5.000 denda txiki elkartu dira erraldoien aurka
- Saltoki handien hedapenaren aurrean, komertzio txikietako dendariak elkarte berrietan batu eta antolatzen hasi dira. Bizkaiko merkatariek Bizkaidenda elkartea sortu dute orain gutxi eta EAEko merkatari elkarteak bilduko dituen Euskal Dendak izeneko konfederazioa ere sortzekotan dira laster. Bestalde, martxoaren 9an dendarien ordezkariak Eusko Legebiltzarrean izango dira, eta besteak beste, Saltoki Handien Legearekin dituzten desadostasunak azalduko dituzte.
Herrietako komertzio eta denda txikietako jabeak oso kezkatuta azaldu dira azken aldian. Eusko Jaurlaritzako Merkataritza Sailak kaleratutako dekretu batek Saltoki Handien Legeari hainbat aldaketa egin dizkio eta ez daude batere ados horrekin, herrien kanpoaldean saltoki handi gehiago jartzea ahalbideratuko duela baitiote. Horren aurrean, merkatariek elkarte berrietan antolatzeari ekin diote, administrazioarekin hartueman zuzena eta librea izateko asmoz.
Euskal Dendak, konfederazio erraldoi berria
Duela aste batzuk Durangon egindako bilera batean, merkatariek Bizkaidenda izeneko elkartearen estatutuak martxan jartzea erabaki zuten. Federazio berrian hainbat herritako zazpi merkatari elkarte bildu dira oraingoz, eta guztira 1.000 denda txiki ordezkatzen ditu. Federazio berri honetaz gain, Bilbon Ezkerraldenda izenekoa dago, 14 elkarte eta 1.500 dendari daude bertan bilduta. Gipuzkoan, aldiz, aspaldi sortu zen Dendartean izeneko elkartea eta herrialde horretako 15 gremiok parte hartzen dute bertan. Araban oraindik ez da horrelako federaziorik sortu, baina bidean dira.
Federazio hauek sortzea ezinbesteko pausoa da Euskal Dendak izeneko konfederazioa osatzeko. Konfederazio honek EAEko 5.000 komertzio txiki inguru ordezkatuko ditu eta Jaurlaritzaren Dekretuari aurre egiteko tresna izatea nahi dute merkatariek. Horretaz gain, erakunde berriak beste zeregin batzuk izango ditu: dendariek merkataritza biziberritzeko planen inguruan izan ohi dituzten arazoak konpontzea, dirulaguntzen inguruko informazioa ematea, prentsa kabinete baten bidez merkatarien kezkak eta ekimenak ezagutaraztea...
Dendarien ustez, gaur egun dauden merkatarien erakundeak “instituzionalizaturik” daude –Euskomer barruan biltzen dira erakunde horiek– eta denda-kate ezagunen interesen alde egiten dute –El Corte Ingles, Zara...–. Hain zuzen, Jaurlaritzaren Dekretuari bere oniritzia eman izana horren adibide dela diote Euskal Dendak-en sortze lanean ari direnek.
Legebiltzarrean agerraldia
Hori guztia salatzeko merkatarien ordezkariek agerraldia eskainiko dute martxoaren 9an Eusko Legebiltzarrean. Komertzio txikietako merkatariak hainbat sindikatu eta talde ekologisten babesarekin joango dira Legebiltzarrera. Izan ere, beren ustez, hipermerkatu eta saltoki handiak ugaritzeak komertzio txikiaren gainetik dagoen arazo larri bat ekarriko baitu: hiriguneetako bizitzaren desagerpena eta desertizazioa. Legebiltzarreko agerraldian Kataluniako modeloa defendatuko dute merkatariek. Beren ustez katalanek askoz hobe egokitu dute legea merkataritza txikiaren mesedetan; herrialde hartako eragileek herriz herriko azterketa egin dute, saltoki handiak non jarri daitezkeen esateko.
Agerraldi horri begira, merkatariak Legebiltzarrean ordezkaritza duten hainbat talde politikorekin jarri dira kontaktuan eta pentsatzen dute arku parlamentarioaren gehiengoak babesa emango diela.
Atzo eguerdian labanaz eraso zion bere amari Irunen eta Donostiako Ospitalean hil da. Erasotzailea epailearen aurrean deklaratzeko esperoan dago.
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Aurtengo urtarrila 1850. urteaz geroztik beroena izan dugu. Gainera, aurreko hilabeteen joera mantentzen du, azken hemeretzi hilabeteen artean, hemezortzigarrena da bero erregistroak apurtzen.
Nazio Batuen Erakundeak adierazi duenez, Goma hiria hartu ondoren hango espetxe batean zeuden ehunka emakume bizirik erre zituzten M23ko matxinoek, eta denak hil. Herrialdearen ipar ekialdean borrokan diharduten talde armatuek sexu indarkeria "arma gisa" erabili dutela... [+]
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]
Manifestazioa goizeko 11:30ean izango da, Justizia Jauregian. Mugimenduak euskaldunon eskubideen alde eta auziperatuekiko elkartasunean luzatu du deialdia. Auziperatuek iazko Euskararen Egunean Baionako Justizia Auzitegian "Justizia Euskararentzat" pintaketa egin zuten... [+]
AEBetako presidentearen Gazako palestinarrak kanporatzeko asmoak aurkako erreakzio ugari eragin ditu nazioarteko nahiz herrialdeko politikan, baita Alderdi Errepublikanoan ere. Gehienek "garbiketa etnikoa" sustatzea egotzi diote, baina Trumpek bere asmoa berresten... [+]
Izena duen oro bere izanaren jabe liburua plazaratu du LAB sindikatuko idazkaritza feministak, hainbat kide feministaren lekukotasunak oinarritzat harturik. "Genealogia edo glosario bat gauzatu dugu edo, agian, gauza biak batera dira edo baliteke ez izatea ez bata ez... [+]
EAJren barne prozesuan ez du bere burua aurkeztuko, nahiz eta garaile irten den orain arteko bozketetan. Itxura guztien arabera, Aitor Esteban izango da EBBko buruzagi berria.
Bigarren lehendakariorde eta Ekonomia, Lan eta Enpleguko sailburuak armagintza industria goraipatu eta zabaldu diren “aukera” berrien aurrean sektorea “babestuko” duela azaldu du. “Beste kontu bat da gutako bakoitzak izan ditzakegun posizio... [+]
Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik,... [+]
Ni ez dut nahi nire alaba ijitoz mozorrotzea kaldereroetan. Nik ez dut nahi nire alabaren eskolako haur ijitoak ijitoz mozorrotzea kaldereroetan. Ijito izatea ez delako mozorro bat. Ijito izatea ez delako urtean behin egiten den festa bat, arropa exotikoekin eta aurpegia ikatzez... [+]
Lazkaon 1960-70ko hamarkadan galdu ziren inauteriak berreskuratzeko asmotan dabiltzala irakurri dugu azken asteetan. Festa haietatik abiatuta herriko hainbat talde elkartu eta otsailaren 28an plazaratuko dira inauteriak ospatzera. Xehetasun gehiago jakin nahian Oin Arin dantza... [+]
Israelgo Estatuko saskibaloi taldeak ostiralean jokatuko du Gasteizen, eta mobilizatzera deitu du Palestinarekin Elkartasunak.
Abenduaren 20an Eusko Jaurlaritzak planaren behin-behineko bertsioa onartu zuen eta gaitasun “baxu eta ertaineko” eremu ugari gaitasun “ertain eta altukoak” bezala ageri dira orain.