Badatoz
- Iñaki De Juanaren gaineko aferaren ondotik, bertze auzi bati erreparatuko diote Espainiako Estatuko eskuindarrek; Nafarroari, alegia. Hil ala biziko kontua izanen da haientzat Espainiako sorburu eta jatorria, espainiartasunaren ikurra –Nafarroako Foru Komunitatea– euskaldunen hatzaparretatik askatzea. Madril eta Iruñea aldeko komunikabide, kazetari, iritzi-emaile eta iritzi-sortzaile gehienek gurutzadarako aldarria egin dute: “Salba dezagun Nafarroa. Zapaterok Nafarroa abertzaleen zangopean utzi du, eta hauteskundeen ondotik, PSNk Nafarroa Bai-rekin eginen du tratua, UPNkoak Gobernutik egozteko”.
Ez da erraza izanen, ez horixe, eskuindarrak Diputaziotik kanporatzea, baina aukera egon badago, eta aukera egote hutsak nerbiostu ditu, arras nerbiostu ere. Dena den, UPNk eta bere inguruko taldeek erakutsi dute ez daudela nolanahi amore emateko prest. Joan den egunean, konparazio batera, Rubalcaba ministroak De Juana Euskal Herrira ekartzeko agindua eman ondoren, sumindurik eta kolera gorrian agertu zen jendetza handi xamarra Iruñean; Udaletxeko plazan, zehazki. Jendea harroputz zetorren Txapitela karrikan beheiti, begirada mehatxagarria zeriola, oihal hori-gorriak airean, bandera-kirtenak edonoren bizkarrean puskatzeko prest. Udaletxe ondo-ondoan bildutako batzuk Cara al sol abesten hasi ziren, eta Iruñeko alkate Yolanda Barcinak ez zuen zirkinik ere egin.
Gauzak horrela, aldaketaren euskarri nagusia izan daitekeen taldeak, Nafarroa Baik, bere bidea egiten jarraitu beharko luke Alderdi Sozialistaren zain egon gabe. Ezkerreko koalizio abertzaleak, gainera, bere proiektua gorpuztu beharko luke, bere aldia izan daitekeelako. Alde horretatik, zenbat eta gorpuztuago egon, zenbat eta sendoago agertu, programa zenbat eta gehiago landu, gizarte-erakundeekin zenbat eta harreman handiagoak izan, hainbat eta hobe izanen da Nafarroan gauzak azalez eta mamiz bertzela egiten hasteari begira.
Beraz, Nafarroa Baik gaina hartu beharko lioke Fernando Purasen alderdiari. Eta horretarako, ez da aski izanen Nafarroa euskalduna dela erratearekin. Bertze era bateko boto-emaileak bildu beharko ditu; esaterako, urte sail luzean, arrazoi hau edo hura dela medio, abertzaletasunari bizkarra eman dioten jendeen botoa. Denok dakigu zer-nolako zaparrada jasan duen Nafarroak azken mende laurdenean Iruñea eta Madril aldeko agintari politiko, militar eta ekonomikoengandik, bai eta alderdi politiko, sindikatu eta komunikabide nagusietatik ere.
Denak gogotik saiatu dira, saiatu direnez, Nafarroa euskaltzaletasunetik urruntzen, eta hein batean, lortu dute. Datozen asteotan, indarberriturik azalduko dira, eta prest, beren irratsaio mehatxagarrietan iragartzen dutenez, Iruñera etorri eta Nafarroa salbatzeko. Ez dira ETAren beldur, haien boterea kolokan jar dezakeen indarraren beldur baizik, eta prestatzen ari dira aukera hori galarazteko. XX. mendea gogoan, badakigu nola jokatzen duten, aski eta sobra ezagunak baitira haien manera “demokratikoak” gauza txikienetan ere. Azkena izan da Iruñeko udal agintariek erakutsi duten itxikeria gizarteak German Rodriguez gaztearen omenez paratutako hilarriaren inguruko auzian. Kendu dute, eta kito. Beraz, orain, noraino iritsiko dira?
Milaka pertsona kalera atera dira larunbatean, Eusko Jaurlaritzari eta Osasun Sailari "konponbide errealak" eskatzeko, Osakidetzaren arazo estrukturalak konpon ditzaten.
