Alta


2007ko otsailaren 21ean
Utz ditzagun Napoleon eta gisa bereko zaharkeriak. Lankideak oporretan ditut eta gizonezkoekin bakarrik futbolaz mintza naiteke. Nik Txapelgoa Brasilekin batera galdu nuela aitor dut. Ez dut ulertu nola egon diren Ronaldinho eta lagunak belarrari itsatsiak laurogeita hamar minutuz. Funtsean, erasoan zebiltzan talde guztiak kanporatu dira eta soilik defentsari gogor ekiten ziotenak gelditu: garai kontserbatzaile hauekiko alegoria balitz Berlinen bukatu den Futbol WM hau?

Denek daukagu, omen, zerbait defendatzeko: aberastasuna, sozial heina, bizimodu gradua, errespetua, familia eta batzutan ohorea. Gure Aitaren Etxea ere hor dugu defendatzeko alabaina. Noren aurka? Kideak egungoan arerioak baino etsaiak dira, kirolaren alorrean barne. Aski da noizbehinka Zinedine Zidanen so tzarraren ikustea, gizona gerla kolektibo eta pertsonal batean hezurretaraino sartua dela jakiteko. Karrikan berdin: jendea tankeen moduan ibiltzen da, bakoitzak bere bizitza-eremua defendatzea helburu, irri eta eskerrik gabe. Menturaz oheen intimitatean antzeko egoerara helduak gara, senarrak telebistaren aurreko sofaren gainean tapalakatua egoteko eskubidea defendatzen duelarik, mutur eta hortz, emazteak sukaldera deitzen duen arren.

Bat-bederak bere zorion partikularra defendatzen du. Zorion ebatsia bailitzan. Pataska dorpeei irabazia. Bikote, familia edo enpresetako zorionak gohaitzen nau, beti besteen kontra eraikitako harresia delako. Irudi luke gehienetan zerbaitek edo norbaitek hil eta suntsitu behar duela norberaren zorionaren finkatzeko. Zoriona ez baita, uste dugun eran, barruak betetzen dituen sentimendu bat, baizik eta inguruneari harroki eta espantuka erakusten zaion mendeku bat. Zidanek lortu gol baten bidez, edonor, nehoiz ez bezala zoriontsu izan al daiteke? Telebistan azaltzen diren gizakur zaunkari horien zorionaren oinarrian zer dago? Benetako poza? Gorrotoa?

Zoriona, dirua edo ospearen maneran metatzen da. Ez partekatzen. Zoriona onanista bilakatua da hemen gaindi, erran nahi dut laurden-mundu aberatsenean. Erotasun uhin horren bizkar harian alta, zorionaren bilaketa gai daukatela, zinegilerik handienek arazoaren adarrak astintzen dituzte. Hala irudi zait bederen. Hilabete eskasetan, doinu berdintsua zeukaten hiruzpalau filmeren miresteko aukera ukan dut: Jim Jarmuschen Broken Flowers, Wim Wendersen Don't Come Knocking eta Pedro Almodovaren Volver. Humanitatearen jendetasun premia gorriaz ari zitzaizkidan hiruak, kasik lelo. Futbol txapelketako giro gizonkoi horretarik mila legoatan, egia erran.

Hiru obra eder hauek itzulera baten istorioa kontatzen digute. Nostalgiarik gabe. Oraina, batez ere beraiena, aspaldian bekaitz higatua, bermatzeko, batzuk abandonatu dituzten umeak -Jarmusch eta Wenders- edo besteak -Almodovar- hila uste eta jukutriaz salbatu den amak, familia bilatzen dute, bizirauten laguntzeko. Baina ez familia hertsia. Alderantziz. Noizbait elkar aurkitu behar balitz bezala, dirua eta zapalkuntza nagusi diren gizarte gerlarian aitzinatzeko. Agian, kirolaren eta neokapitalismoaren gatazka eufemisatzen duten metaforen gibelean, ezabatzen joan den harremanen emetasuna berreskuratzera gonbidatzen gaituzte film egileek. Ez feminitatea, hau ere kontzeptu maskulino bat delarik.

Itzulera zaila da, beti. Hutsak onartzekoak dira. Barkatzen eta urrikaltzen ikasi. Bideari ekin eta azkenik, ahoa nahitara tapatzen diguten ohizko buztinezko sintaxiak baztertu.
Izatearen egiak umiltzen eta batzutan umiliatzen gaitu.


