Liburutegia


2021eko uztailaren 16an
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Euskara bikaina ipuinetan
Gotzon Garate
Gero
158 orrialde 14 euro

Baserritarren euskara aberatsa

Gotzon Garate hogeita hamazazpi urtez ibili da Euskal Herriko zazpi probintzietako baserrietan hangoek mintzatzen duten euskara jasotzen. Berak dioenez, euskarak, ona izateko, nahitaez hiru baldintza bete behar ditu: hutsik gabekoa izatea, ulerterraza izatea eta aberatsa izatea, eta baserritarren euskarak hiru baldintza horiek betetzen ditu. Gainera, baserrietan mintzoduna zaharrago, euskara aberatsago. Izan ere, baserrietan egun galdu diren lanak egiten ziren: garia erein eta laborea bildu, lihoarekin soinekoak egin, soroak goldatu, lixiba egin, ogia erre... Eta lan horiei josiak hitz asko, esapide ugari eta atsotitz ez gutxi zeuden. Gero argitaletxearen eskutik plazaratu duen liburu honetan, baserritarrei entzundako ipuinak bildu ditu.

Alkiza auzo eta hiribilduaren azterketa historikoa (1348-1950)
P-J. Aranburu
Alkizako Udala
842 orrialde

Pello Joxe Aranburu
Alkizako historiaz

Hamaika artxibo, agiritegi eta liburutegi arakatu ditu Pello Joxe Aranburu Ugartemendiak Alkizaren historia ezkutua idatzi ahal izateko. Horrela osatu ahal izan du Alkiza auzo eta hiribilduaren azterketa historikoa (1348-1950), grafikoz eta argazkiz hornituriko liburu mardula. Berrogeita hamar baserri omen zeuzkan Alkizak 1800. urtean, baino gehiago ei ziren 1600.ean zituenak. Bestalde, 1527-1561 urteetan, Gipuzkoako Artziprestazgo Nagusiko idazkaritza Alkizan egon omen zen.Egurrola herri burdinolaren urrats goiztiarrak ere aipatzen ditu Aranburuk, baita herrian jaiotako eskultore, arkitekto eta hargin sonatuek Alkizan egindako eraikuntza dotoreak ere. Horren guztiaren berri eman du egileak liburuan.

Inork ikusi ezin duena
Sinclair Smith
Elkar
192 orrialde 12 euro

Hilketak ikusten zituen neska

Txomin Arratibelek euskaratu duen Sinclair Smith-en Inork ikusi ezin duena nobela gazteei zuzendua dago, eta begietako ebakuntza bi jasan behar izan zituen neska gazte bati haien ondoren gertatutakoa agertzen du. Arrakasta osoz gainditu zituen neskak operazio horiek, eta haiei esker, ikusi egiten du orain. Okerrena da beste edonork baino gauza gehiago ikusten dituela: hilketa lazgarri batzuk, eta are tamalgarriagoa, hilketa horiek gertatu bitartean neska gaztea hantxe egon ohi da. Izuturik, gertatzen zaiona baten bati kontatzea erabakiko du neskak. Bere sendagileari azaltzen ahalegindu da, hasteko; baina hark ez dio gazteari sinetsi. Eta beste hainbeste gertatuko zaio itsua izandakoari poliziekin hitz egitera doanean. Eskerrak azkenean haietako bat neskari kasu egitera deliberatzen den.

Ez dago gure geneetan
R.C. Lewontin, Steven Rose, Leon J. Kamin
Gaiak
374 orrialde


Biologia berria zaharraren aurrean

Gaiak argitaletxeak plazaratutako liburu honen izenburu zehatza Ez dago gure geneetan (Biologia, ideologia eta giza izaera) da, eta teknologiak ezkutatzen dituen hainbat gezur begien bistan jartzen ditu. Esate baterako, Belen kurba, adimen koefizientea edo determinismo biologikoa. R.C. Lewontin eboluzio genetistak, Steven Rose neurobiologoak zein Leon J. Kamin psikologoak lan hau egiterakoan zuten helburua zientziak barneratzen dituen gizarte-eraginak aztertzea eta ezkutuan duen ideologia agerian uztea izan da. Eta horretarako, zorrotz kritikatu dituzte terapia genikoa, psikologia ebolutiboa, garunaren funtzioen adierazpen grafikoak, ADNaren interpretazioa, sexuen arteko desberdintasun diskriminatzailea, homosexualitatearen eta kode genetikoaren arteko harremana eta biolentziaren oinarri biologikoak, besteak beste.

