Kilometroak 2006: Primeran pasa... pasatu gabe
Programa honetan ikastola osatzen duten hiru taldeek hartzen dute parte; ikasle, irakasle eta gurasoek. Lehendabizi ikastetxeko klaustro eta gurasoekin biltzen dira, ikasleekin zer gai landuko dituzten azaltzeko eta orokorrean errealitatearen azterketa egiteko: egoera zein den, substantziak, nerabeen inguruko azterketa. Jokabide batzuk zehazten dira gaiaren inguruan. Ondoren, tutoreekin biltzen dira, azken finean beraiek baitira gaia ikasleekin landuko dutenak. Hala, unitate didaktikoak, galdera-sortak eta erabiliko duten materiala erakusten dizkiete.
Tutoreek Askagintzako adituekin prestaturikoa ikasleekin lantzen dute tutoretza edota etika orduetan. Drogen gaiarekin batera, bizikidetzan eragiten duten beste hainbat alor ere jorratzen dituzte; komunikazioa, talde presioa, arauak, adiskidantza... Azkeneko saioan, berriz, Askagintzako adituak hurbiltzen dira ikastetxeetara, ikasleen zalantza eta galderei erantzuteko. Txus Congilen iritziz, «informazio nahasketa handia dago. Drogak txarrak direla edo drogak onak direla entzuten dute beraiek. Eta ez da hala; drogen erabilera da arazoa. Informazio eta formazio bidez, erre edo edan nahi badute zertan dabiltzan jakitea da helburua, hots, drogen aurrean arduraz jokatzeko gai izatea».
Zazpi urte daramatzate, 12tik 16ra bitarteko gazteekin eta euren gurasoekin gaia lantzen. Sorkunde Lekuonak dioenez, «adin horretako ikasleak drogen mundua deskubritzen hasten dira eta positiboa da gaia lantzea. Horrek ez du esan nahi ez dutela droga probatuko, baina hori ez da lortu nahi duguna. Helburua, drogekin modu arduratsuan bizitzen jakitea eta osasuna ez kaltetzea da». Gaiaren lanketa interesgarritzat eta beharrezkotzat dute Haurtzaro Ikastolan. Gurasoen parte hartzea handia izaten da eta ikasleek ere gaia serio hartzen dutela azaldu du zuzendariak. Ikastolan lantzeaz gain, Kilometroetan ere landuko dute gaia.
Proiektu honekin drogekin pasatzen den gazteari, pasatu gabe ere ondo ibiliko dela erakutsi nahi diote: «Hiru ardatz helarazi nahi ditugu: zure osasuna zaindu, kontsumitzen jakin eta errespetatu ondokoa, natura eta ingurunea», dio Igor Elortzak. Kanpaina honen barruan, ez da graduazio altuko alkoholik zerbitzatuko txosnetan: «Alkohola gutxi banatzen da, baina jendeak erosita ekartzen du. Guk ezin dugu dena kontrolatu. Gizarteak ere aldatu beharko du eta horrekin batera beste ohitura batzuk hartu», dio Sorkunde Lekuonak. Hori kontuan izanik, botilaz inguraturik dagoen lagun taldeentzako prebentzio batzorde bat egongo da: «Koadrila bat baldin badago edari askorekin eta nahasketak egiten, pertsona bat hurbilduko da beraiengana, ez edaria kentzeko, baina bai kontsumoarekin izan ditzaketen arriskuez hitz egiteko», azaldu du Txus Congilek.
Kilometroak antolatzeko kontseilu erretoreak garaturiko dekalogoan gai honi aurre egiteko asmoa agertu zen, eta hala kontzertuak eta guneak antolatzerako orduan gaia kontuan hartzeko eskatu zen. Izan ere, antolatzaileen iritziz, guneen antolaketa eta kontzertuetan zenbait musika taldek ematen duten mezua ere zaindu behar da. Hain zuzen ere, ikasleek beraiek eskatu diete musika taldeak kontratatzerakoan hauek ematen dituzten mezuak kontuan hartzeko: «Ikastolan lanketa bat egiten ari gara esanez drogak arduraz erabili behar direla, eta kontzertu baten diskurtsoa bestelakoa bada kontraesana dago, taldea guk ordaintzen dugulako. Ekarriko diren taldeek betetzen dute mezu hori», dio Arantza Manterolak.
Primeran pasa, pasatu gabe kanpainarekin badakite arazoa ez dutela datorren urterako konponduko, baina lehen pausoa eman nahi izan dute. «Hau abiapuntua izango da, eta helburua gainontzeko jaietan txertatzea da», dio Sorkunde Lekuonak. Nafarroa Oinezen ere gauzatuko da proiektua.
Haurtzaro Ikastolaren oinarrizko eraikina 1977koa dute eta 1989an DBHrako beste eraikin bat gehitu zuten. Matrikulazio kopuruak gorantz egin duen bezala eta hezkuntza legeak aldatu diren heinean gela berriak sortzen joan dira. Horretarako, ikastolak berak zituen etxepeko gelak itxi dituzte. Egun ordea, espazio falta dute ikastolan eta Kilometroetan lorturiko diruarekin eraikin berria egin nahi dute: «Kalitatezko hezkuntza eskaintzen dugu, zenbait proiektutan aitzindariak gara, baina horrek baliabideen beharra dakar. Giza baliabideak onak ditugu, borondate ona, baina espazio gehiago behar dugu. Matrikulazioa gorantz doa eta jende horri baliabide fisiko onak eskaini behar zaizkio», dio Arantza Manterolak. Eraikin berriarekin antolamendu hobea eman nahi diote ikastolari, zerbitzu guztiak eraikin zaharrean behar bezala jarriz.