Azkenak
Harrera premia aurreikusiz Zumeta margolaria

Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]


Trump-ek distentsio nuklearra eskaini die Errusia eta Txinari

Bi herrialdeekin arma nuklearrei buruz hitz egin nahi du AEBko lehendakari Donald Trumpek, ostegun honetan bere bulegoan kazetariei jakinarazi dienez.


Sexu jazarpena leporatu dioten EHUko irakaslea eskoletatik kanpo utzi du errektoretzak

EHUko Errektoretza Taldeak hedabideetara igorritako ohar baten bidez jakinarazi du neurria: "Unibertsitateak baieztatzen du salatu duten irakaslea jada klaseetatik at dagoela eta ez dela fakultatera joango kasua argitu arte".


AHT Hego Euskal Herrian: 15.000 milioi euroko inbertsioa Irunera abiadura handian iristeko?

Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]


Emeadedei + Mahl Kobat
Gutaz ari dira

EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.

----------------------------------------------------

Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]


2025-02-14 | ARGIA
Adin txikiko beisbol jokalari bati musu emateagatik entrenatzaile bat kondenatu dute

Adin txikiko neskak 2023an salatu zuen entrenatzaileak hiru aldiz musukatu zuela bere baimenik gabe. Nafarroako Probintzia Auzitegiak Iruñeko epaitegiak ezarritako zigorra baieztatu du. Entrenatzaileak ezingo du harreman zuzenik izan adin txikikoekin inongo lanbidetan eta... [+]


2025-02-14 | dantzan.eus
Inauteriak 2025 oinarrizko egutegia

Kaskarotak eta maskaradak urtarriletik dabiltza martxan, Malerrekakoak etorri dira segidan eta pixkanaka han eta hemen ospatu dira inauteri festak. Aurten, ordea, data nagusiak berandu datoz oso; Kandelaria egunean Hartza esnatu zen, baina ilargiari begiratu eta beste pixka... [+]


2025-02-14 | Sustatu
Itzulinguru ikerketa: itzulpen automatiko aurreratuak nola eragiten dio euskarari?

Sozioluinguistika Klusterrak, zenbait erakunderen laguntzarekin eta Asier Amezaga, Eduardo Apodaka eta Asier Basurtok landutako lanean, Itzulinguru izeneko proiektuaren emaitzak argitaratu ditu. Itzultzaile neuronalek (azken belaunaldiko itzultzaile automatikoak, zeinak euskaraz... [+]


2025-02-14 | Euskal Irratiak
David Gramond
“Gizartea beldurrarazteko baliatu zuten tortura, militantziari uko egiteko”

Otsailaren 13a Torturaren Kontrako eguna izanki, Euskal Herriko Torturaren Sareak gutun publiko bat igorri du. Poliziek torturatu euskal jendeen lekukotasunak bildu, eta aitortza egiteko xedea du sare berri horrek Euskal Herri osoan. Torturatuak izan diren 5.000 pertsonei... [+]


2025-02-14 | Gedar
Munichen, manifestazio sindikal bat harrapatu eta gutxienez 21 pertsona zauritu ditu gizon batek

 Ibilgailu baten bidez, Ver.diren protesta batean zeuden manifestariak aurretik eraman ditu. Duela egun gutxi, supremazista zuri batek 11 pertsona erail zituen Suedian.


Gizon bat atxilotu du Guardia Zibilak Amurrion, hildako bi agenteren kontura sare sozialetan barre egitea egotzita

"Polizia hila, baratzerako ongarririk onena" idatzi zuen atxilotuak sare sozialetan, eta lau milioi jarraitzaile baino gehiago ditu bere profilak, Guardia Zibilak azaldu duenez.


Iruñeko Laba, agur labur bat, irailean indarberrituta itzultzeko

Larunbat honetan itxiko dute Laba ostatua Iruñeko Gazteluko plazan eta, bitxia bada ere, egun osoko festarekin ospatuko dute itxiera, agurra ez baita behin-betikoa: Labak ondoko Windsor tabernarekin bat egingo du, obrak hastera doaz, eta beranduenez irailean berriz... [+]


Eguneraketa berriak daude