Egin ARGIAkoa

Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia

igandea 2024ko abenduaren 22an

Liburutegia

Pilar Iparragirre

2021eko uztailaren 20an

Inprimatu

Loti ederrak
Yasunari Kawabata
Alberdania, Elkar
132 orrialde
9,30 euro

Desiren eta debekuaren artean

Zer egin, heriotzaren auzoko gizasemea bazara, eta neskato biluzien ondoan gaua pasa badezakezu, haiek behatu, ukitu, usaindu eta are laztandu ere egin baditzakezu, baina beraiekin sexu-harremanak izateko debeku erabatekoa baldin baduzu? Hori da Ibon Uribarri Zenekortak euskaratu duen Yasunari Kawabata idazle japoniarraren Loti ederrak nobelaren adineko gizon protagonistak bizi duen egoera. Etxe berezi batera joan da lagun baten gomendioari jarraiki. Etxe horretan, drogen menpe lozorroan dauden neskato biluzi ederrak aurkitu ditu, hurbil-hurbiletik aztertu du neskato lokartuen edertasuna eta haienganako desira besterik ez du bere barnean sentitu. Desiraren eta hori betetzeko debekuaren arteko tentsioan, iraganeko maitaleak datozkio gogora.

Euskal Herria
Batzuen artean
Sua
146 orrialde
7 euro

Euskal Herriko 50 bailaretan barrena egiteko ibilaldiak

Sua argitaletxeak plazaratzen duen Euskal Herria aldizkariaren ale berezian, Euskal Herriko lurralde guztietan aurki daitezkeen bailaretan barrena egiteko ibilbideak proposatu dituzte. Zehatz esanda, 50 haran aurki daitezke denera. Batzuk, luze-luzeak dira; beste batzuk, berriz, ñimiñoak eta apalak. Hainbatetan, herri arkitektura miresten da gehien; besteetan, paisaia zoragarria. Nolanahi ere, guztiak dira gustagarriak. Nongoak ote diren? Bada, Erronkaribar, Ameskoa, Haranbeltz, Amikuze, Baigorri ingurua, Urdazuri, Oiartzun bailara, Leitzaran, Lastur, Araotz, Leintz, Aramaio, Zuia, Kuartango, Aiara, Atxondo, Lea, Butroe eta Karrantza besteak beste.

Alfonbra berria
J.M. Olaizola Txiliku
Elkar
32 orrialde
5,50 euro

Lehen irakurleei idatzitako istorioa

Jesus Lucas marrazkilariaren laguntzarekin Jesus Mari Olaizola Txilikuk lehen irakurleei zuzenduta plazaratu duen Alfonbra berria kontakizunean, alfonbra hegalari batekin egingo du irakurleak topo. Alfonbra guztiek ez dute hegan egiterik, baina beren gainean jarri eta eskatzen diezun lekura txintxo-txintxo eraman zaitzaketenak ere ba omen dira. Eta hara non, halako bat aurkitu dute Anartz eta Aiora neba-arrebek bere aitarekin batera etxerako alfonbra berria erostera joan direnean. Hegan egiten duen alfonbrari esker, ziztu bizian Pertsia urruneraino joan eta handik Bilboko alfonbra dendaraino etortzeko aukera izango dute anai-arrebok, bitartean Darius izeneko mutil beltzaran baten lagun eginez. Eta alfonbra hegalaria erosteko eskatuko diote aitari, beraientzat izango ez den arren.

Jakin 157
Batzuen artean
Jakin
144 orrialde
9,50 euro

50. urteurrenean egindakoak

2006. urtea berezia izan da Jakin aldizkarikoentzat, beti ezin baita lan egiten duzun komunikabideak 50 urte martxan dirauela ospatu. Eta horren karietara antolatu eta egin dituzten guztiak gogoratzen dizkigute Jakinen iazko azken zenbakian. Urteurren borobil horrek, gainera, atzera begira jarri ditu, iraganari memoria emateko gogoz. Baina beraien egitekoa geroa lantzea denez, euskal kulturaren esparruan aldizkariak etorkizunean bete behar duen lekua birpentsatzen eta berrasmatzen ere hasiak ditugu. Horretarako hainbat lankide aditurengana jo dute eta Jakinen ikuspuntua, filosofia, edukiak, formatua eta abarren gainean beren iritzia emateko eskatu zaie. Besteak beste, hauek dira erantzun dutenak: Txema Ramirez de la Piscina, Andoni Sagarna, Pello Salaburu, Allande Sokarros, Pako Sudupe eta Eguzki Urteaga.

El viaje de la identidad ...(I)
Igor Ahedo Gurrutxaga
Eusko Jaurlaritza
298 orrialde

Iparraldearen ibilaldia euskal senaren bila

Igor Ahedo Gurrutxagari 2005eko Realidad Social Vasca deitu saria irabaztea ahalbidetu zion lanaren izenburu zehatza hauxe da: El viaje de la identidad y el nacionalismo vasco en Iparralde (1789-2005). Lapurdi, Nafarroa Beherea eta Zuberoan euskal sena eta honi dagokion nazionalismoa indartzeko Iraultza Frantziarretik gaur egunera arte egin den ibilbidea aztertzen da bertan. Bi liburukitan banatua dago azterketa. Aurrenekoan, euskal izaera Iparraldean «museo bizia» bilakatzekotan zegoenetik Michel Labègueriren euskal kultur ahaleginetaraino iristen da, bitartean Garatek, Chaok, Lafittek, Aintzina mugimenduak edo Legassek euskaltasunari egin zizkioten ekarpenetan asko barneratuz.