Baina eraikin berria egitea ez da duten inbertsio bakarra. Azken bi urtetan inbertsio handia egin dute gela berriak eginez eta jangela hirukoiztuz. Hala, bitarteko ekonomikoak ziurtatu nahi dituzte.
Xede ekonomikoekin batera badituzte bestelako helburuak ere. Ikastolen arteko elkarkidetza bultzatu nahi dute, Iparraldeko eta Nafarroako ikastolekiko elkartasun bideak sustatuz. Bestalde, herrian naturaren inguruan sortzen ari den proiektuaren alderdi hezitzaileak indartu nahi dituzte.
Herritarrek bultzatu eta lagundutako ikastola da Haurtzaro. Hala, herriarekin izan duen harremana trinkotu eta ikasle ohiekin nahiz gainerako laguntzaileekin duten harremana sendotzeko asmoa dute. Hain zuzen ere, herritarrak omenduko dituzte urte hauetan guztietan jaso duten laguntza eskertzeko. Horretarako, garaian garaiko lehendakaria omenduko da, garai bakoitzeko herritarrei eskerrak emanez.
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
24 talde berri iragarri ditu Hatortxu Rock elkartasun jaialdiak. 63 talde iragarri dituzte dagoeneko eta guztira, 100 talde izango dira jaialdiko bost eszenatokietan.
Izaki Gardenak
Noiz: apirilaren 20an.
Non: Iruñeko Gazteluko Plazan.
-----------------------------------------------
Ordu erdia baino ez da falta Iruñeko Gazteluko Plazan kontzertua hasteko; baina erdi hutsik da oraindik, euria ari baitu. Porlanezkoa nahiz ez den,... [+]
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]
Bizkaian eguneko zentro publikorik ez duen eskualde bakarra da. Elkarretaratzea eginen dute apirilaren 27an, 12:00etan, Sopelako (Bizkaia) Udaletxeko plazan.
2026ko hauteskundeei begira, zutabe bat ireki du Enbata-k. Plantan emanak izanen diren zerrenda abertzaleen hautagaiei ideia kutxa bat eskaini nahi die, beren programak Herriko Etxeen eskumeneko sail ezberdinetan eraikitzeko. Hilabete honetan, Herriko Etxeek euskararen alde egin... [+]
Urduñako 2022-2042 Onura Publikoko Mendia Antolatzeko Planaren parte da ekintza, eta Eusko Jaurlaritzako Ingurumen Sailaren babesa eta Bizkaiko Foru Aldundiko Mendi Zerbitzuaren laguntza jaso du.
Alain Esquerrek idatziriko Le silence de Bétharram (Betharramgo isiltasuna) liburuan eman du lekukotza Helene Perlantek, François Bayrouren alabak. 1980ko hamarkadan egon zen ikastetxe katolikoan ikasle eta berrogei urte luzeetan isilik atxiki ditu bertan jasandako... [+]
Urtarrilaren 29an, gaur egungo mundu berekoi honetan ohituta ez gauden zerbait gertatu zen Laudioko Guardian lantegiaren atarian. Zuzendaritzak hango labea itzaltzeko asmoa erakutsi zuen, eta horri aurre egiteko, langileek atea blokeatu zuten pankarten bidez. Baina ez zeuden... [+]
Israelgo IMI Systems enpresarekin Espainiako Barne Ministerioak egindako bala erosketa bertan behera uztea agindu du Pedro Sanchez Espainiako Gobernuko lehendakariak. PSOEren eta Sumar-en arteko gobernu koalizioan zegoen apurketa arriskua baretu du erabakiak.
Ipar Euskal Herriko ikastolen aldeko bestaren 42. edizioa iraganen da maiatzaren 11n Senperen.
Bilbotik abiatu eta Barakaldoko ITP Aero eta Getxoko Sener enpresen paretik pasako da bizikleta martxa, bi enpresa horiek "ekoizpen militarraz arduratzen direlako", antolatzaileen aburuz. Azken aldian ematen ari den armamentu gastuen hazkundea salatzeko protesta izango... [+]
Aurten 1.500 ardi inguruk zeharkatu dute Kale Nagusia, bost artaldetan banatuta. Idiazabal Gaztaren denboraldi berriaren aurkezpen ofiziala egin da, udaletxean. Garena Jatetxeko Julen Bazek eta Peli Perez de Anuzitak moztu dute gazta.
1997an plazaratu zuen Maddi Oihenartek (Barkoxe, 1956) lehen diska, Lurralde zilarra, Mixel Arotze eta Mixel Etxekoparrekin batera. Txiki-txikia zenetik barrenean dituen paisaiak, isiltasunak eta soinuak partekatzen dizkigu kantuan ari denean. Kantatzean aurreko ahotsen... [+]