Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
astelehena 2024ko irailaren 30ean
Liburutegia
Unamuno
Mikel Soto, Iñaki Soto
Elkar
176 orrialde 11,25 euro
Gurutzeaga pilotalekuak 100 urte
Batzuen artean
Danbolin-zulo Kultur Elkartea
128 orrialde 12 euro
Txomin udazkenean
Liesbet Slegers
Ibaizabal
28 orrialde 6,20 euro
Zehar
Batzuen artean
Arteleku, Gipuzkoako Foru Aldundia
68 orrialde
Poema amniotikoak -Gerizpeko gudak-
Sonia González
Kutxa
84 orrialde 4 euro
Denboraldi gogorra
Frauke Nahrgang
Ibaizabal
144 or. / 7,75 euro
Mikel Soto, Iñaki Soto
Elkar
176 orrialde 11,25 euro
Unamunoren bizitzaz
Miguel Unamuno (Bilbo 1864- Salamanca 1936) idazle, filosofo, bere kasako politikari eta polemista nekagaitzaren izaera kontraesankorra azpimarratu dute bereziki Mikel Sotok eta Iñaki Sotok Elkar argitaletxearen bidez plazaratu duten Unamuno biografian. Euskaldun izateaz aldi batean harro sentitu zen gizona. Lore Jokoen ostean, Bilbotik ia kolpeka nola atera zuten azaldu dute. Sozialismora gerturatu zen gero, baina ideia horietan fedea galdu zuen, krisi sakonean murgilduz. Krisi horretan erlijioari buruzko kezka berragertu zitzaion. Erregimenaren aurkako erresistentziak erbestera eramana, bere bizitzaren azken garaian jite zentralista eta eskuindarra izan zuen. Beraz, gauza batzuetan aitzindari eta besteetan kontserbadore jokatu zuen.
Gurutzeaga pilotalekuak 100 urte
Batzuen artean
Danbolin-zulo Kultur Elkartea
128 orrialde 12 euro
Zestoako frontoian 1906tik 2006ra bitartean gertatutakoak
Argazki esanguratsuz apaindurik agertzen zaigu Xabier Unanue, Manolo Sagarzazu eta Xabier Iriondoren artean osatutako Gurutzeaga pilotalekuak 100 urte. Frontoi Zaharraren harrizko mintzoa. Zestoa 1906-2006 liburua. Partida zerrendak, pilotarien biografiak... makina bat datu eskaintzen dituzte egileek beren lanean. Baina hain denbora luzean pilotaleku horretatik pasatako jokalari guztiak agertzea ezinezko zitzaienez, Zestoako Amabirjinetan jokatu zuten zestoarrak, azkoitiarrak, azpeitiarrak eta zumaiarrak hartu dituzte bereziki kontuan. Dena den, pilotari tarte handia eskaini badiote ere, ez dituzte ahaztu urtez urte Gurutzeaga kudeatu zuten enpresariak, ezta diru jokoa antolatzen zuten artekariak ere.
Txomin udazkenean
Liesbet Slegers
Ibaizabal
28 orrialde 6,20 euro
Haur txiki baten udazken berezia
Etxeko gazteenak gogoan sortu zuen Liesbet Slegersek Txomin udazkenean. Oso urte gutxi dituen mutikotxo bat du protagonista. Beste edozeini bezala, uda bukatu zaio Txomini ere, eta udazkena bizi behar du. Etxetik irten aurretik botak eta euritakoa jantziko ditu, hotz egiten duelako. Baina laster ohartuko da urtaro hau ere oso polita dela, kolorez betea. Lorategiko zuhaitzak hosto horiak, gorriak eta marroiak ditu, eta asko erori egiten dira. Zapaldutakoan kris-kras egiten dute. Txominek haiek biltzen lagunduko dio aitari. Eta hara non barraskilo bat ikusten duen, etxea bizkarrean daramala. Otorduetan ere aldaketak nabarituko ditu mutikoak: orain amatxok intxaur opila egiten du. Goxo-goxoa dago! Gero parkera joango dira amatxo eta biak, eta han perretxikoak eta gaztainak hartuko dituzte.
Zehar
Batzuen artean
Arteleku, Gipuzkoako Foru Aldundia
68 orrialde
Zinemaren balizko etorkizuna
Gipuzkoako Foru Aldundiak argitaratzen duen Zehar aldizkariaren 59. zenbakian zinemaren etorkizunaz egin dute gogoeta. Eta baikor agertzen dira, artetik edo arte bisualetik abiatuta ematen diotelako zinemaren etorkizunari buruzko galderari erantzuna. Begoña Vicariok animazioan aritzen den Isabel Hergueraren ibilbide profesionala azaldu du, zerk bultza zuen animazioan aritzera, nola gauzatzen duen bere lana eta ea non dagoen zinemaren, animazioaren eta artearen arteko muga haren ustez. Aldizkarian badira gai gehiago ere, jakina. Adibidez, Neus Carbonellek gaur egungo teorialari handi bat aurkeztu du, feminismoan, psikoanalisian, pedagogian eta beste esparruetan eragin handia duen Gayatri Chakravorty Spivak. Eta Miren Jaiok Iñaki Garmendiaren bi bideoren deskribapen formala egin du. y
Poema amniotikoak -Gerizpeko gudak-
Sonia González
Kutxa
84 orrialde 4 euro
Beldur eta amesgaiztoz betetako poemak
Irun Hiriko Kutxa olerki saria irabazi zuen iaz Sonia González Fernándezek Poema amniotikoak -Gerizpeko gudak- izenburuko poema bildumarekin. Barruko borrokak, isilean gordetzen diren horiek ditu gai. Eta maite duena milaka kilometrotara preso izateak sortzen duen min bizia. Absentziarekin bizitzen ikasi nahi luke, baina ez da erraza, ez denez. Orok behar du preso izan/ noiz edo/noiz/ aske izateko adieraziko du halako batean. Eta beldur-ikarak ere hor daude, beldurra ez delako aukeragai. Eta, noski, amesgaiztoak izaten dira, amesgaizto bizi-biziak. Halere, Sonia Gonzálezek dio: Ikaratuago gelditzen naiz,/ ametsetan baino,/ esna,/ galtzearen ikara/ ez edukitzearena baino/ ikaragarriagoa baita.
