Hurrengo hilabeteak
ETAren su etenaren iragarpenetik sei hilabete igaro direnean ordea, egoerak ez dirudi hobera egin duenik eta Zapatero izan ezik beste guztioi blokeo egoeraz hitz egitea baino beste erremediorik ez zaigu gelditzen.
Blokeo egoera honetatik irteteko eman beharko liratekeen pausuak jakinak dira -presoen gerturatzea, Batasunaren legalizazioa, Kale borrokaren desagerpena, alderdien mahaia eratzea- eta nortzuk eman behar dituzten ere. Besteoi beraz, momentuz, pausu horiek eman daitezen proposamenak egitea baino ez zaigu gelditzen.
Proposamen horien artean, politikari dagokionez, bereziki garrantzitsua izango litzateke alderdien mahaia osatzeko batzorde prestatzaile bat martxan jartzea, mahai horretan zer eta nola eztabaidatuko den adosteko alegia.
Alderdien mahaiaren eraketa ezinbestekoa da prozesuak aurrera egiteko eta berau urtea bukatu aurretik martxan egotea ere bai. Are gehiago, epe hauek errespetatuko ez balira oso zaila izango litzateke hurrengo hauteskundeak era normalizatu batean burutzea.
Azkar xamar dirudi oraindik hauteskundetaz hitz egiten hasteko, baina ukaezina dena da, alderdiok gure erabakiak hartzen hasi garela hurrengo hauteskunde horiei begira eta urtarriletik aurrera kanpaina eta aurre kanpaina lanetan murgildurik egongo garela, eta giro horiek ez dira batere lagungarriak alderdien arteko elkarrizketa bultzatzeko.
Hurrengo Udal eta Foru hauteskundeak gainera, etorkizunera ireki daitekeen panoramaren aitzindari izan daitezke. Ezker abertzalea bertan izango denaren hipotesia ontzat emanik, beste bi nobedade ere izango dira, batetik PNV eta EAren arteko koalizioaren desagerpena eta bestetik Ezker Batua-Berdeak eta Aralarren artekoa.
Azken hau ezberdinen arteko akordioa, tradizio politiko ezberdinetatik datorren jendearen arteko koalizioa eta ikuspegi nazional ezberdina daukaten gizon eta emakumeen arteko koalizioa, baina ezkertiarren arteko akordioa.
Koalizioa egikarituko balitz, ezberdinen arteko akordioa ezkerreko ikuspuntu batetik posible dela frogatuko litzateke, eta garaia heldu dela abertzale-ez abertzaleen arteko eztabaidak bigarren mailan uzteko eta ezkertiar eta eskuindarren arteko eztabaida bultzatzeko.
Aralar independentista da eta Ezker Batua federalista, biok ordea, batak nahiz besteak erabakitzeko aukera indarrez defendatzen dugu, eta noizbait aipaturiko mahai baten inguruan erabakitzeko eskubidearen inguruan eztabaidatzeko aukera badugu, bai batzuok eta bai besteok ere berau egikaritzeko aukera defendatuko dugu.
Azken finean, nahiz eta bere burua ezkertiartzat duten batzuek ez onartu, autodeterminazio eskubidea aldarrikapen demokratikoa eta ezkertiarra da.
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
20 urte zituela, Alberto Flores-Uranga Mutrikutik Idahora (AEB) joan zen artzain. Bakardadean, mendietan galduta, maiz koiote eta hartzak begira zituela."Berriro egingo nuke, zalantzarik gabe", dio, garai haiek gogoratuta.
Gabonen erroa kristaua dela jakinda ere, erreferentzia katolikorik ez duten kantuak abestea erabakia du (edo eztabaida horretan dihardu) gero eta ikastetxe gehiagok, eskolaren printzipioetako bat laikotasuna dela oinarri hartuta.
.jpg)
Sortu berri duten organoaren eginkizun nagusien artean daude, besteak beste, diskriminazioaren aurkako politikak sortzea, migratzaileen eta gutxiengo etnikoen elkarteen parte hartzea sustatzea, Nafarroako arrazakeriaren egoera globala aztertzea, eta Arrazakeriaren eta... [+]
Alemaniatik etorritako goi kargu batek eman die 655 langileei enpresaren itxieraren berria, ohar bat "hoztasunez" irakurrita, eta langileei “lehiakortasun falta” egotzi die. Langileek presazko bilera eskatu diote BSHko operazio arduradun Pepe Justeri, eta... [+]
“Jaurlaritzak esateko zeukan dena esanda dago txosten horretan” adierazi du asteartean Maria Ubarretxena bozeramaileak, Jaurlaritzak 2019an egindako txostenari erreferentzia eginez. Txosten horretan egiten den kontakizuna “faltsua eta interesatua”... [+]
.jpg)
Atentatua astearte goizean izan da, Kieveko auzitegi batek Kirillovi Ukrainako tropen aurka arma kimiko debekatuak erabiltzea leporatu eta hurrengo egunean. 300 gramo TNTko karga zuen lehergailuak, eta Errusiak jazotakoa argitzeko ikerketa bat jarri du abian.
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Hego Koreako presidente Yoon Suk Yeol-ek abenduaren 3ko arratsean gerra-legea ezarriz sutu zuen krisi politikoa itzaltzetik oso urruti dago oraindik. Nahiko argi badago ere kolpea sustatu zutenak ez direla irabazten ari. Oraingoz.
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Urriaren 19an, Xiberoko Batzorde Sindikalak bozketa egin eta adostu zuen lurraldea "babesteko zaila den eremu gisa" (ZBD) izendatzeko eskaera abiatzea, otsoaren "arriskuari" aurre egitea helburu. Artaldeei eraso egin ez badie ere, artzainek otsoari tiro... [+]
Eusko Jaurlaritzaren esku geratu dira beste bi eskumen: Itsasertzaren Antolaketa eta Kudeaketa, eta Zinematografia eta Ikus-entzunezko Jarduera. Astelehenean bildu da Transferentzien Batzorde Mistoa, Madrilen, eta han adostu dute bi eskumen horiek EAEra eskualdatzea.
