Liburutegia


2021eko uztailaren 19an
Maitalea eta beste antzerki-lan batzuk
Harold Pinter
Elkar
204 orrialde
15,05 euro

Nobel sariaren bost antzerki-lan

Jokin Zaitegi sariketa irabazi zuen Iñigo Errastik eta hari esker euskaratu ditu iaz literatur Nobel saria irabazi zuen Harold Pinter antzerki-idazle ingelesaren bost lan: antologiari izenburua ematen dion Maitalea, eta Lehengo denborak Harold Pinteren hasierako etapari dagozkio eta pertsonen arteko inkomunikazio arazoak lantzen dituzte. Alaska moduko bat, Festa giroan eta Mendiko hizkuntza lanak, berriz, geroagokoak dira eta arazo sozial eta politikoak erarik gordinenean agertzen dituzte. Harol Pinter Londresen jaioa da, 1930ean. Aktore hasi zen antzerkian, bere lanak sortu eta zuzentzeari ekin zion arte. Ideologia ezkertiarra du, eta inperialismoaren eta zanpaketa ororen aurka agertu izan da, batzuen mirespena eta besteen arbuioa jasoz.

Euskal Herrian barna
Santiago Yaniz
Sua
142 orrialde
32 euro


Euskal paisaiak agertzen dituzten liburua eta DVDa

Euskal Irrati Telebista eta Sua argitaletxearen artean plazaratu duten lana da Euskal Herrian barna. Viaje a la tierra de los vascos, euskal geografiako paisaiarik gogoangarrienak erakusten dituen kaxa modukoa. Samaniego herria eta Toloñoko medilerroa, zorabioa sortarazten duen Itxinako mendigunea, Elizondoko herria lainopean, Sorginetxe izeneko trikuharria arratsean, San Roke eta San Sebastian baselizak gauez... eta beste hamaika irudi liluragarri. Kaxa ireki eta, batetik, Santiago Yanizek bere argazkiekin osatutako liburua aurkituko du erosleak, eta bestetik EITBk eskainitako La mirada mágica saioaren hainbat irudi jasotzen dituen 50 minutuko DVDa. Lau hizkuntzetan editatu dute: euskaraz, gaztelaniaz, frantsesez eta ingelesez.

Denbora bateko zinema paperak. 1954-1961
Koldo Mitxelena
Alberdania
101 orrialde
8 euro

Mitxelenaren zine kritikak

Alberdania argitaletxeak Euskararen Donostia Patronatuaren laguntzaz plazaratu duen Denbora bateko zinema paperak 1954-1961 liburuan Koldo Mitxelenak garai hartan Egan aldizkarian argitaratu zituen zinema kritikak agertzen dira, euskara batuan emanak. Koldo Mitxelenak aitortzen duenez, beti izan zen zinemazalea, eta poz handiz onartu zuen Eganekoek aldizkariko zine kritikak egitea proposatu izana. Hain zuzen ere, Egan izan zen euskaraz lehenbiziko aldiz zinema-gaiak jarraikiro astindu zituen aldizkaria. Koldo Mitxelenaren kritikak jasotzen zituen liburua 1981ean kaleratu zen aurreneko aldiz, Bilboko Nazioarteko Zinema Labur eta Dokumentalari esker. Oraingo edizioan, kritika horiez guztiez gain, argitalpen hartarako Koldo Mitxelenak prestatutako hitzaurrea ere eskaintzen da.

Txalapartaren oihartzuna
Galo Martinez Urtaran
Gorbeia Taldea
94 orrialde
9 euro

Bizirik irauteko proposamena

Euskaldunok,bizirik iraun nahi badugu, Galo Martinez Urtaran arabarrak Txalapartaren oihartzuna. Euskaldunon komunitatea gorpuzteko jaia lanean egiten digun proposamena onartu eta aurrera eraman behar dugu, bestela, desagertu egingo omen gara. Hori dio euskararen gaineko saiakera honen egileak behintzat. Galo Martinez Urtarani euskararen egungo egoera oso kezkagarria iruditzen zaio eta horregatik egiten du haren azterketa sakona. Berak dioenez, euskara hilzorian dago; globalizazioa eta etorkinen hirugarren uholdea kolpe latzak omen dira euskararen osasunerako. Euskarak iraun dezan, euskaldunok jaiak antolatzea proposatzen du. Euskal komunitatearen sena biziberritzeko erarik onena hori omen da. Baita emakumeen askapenerako, lurra zaintzeko eta etorkinekin harreman solidarioak sortzeko ere.