Aberriaren alde
Ebaristo Bustintza Kirikiño
Labayru Ikastegia, BBK Fundazioa
348 orrialde 13,52 euro

Kirikiñok idatzitako
artikulu politikoak

Ebaristo Bustintza Kirikiño idazle emankorraren artikuluak gaika batu eta argitaratu du Labayru Ikastegiak. Aberriaren alde izenburuarekin plazaratutako liburuan gai politikoak bildu dituzte, hain zuzen ere Euzkadi egunkaria sortu zenetik (1913) Primo de Rivera diktadoreak boterea eskuratu eta egunkariaren euskarazko orrialdea debekatu zuen arte (1923) mañariarrak argitaratu zituen idazlanetatik aukeratu dituzte artikuluak. Nolanahi ere, oraingo irakurleek Kirikiño behar bezala kokatu ahal izateko, testuon aurretik Cesar Gallastegik idatzitako sarrera lana dator, haren bizitza eta lanaz, zein 1913-1923 urtetako bizitza politikoaz hainbat datu eta zertzelada interesgarri eskainiz.

Alimaleko fantasiak
Antton Dueso
Elkar
88 or. / 8,50 euro

Hamar urtetik aurrerako neska-mutikoentzat

Antton Duesok idatzi, Agurtzane Ortizek euskaratu eta Iñaki Martiarena Mattinek marraztutako liburu honen mamia hainbat animalik duen fantasia agertzea da. Lau ipuin dira eta bakoitzak protagonista berezia du. Aurrenekoak Anne Marie antzara pinpiriña; bigarrenak Joxe Mari, hegan egiten ikasten tematu zen astoa; hirugarrenak Mari Pili, arrautza frijituak erruten zituen oilo gaztea, eta laugarrenak Luixmari, Uholde Unibertsaletik animalia guztiak salbatzeko ontzia egin zuen zaldia.


ASTEKARIA
2006ko uztailaren 16a
Azoka
Azkenak
Zestoako Gaztetxearen desalojoa geratzea lortu dute

Uztailaren 19an, 8:00etan zegoen gaztetxea husteko agindua emanda. Momentuz, lortu dute desalojoa atzera botatzea. Zestoako Gazte Asanbladak Bilboko Aresti Zentro Sozialistaren desaloa jasan zutenei elkartasun osoa adierazi die.


Yael Braun-Pivet izango da berriz Frantziako Asanbleako lehendakaria

Frantziako Asanbleak Yael Brau-Pivet hautatu du legebiltzarreko presidente. Lehia aurreikusten zen FHB eta Macronisten artean, eta azkenean, gutxigatik bada ere, lehendakariaren alderdikoak gailendu dira.


Margolan figuratibo zaharrena

Sulawesi (Indonesia) uhartearen hegoaldean, Leang Karampuang kobazuloan hiru irudi antropomorfoz eta basurde batez osatutako margolana aurkitu dute Griffith eta Southern Cross unibertsitateetako eta Indonesiako Agentzia Nazionaleko arkeologoek. Nature aldizkarian argitaratutako... [+]


Leonard Peltierren ihes ukatua

Lompoc (Kalifornia, AEB), 1979ko uztailaren 20a. Leonard Peltier ekintzaile indigenak eta beste bi presok espetxe federaletik ihes egin zuten. Iheskideetako bat kartzelaren kanpoaldean bertan tirokatuta hil zuten; bestea ordu eta erdi geroago atzeman zuten handik milia batera... [+]


Adin txikiko neska baten erasotzaileari jarritako epaia salatu du Gasteziko Mugimendu Feministak

Gasteizko adin txikiko neska bati sexu erasoa egin zion adin txikiko mutil batek, 2023ko ekainean. Gasteizko Mugimendu Feministak ez ditu bidezkoak ikusten epaileak erasotzaileari ezarri dizkion neurriak. Uste du erasoa jasan duenaren birbiktimizazioa bultzatzen dutela... [+]


Donostiako udaltzainek Parte Zaharreko hainbat gazte “jipoitu eta zauritu” dituztela salatu dute

Alde Zaharreko Gazte Asanbladak (AZGA) salatu du Donostiako Udaltzaingoak auzoko hainbat gazteren aurka astelehen gauean egindakoa: “Auzoko hainbat gazte futbolean jokatzen ari ziren Trinitate enparantzan, Udaltzaingoa hurbildu eta mehatxuka guztiak identifikatzeko agindua... [+]


Ursula von der Leyen Europako Batzordeko presidente izendatu dute

401 aldeko boto eta 284 kontrako jaso ditu, baina gehiengoa lortu du 41 botogatik. Hurrengo bost urteetan berriro ere presidente izango da, popularren, sozialdemokraten, liberalen eta berdeen babesa jasota. EH Bilduk kontra bozkatu du, eta EAJk alde.


Hamabost urte beharko dira Gazako genozidioan Israelek sortutako 40 milioi tona hondakin jasotzeko

NBEren ikerketa baten arabera, lehertu gabeko artilleria, substantzia kaltegarriak eta palestinarren gorpuak daude hondakin artean. 50.000 bonba baino gehiago bota ditu Israelek urritik, eta 40 milioi tona hondakin sortu dituzte.


1.200 soldadu israeldarrek baino gehiagok egin dute beren buruaz beste azken 50 urteetan

Genozidioarekin lotutako suizidio ugari identifikatu dira, armada sionistak datuak ezkutatzen baditu ere.


Eguneraketa berriak daude