El viaje... (II)
Igor Ahedo Gurrutxaga
Eusko Jaurlaritza
312 orrialde

Euskaltasuna berreskuratzeko Iparraldekoen ahalegina (eta II)

Igor Ahedo Gurrutxagaren El viaje de la identidad y el nacionalismo vasco en Iparralde (1789-2005) azterketaren bigarren liburukia Enbata erakundearen sortze beretik hasten da. Ekaitzaren aurretiko haizea da Enbata, egilearentzat. Horren ostean, ETAren eragina, IK erakundeak ekarri zuena (ekaitza), EHASen sorrera, Euskal Herriko Laborarien Batasuna, Herri Taldeak, EMA eta EBren arteko haustura, IKAS, Abertzaleen Batasunak Batasunarekin izan zuen haustea, eta gaurko egoera aztertzen ditu.

ASTEKARIA

2073. zenbakia

2007ko urtarrilaren 28a

Irakurrienak

Matomo erabiliz

Frantziara eta Espainiara bidean

Aratz Gallastegi Sodupe

“Frustrazioa eragin dezake bularra ematearen onurak azpimarratzen dituen diskurtsoak”

June Fernández

Mila euroko soldata artistentzat

Onintza Irureta Azkune

Hitzen poetika

Iñigo Martinez Peña

Eraso faxista Irungo Lakaxita Gaztetxearen aurka

Gedar

Azkenak

2024-12-21 | Iñaki Lasa Nuin

Pagadiak

Barkatu hariztiak, artadiak, zumardiak, lertxundiak, lizardiak, haltzadiak, gaztainadiak, urkidiak, gorostidiak, sagastiak, pinudiak eta zuhaitzen elkarte guztiak, baina, gaur, pagadiak du hitzordua negu-mugako ospakizunak direla eta.

Errazagoa egiten zait negu-mugako... [+]

2024-12-21 | Roberto Alkarterri

Elkar mugituz?

Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.

Irakurri edo entzun dudan lehenengoan, burura etorri zait... [+]

2024-12-21 | Mikel Alvarez | Roser Espelt Alba | Jon Bernat Zubiri Rey | El Salto-Hordago

Gobernu berriaren aurrekontu neoliberal zaharrak

Ildo beretik dator Eusko Jaurlaritza berriaren politika. Hitzak bai, baina ekintzak ez dira argi ikusten Pradalesen gobernuak aurkeztutako aurrekontuan.

2024-12-21 | Horman Poster

Antigone edo Ezetzaren beharra

MULTIMEDIA - Antzezlana

2024-12-20 | Itsaso Zubiria Etxeberria

Lau egun eta istant bat

2024-12-20 | Xabier Letona Biteri

Israelek hildako 17.000 haur palestinarren izenak irakurriko dituzte Iruñean 30 orduz jarraian

Ekimena abenduaren 28an egingo da Iruñeko Baluarte plazan. Goizeko 11:00etan ipuin irakurketa antolatu du Yalak La diverxa Cris ipuin kontalariarekin eta, ondoren, 12:00etatik aurrera, BDZ (Boikota, Desinbertsioa eta Zigorra) ekimenak antolatuta egingo da irakurketa.

2024-12-20 | Nekane Txapartegi

Izartxoak *, arriskutsuak patriarkatuarentzat

Sistema kolonial kapitalista heteropatriarkala auzitan jartzen eta borrokatzen denean, gupidarik gabe erasotzen du bueltan. Eskura dituen tresna guztiak erabiliz, instituzioak, medioak, justizia, hizkuntza, kultura, indarkeria... boterea berrindartzeko, sendotzeko eta... [+]

2024-12-20 | Asier Blas Mendoza

Siriako Arabiar Errepublikaren amaiera

Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]

2024-12-20 | Sonia González

DSBEren ‘humilladeroa’

Betidanik begitandu zait esanguratsuagoa han-hemenka topa daitezkeen guruztokiei gazteleraz esaten zaien modua: humilladero. Ez al da guruztoki edo santutxo izen nahiko light, zuri edo haragoko konnotaziorik gabekoa? Azken batez, bertatik pasatzen zen oro umiliatu behar zen... [+]

2024-12-20 | Hiruki Larroxa

Irribarre egin, murtxikatu eta isildu

Askok, Gabonetan, ilusioa baino alferkeria handiagoa sentitzen dugu familia-otordu eta -topaketetan pentsatzean. Baina aurreratzen dizuegu ez dela otordua bera kolektiboki deseroso sentiarazten gaituena, familia tradizionala definitzen duen normatibitatea baizik. Are gehiago,... [+]

2024-12-20 | Ainhoa Mariezkurrena Etxabe

Globo morean

Ztandap
Nork: Mirari Martiarenak eta Idoia Torrealdaik.
Noiz: abenduaren 6an.
Non: Durangoko San Agustin kultur gunean.

------------------------------------------------------

Laugarren pareta hautsi eta zuzenean, zutik eta beldurrik gabe interpelatzen du publikoa stand... [+]

2024-12-20

Zure herriko Baltasarrek ere ‘blackface’ egiten du?

2024-12-20 | Adur Larrea

Olentzeroren magia

2024-12-20 | Urko Apaolaza Avila

Kongo eta kobaltoa

Zertarako gaude prest konektatuta jarraitzeko?

Balio digu ilunabarrarekin azken erretratu hori ateratzeko. Edo istant batean ordaintzeko barrako zerbitzariari eskatu berri diogun marianitoa. Eta ze arraio, Levi’sak imitatu nahi dituzten praken atzealdeko poltsikoan ezin hobeto datoz. Horretarako ere balio du... [+]

2024-12-20 | Xalba Ramirez

Xabier Badiolaren gitarra: zaharra zena, berri

Xabier Badiola
Xabier Badiola
Gaztelupeko Hotsak, 2023

-------------------------------------------------

Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]

Eguneraketa berriak daude