Benito Lertxundi. Orioko Bardoa
Alvaro Feito
La Voz del Folk
472 orri./ 50 euro
11,50 euro


Benito Lertxundiren aitorpenak eta kantak

Mikel Markezek euskaratu duen Alvaro Feitoren Benito Lertxundi. Orioko Bardoa. Aitorpen eta testigantzak liburu mardulean egileak Orioko kantariaren ibilbide artistikoaren analisia egiten du, 60ko hamarkadaren erdialdean hasi zenetik, Ez Dok Amairuko garaiekin segi eta geroztik gaur arte bakarrean eraman duen bide emankorraren errepasoa eginez. Benito Lertxundiren diskografia osoa aletzen du Alvaro Feitok: hasiera bateko amodio eta protesta kantuak, eta geroko kantu tradizionalak, Zuberoako folklorea, euskal poeten lanak musikatzea eta Benito Lertxundi beraren sorkuntza lanak. Liburuan Orioko kantariaren bizitzako argazki dokumentu harrigarriak agertzen dira. y

Zergatik utzi....
Benito Lertxundi
La Voz del Folk
180 orrialde/ 18 euro


Orioko kantariaren berrogeita hamar kantu ezagunenak

LaVoz del Folk argitaletxe madrildarrak kaleratu duen Zergatik utzi kantatzeari? liburuan Benito Lertxundiren berrogeita hamar kanta ezagunenak daude jasorik, kantu bakoitzaren doinu, gitarrarako akorde eta hitzak eskainiz. Hitzen testuak euskaraz eta gaztelaniaz agertzen dira. 140 kantu inguru grabatu ditu Benito Lertxundik gaur arte, baina kantu horietariko batzuek bertsio berriak ezagutu dituzte, 1998an Euskadiko Orkestra Sinfonikoarekin grabatu zuen Ahuen sinfonikoa, esate baterako.


Azkenak
Harrera premia aurreikusiz Zumeta margolaria

Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]


Trump-ek distentsio nuklearra eskaini die Errusia eta Txinari

Bi herrialdeekin arma nuklearrei buruz hitz egin nahi du AEBko lehendakari Donald Trumpek, ostegun honetan bere bulegoan kazetariei jakinarazi dienez.


Sexu jazarpena leporatu dioten EHUko irakaslea eskoletatik kanpo utzi du errektoretzak

EHUko Errektoretza Taldeak hedabideetara igorritako ohar baten bidez jakinarazi du neurria: "Unibertsitateak baieztatzen du salatu duten irakaslea jada klaseetatik at dagoela eta ez dela fakultatera joango kasua argitu arte".


AHT Hego Euskal Herrian: 15.000 milioi euroko inbertsioa Irunera abiadura handian iristeko?

Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]


Emeadedei + Mahl Kobat
Gutaz ari dira

EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.

----------------------------------------------------

Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]


2025-02-14 | ARGIA
Adin txikiko beisbol jokalari bati musu emateagatik entrenatzaile bat kondenatu dute

Adin txikiko neskak 2023an salatu zuen entrenatzaileak hiru aldiz musukatu zuela bere baimenik gabe. Nafarroako Probintzia Auzitegiak Iruñeko epaitegiak ezarritako zigorra baieztatu du. Entrenatzaileak ezingo du harreman zuzenik izan adin txikikoekin inongo lanbidetan eta... [+]


2025-02-14 | dantzan.eus
Inauteriak 2025 oinarrizko egutegia

Kaskarotak eta maskaradak urtarriletik dabiltza martxan, Malerrekakoak etorri dira segidan eta pixkanaka han eta hemen ospatu dira inauteri festak. Aurten, ordea, data nagusiak berandu datoz oso; Kandelaria egunean Hartza esnatu zen, baina ilargiari begiratu eta beste pixka... [+]


2025-02-14 | Sustatu
Itzulinguru ikerketa: itzulpen automatiko aurreratuak nola eragiten dio euskarari?

Sozioluinguistika Klusterrak, zenbait erakunderen laguntzarekin eta Asier Amezaga, Eduardo Apodaka eta Asier Basurtok landutako lanean, Itzulinguru izeneko proiektuaren emaitzak argitaratu ditu. Itzultzaile neuronalek (azken belaunaldiko itzultzaile automatikoak, zeinak euskaraz... [+]


2025-02-14 | Euskal Irratiak
David Gramond
“Gizartea beldurrarazteko baliatu zuten tortura, militantziari uko egiteko”

Otsailaren 13a Torturaren Kontrako eguna izanki, Euskal Herriko Torturaren Sareak gutun publiko bat igorri du. Poliziek torturatu euskal jendeen lekukotasunak bildu, eta aitortza egiteko xedea du sare berri horrek Euskal Herri osoan. Torturatuak izan diren 5.000 pertsonei... [+]


2025-02-14 | Gedar
Munichen, manifestazio sindikal bat harrapatu eta gutxienez 21 pertsona zauritu ditu gizon batek

 Ibilgailu baten bidez, Ver.diren protesta batean zeuden manifestariak aurretik eraman ditu. Duela egun gutxi, supremazista zuri batek 11 pertsona erail zituen Suedian.


Gizon bat atxilotu du Guardia Zibilak Amurrion, hildako bi agenteren kontura sare sozialetan barre egitea egotzita

"Polizia hila, baratzerako ongarririk onena" idatzi zuen atxilotuak sare sozialetan, eta lau milioi jarraitzaile baino gehiago ditu bere profilak, Guardia Zibilak azaldu duenez.


Iruñeko Laba, agur labur bat, irailean indarberrituta itzultzeko

Larunbat honetan itxiko dute Laba ostatua Iruñeko Gazteluko plazan eta, bitxia bada ere, egun osoko festarekin ospatuko dute itxiera, agurra ez baita behin-betikoa: Labak ondoko Windsor tabernarekin bat egingo du, obrak hastera doaz, eta beranduenez irailean berriz... [+]


Eguneraketa berriak daude