Milaka eta milaka lagun elkartu dira larunbat bazkalondoan Iruñean, Baztango Aroztegiaren makroproiektuari aurkakotasuna adierazteko eta maiatzean epaituko dituzten zazpi auzipetuen absoluzioa eskatzeko. Bideoz grabatu dugu amaiera ekitaldiko hitzartzea [albistearen... [+]
Jan-edanean zeuden denak, itxuraz alai, baina baten bat urduri zebilen aperitibo eta aperitifa artean. Bigarrenez jasoko zuen saria, baina eskuetan edukiko zuen lehenbizikoa izango zen. Eta urduri zegoen, oroigarriak bulegora heldu beharra zeukalako, joder. ARGIA Sariak ez dira,... [+]
Gauzak bizi eta azkar aldatzen badira ere, zenbait kontu ez dira aldatzen: Argia Sarien ekitaldia da horietako bat. Horixe esan dio kronikagile honi beharrera etorri den kanpoko kazetari batek, ARGIA asko aldatu dela esatearekin batera, sari-banaketa hasi aurretik. Onerako ari... [+]
Galtzaileen herri ondarea sarean jartzeko erakunde publiko batetik egindako ahaleginagatik, ahots gabeen ahotsa entzuteko aukera emateagatik, eta batez ere, Nafarroak aitzindari izaten segi dezan oroimen historikoa berreskuratzeko bidean, Interneteko Argia Saria Nafarroako... [+]
Sei sari banatu ditugu aurten: ikus-entzunezko saria EITB Kultura telebista saioari eman zaio, prentsako saria Irutxuloko Hitza Donostiako hedabideari, entzunezko saria BaDa!bil podcastari, interneteko saria Oroibidea bilatzaileari eta komunikazio kanpaina onenaren saria Altxa... [+]
Onintza Irureta Azkunek egin du hitzartzea ARGIAko lantaldearen izenean:
"ARGIAko komunitatea osatzen duten milaka lagunetako batek berriki adierazi digu batzuetan ARGIA iluna dela, barruak mugiarazten dizkion albiste gogorrak daudela. Lan ona egiten dugula, baina... [+]
Seme-alabek lehen mugikorra izateko adina atzeratzeko eskolaz eskola egindako lanagatik eta lortutako emaitzengatik, ikastetxeak mugikorrik gabeko arnasgune izateko borrokagatik, kanpaina onenaren Argia Saria guraso elkarteek osaturiko Altxa Burua ekimenarentzat izan da... [+]
Hamabost urteotan gazteenen artean euskara sustatzeko egindako lanagatik eta lortutako arrakastagatik, Merezimenduzko Argia Saria Ene Kantak proiektuarentzat izan da. Saria Nerea Urbizu, Fermin Sarasa eta Jesus Irujok jaso dute.
Entzunezko Argia Saria BaDA!bil podcastak jaso du, Hiru Damatxo ekoiztetxeak ekoitzitakoa, eta Gerediaga elkarteak eta EITBk finantzatutakoa. Podcastak kulturgintzan dabiltzan lau mahaikidez osaturiko bost mahai inguru jaso ditu Durangoko Azokaren bueltan. Saria jaso dute Amets... [+]
Prentsako Argia Saria Irutxuloko Hitza-rentzat izan da, eskuin muturraren igoerari egindako jarraipenagatik eta talde erreakzionarioen benetako aurpegia erakusteko kalean hor egoteagatik. Aurten 20 urte beteko ditu Donostiako hedabideak. Aizpea Aizpurua, Andrea Bosch,... [+]
EITB Kultura telebista saioak jaso du Argia Saria euskal kulturgileen lana bistaratzeagatik, Euskal Herriko txoko guztietako proiektuak telebista publikora ekartzeagatik, eta egiten duten kalitatezko ikus-entzunezkoagatik. Saria Leire Ikaranek eta Kerman Diazek jaso dute, Berde... [+]
Ekimenak erreferendum eskaera egin du eta Shirley Weber estatu idazkariak onartu. Orain, prozesuari jarraipena emateko, 546.000 sinadura lortu behar dituzte datorren uztailerako. Marcus Evansek egin du eskaera.