratzea egingo dute abenduaren 28an.
Isunak baliogabetzeko helegitea jarri zuten Ernaiko gazteek eta arrazoi eman die epaileak. Naiz-ek eman du epaiaren berri eta ostegun honetan 10:30ean eginen du prentsaurrekoa Ernaik, zehaztapen guztiak plazaratzeko.
Sare sozialik opakoena da TikTok: ez du bere isurketei buruzko daturik argitaratzen. Gainontzeko sare sozialek baino gehiago kutsatzen du. 2030erako "karbono neutral" bilakatzeko konpromisoa hartu duela esana du.
"Pictura est laicorum literatura", utzi zuen Umberto Ecok idatzita, Il nome della rosa eleberrian. Irudien bidez mintzatzen da herria, hitzez baino maizago. Artearen funtzio narratiboa nabarmena da Erdi Aroko irudietan, egungo begiekin zail gerta daitekeen arren haiek... [+]
“eXodoa” gertatzen ari da egunotan sare sozialetan. Erabiltzaile ugarik X plataforma uztea erabaki –Elon Musk enpresariaren eskutik izandako eboluzio “toxikoaz” kokoteraino– eta Mastodon edota Bluesky-ra egin dute jauzi. Proiektu horiei begira... [+]
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Berriki Pierre Carles dokumental egile engaiatuaren azken lana ikusteko aukera izan dut. Guérilla des FARC, l'avenir a une histoire (FARC gerrilla, etorkizunak historia du) du izena eta Kolonbian mende erdi baino gehiago iraun duen gatazka armatuaren kontakizun... [+]
Valentziako tanta hotzaren kudeaketa txarrak aldaketa ekarri du muturreko eguraldiagatik izan daitezkeen alerten inguruan, “neguko” lehenengo denboraldian agerian geratu den bezala. Hego Euskal Herrian ibaiek gainezka egingo zutelako mehatxuaren aurrean, hainbat... [+]