Denboraldi gogorra
Frauke Nahrgang
Ibaizabal
144 or. / 7,75 euro
Futbol taldeko kapitaina derbia ez jokatzeko zorian
Futbolean jokatzea eta partidak irabaztea besterik ez daukate buruan Grün-Gelb taldean aritzen diren Moritz, Catrina, Niko, Alex, Mehmet eta beste neska-mutilek. Hori oso ondo dago, ikasketak bazterrera uzten ez diren bitartean. Hala uste du Nikoren aitak, eta horrela esaten dio semeari, Grün-Gelb taldeko kapitainari, nota hobeagoak atera behar dituela. Baina Nikok kasu zipitzik ez dio egiten, eta aitak futbolean aritzea debekatuko dio, derbia jokatzear dutenean. Eskerrak Rebekak ideia bat duen.
Irakurrienak
Matomo erabiliz
#1
#2
Zigor Olabarria Oleaga
#3
#4
Gorka Peñagarikano Goikoetxea
#5
Gorka Bereziartua
#6
Amets Aranguren Arrieta
Azkenak
Turistifikazioaren Aurkako Urria antolatu dute, hiri bizigarri baten alde
Turismoaren Nazioarteko Egunean, joan den ostiralean, aurkeztu zuen Bizilagunekin plataformak Turistikazioaren Aurkako Urria egitasmoa.
2024-09-30
Unai Larrinaga Torrontegi
Osasun arloko itunak euskararen garrantzia aitortu beharko luke
2024-09-30
ARGIA
Barakaldoko tiroketaren harira zazpi pertsona atxilotu dituzte
Gizon bat hil eta beste bi pertsona zauritu dituzte igandean, Barakaldon izandako tiroketan. Ertzaintzak zazpi lagun atxilotu ditu –bost gizon eta bi emakume–, eta ikerketa zabalik da oraindik.
2024-09-30
ARGIA
Israelek dozenaka lagun hil ditu Libanon eta Yemenen, Hezbollah eta Hamaseko buruak tartean
Israelen bonbardaketek ez dute etenik. Beirut (Libano) eta Yemengo hainbat azpiegitura izan ditu jo-puntuan azken egunotan, eta dozenaka herritar hil erasoetan. Horien artean, Hezbollah erakunde xiitako buruzagi Hassan Nasrallah eta Segurtasun Prebentiboko komandante Nabil... [+]
2024-09-30
ARGIA
Ultraeskuinak lehen aldiz irabazi ditu hauteskundeak Austrian, baina ez du gobernua norekin osatu
Botoen %28,8 lortu ditu FPÖ alderdi ultranazionalistak, 2019an baino %13 gehiago. ÖVP Alderdi Popularrak botoen %26,3 jaso du eta hirugarren indarra izan da SPÖ alderdi sozialdemokrata, botoen %21,1ekin. Alderdi nagusiek uko egin diote ultraeskuinari gobernatzeko... [+]
2024-09-30
Zigor Olabarria Oleaga
Pilar Garaialde, Gogora Institututik kanpo utzi duten estatuaren biktima:
“Beti zoru etikoa ahoan, baina ez dakit hori non ote dagoen”
Iragan asteazkenean, Gogora Institutuko Zuzendaritza Kontseiluko bost kide independenteak hautatu zituzten Gasteizko Legebiltzarreko Justizia eta Giza Eskubideen Batzordean. EAJren eta PSE-EEren abstentzioek Pilar Garaialde Salsamendi zuzendaritzatik kanpo utzi zuten. Bera zen,... [+]
2024-09-30
Bertsozale.eus
Eneritz Artetxe Eizagirre nagusi Hondarribian
Gipuzkoako Bertsolari Txapelketako bosgarren final-zortzirena jokatu da gaur Hondarribiko Itsas Etxean. Artetxe, saioa irabaztearekin bat, final-laurdenetara sailkatu da.
Herri indigenei egindako kalteengatik barkamena eskatu du Kanadako Elkarte Medikoak
Kanadako Elkarte Medikoak (CMA) barkamena eskatu die herri indigenei, praktika medikoentagik edo haien gabeziagatik historikoki eragin dizkieten kalte fisiko eta psikologikoengatik. Barkamen-eskea egin duen ekitaldi berean txosten bat aurkeztu du, medikuen jarduera antietikoak... [+]
2024-09-30
Bertsozale.eus
Aitor Salegi Martijak irabazi du Andoainen
Azken aurreko final-zortzirena jokatu da gaur Bastero kulturgunean. Datorren larunbateko saioarekin osatuko da final-laurdenetako zerrenda. Sarrerak bertsosarrerak.eus atarian daude eskuragai.
Eguneraketa berriak daude